SoneSee

ဖခင်ရဲ့ နောက်ဆုံးခရီးကို လိုက်ပို့ဖို့ ရထားနဲ့ အိမ်ပြန်နေချိန်မှာပဲ သူမ မမျှော်လင့်ထားတဲ့ အကြီးမားဆုံးအန္တရာယ် ကို ကြုံတွေ့ခဲ့ရပါတယ်။ ရထားပေါ်ကို ဆောက်လုပ်ရေးလုပ်ငန်းသုံး ဂျင်ခရာ () တစ်စင်း ပြိုလဲကျရောက်ခဲ့ရာမှ မိန်းကလေးငယ်တစ်ဦး နေရာတင် အသက်ဆုံးရှုံးသွားခဲ့ရသည် ဆိုတဲ့ သတင်းက သူမကို ချစ်တဲ့သူအားလုံးရဲ့ နှလုံးသားကို ပြိုကွဲစေခဲ့ပါတယ်။ သူမရဲ့ ချစ်သူက အဆက်အသွယ် မရလို့ စိတ်ပူပန်နေစဉ် ရှာဖွေလိုက်ရာမှ အေးခဲနေတဲ့ သူမရဲ့ ကိုယ်ခန္ဓာကို တွေ့ရှိခဲ့ရတဲ့ အခိုက်အတန့်ဟာ ဘဝတစ်လျှောက်လုံး မမေ့နိုင်တဲ့ အနာကျင်ဆုံးနေ့ ဖြစ်ခဲ့တယ် လို့ ဆိုပါတယ်။ ဖခင်ကို မဆုံးရှုံးရသေးခင်ပဲ ကိုယ်တိုင် အသက်ဆုံးရှုံးသွားရတဲ့ မိသားစုအတွက်တော့ နာကျင်မှုအပေါင်းစည်း အဆုံးမရှိတော့တဲ့ ဝမ်းနည်းမှု ဖြစ်သွားခဲ့ပါတယ်။ ဒီဖြစ်ရပ်ဟာ မတော်တဆဆိုတာထက် ပေါ့ဆမှုရဲ့ အကျိုးဆက် လားဆိုတာကို လူမှုအသိုင်းအဝိုင်းတစ်ရပ်လုံးက မေးခွန်းထုတ်လာကြပြီး တာဝန်ရှိသူတွေ အားလုံးက တာဝန်ယူရမယ် ဆိုတဲ့ အသံတွေ ပိုပြီး ကြီးမားလာနေပါတယ်။ #အရေးပေါ်သတင်းများ #ထိုင်းနိုင်ငံသတင်း #monetization2026 #facebook

ဘားအံ၊ ဝတ်ကြီးကျေးရွာ ဘောဆိပ်ကို စစ်ကောင်စီ Y12 ဖြင့် ဗုံးကြဲ၊ BGF တပ်ဖွဲ့ဝင် ၁ ဦး သေဆုံးပြီး ၃ ဦး ဒဏ်ရာရ ဘားအံ၊ ဇန်နဝါရီ ၁၃ ကရင်ပြည်နယ်၊ ဘားအံမြို့နယ်၊ သံလွင်အနောက်ဘက်ကမ်းရှိ ဝတ်ကြီးကျေးရွာ ဘောဆိပ်တစ်ခုကို စစ်ကောင်စီတပ်က လေကြောင်းမှ ဗုံးကြဲတိုက်ခိုက်ခဲ့ရာ BGF တပ်ဖွဲ့ဝင် ၁ ဦး သေဆုံးပြီး ၃ ဦး ထိခိုက်ဒဏ်ရာရရှိခဲ့သည်။ ယမန်နေ့ (ဇန်နဝါရီ ၁၂) မွန်းလွဲ ၃ နာရီဝန်းကျင်ခန့်က KNU တပ်မဟာ (၁) နယ်မြေဖြစ်သော ဝတ်ကြီးကျေးရွာရှိ ဘောဆိပ်ကို စစ်ကောင်စီတပ်က Y12 လေယာဉ်ဖြင့် ဗုံးသီး (၁၀) လုံးခန့် လာရောက်ကြဲချ တိုက်ခိုက်ခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် အခင်းဖြစ်ပွားရာနေရာတွင် ရှိနေသော BGF (နယ်ခြားစောင့်တပ်) တပ်ဖွဲ့ဝင် ၁ ဦး သေဆုံးခဲ့ပြီး၊ ၃ ဦး ထိခိုက်ဒဏ်ရာရရှိခဲ့သည်။ ဒဏ်ရာရရှိသူများကို ဆေးကုသမှုခံယူရန် ဆေးရုံသို့ ပို့ဆောင်ထားကြောင်း သိရသည်။ ဗုံးကြဲခံရသည့် ဘော (ကူးတို့) သည် KNU တပ်မဟာ (၇) နှင့် BGF ထိန်းချုပ်ရာ သိုက်တောဘက်ကမ်းမှ တပ်မဟာ (၁) နယ်မြေ ဝတ်ကြီးဘက်ကမ်းသို့ ကူးလာခြင်းဖြစ်ပြီး ဝတ်ကြီးဘောဆိပ်အရောက်တွင် ပစ်မှတ်ထား တိုက်ခိုက်ခံလိုက်ရခြင်း ဖြစ်သည်။ အဆိုပါ ကူးတို့ဘော ပိုင်ရှင်မှာလည်း သိုက်တောဒေသခံတစ်ဦးဖြစ်ကြောင်း သိရသည်။ Ref: Salween Press #MyanmarBreaking #LocalNews #HpaAn #KarenState #Airstrike #BGF #KNU

သည်ဟိတ်ဂ်တရားရုံးက စစ်တပ်ရဲ့ရက်စက်ကြမ်းကြုတ်မှုတွေအကြောင်းစွဲချက်တင်နေ Live update: Think Media ၁၃ ဇန်နဝါရီ ၂၀၂၆ ရိုဟင်ဂျာအမျိုးသားနဲ့အမျိုးသမီးတွေကိုခွဲခြားပြီး အမျိုးသားတွေကို သေနတ်နဲ့ပစ်သတ်ကြောင်း သည်ဟိတ်ဂ်တရားရုံးမှာ တရားလိုရှေ့နေက အခုလျှောက်လဲပြောကြားနေပါတယ်။ အမျိုးသမီးတွေကို အိမ်တအိမ်ထဲဆွဲသွင်းပြီး အုပ်စုလိုက်မုဒိမ်းကျင့်တယ်လို့ဆိုပါတယ်။ အဲသလိုမုဒိမ်းကျင့်ပြီးနောက် အမျိုးသမီးတွေကို အိမ်တံခါးပိတ်မီးရှို့လိုက်တယ်လို့ဆိုပါတယ်။ ကလေးငယ်တွေကိုသေနတ်နဲ့ပစ်သတ်တာ၊ ဓားနဲ့သတ်တာတွေအပြင် ၊ အရှင်လတ်လတ်မီးထဲပစ်ထည့်တာမျိုးလည်းရှိခဲ့တယ်လို့ အခုလျှောက်လဲစွဲချက်တင်နေပါတယ်။ အခုတိုက်ရိုက်လွှင့်နေတဲ့ တရားရုံးလျှောက်လဲချက်မှာဓာတ်ပုံမှာဖော်ပြထားတဲ့ရှေ့နေက စွဲချက်တင်နေတာဖြစ်ပါတယ်။

လူမျိုးတုံးသတ်ဖြတ်မှု သီတဂူနှင့် ဝီရသူတို့ လှုံ့ဆော်ခဲ့ဟု ICJ ၌ တင် ဧရာဝတီ၊ ဇန်နဝါရီ ၁၃၊ ၂၀၂၆ စစ်တပ်၏ ရိုဟင်ဂျာလူမျိုးတုံးသတ်ဖြတ်မှုတွင် သီတဂူ၊ ဝီရသူတို့ အပါအဝင် အမျိုးဘာသာ သာသနာ စောင့်ရှောက်ရေးအဖွဲ့ မဘသ အစွန်းရောက် ဘုန်းကြီးများက ရိုဟင်ဂျာဆန့်ကျင်ရေး အမုန်းစကားများ ဖြန့်ချိခဲ့ကြောင်း အပြည်ပြည်ဆိုင်ရာတရားရုံး (ICJ)၌ ဂမ်ဘီယာနိုင်ငံရှေ့နေ Arsalan Suleman က ဇန်နဝါရီ ၁၂ ရက် အမှုပြန်လည်စတင် ကြားနာမှုအတွင်း သက်သေအဖြစ် တင်သွင်းခဲ့သည်။ အမျိုးဘာသာ သာသနာစောင့်ရှောက်ရေးအဖွဲ့ မဘသ ဘုန်းကြီးများထဲမှ အထင်ရှားဆုံးဖြစ်သည့် ဝီရသူသည် ရိုဟင်ဂျာ များအပေါ် နှိမ့်ချသည့်စကားလုံးများ မကြာခဏ သုံးနှုန်းခဲ့သလို စစ်တပ်မှလည်း ဝီရသူ၏ ရိုဟင်ဂျာမုန်းတီးရေးသတင်း စကားများအား Facebook ၌ ပြန်လည်ဖြန့်ဝေခဲ့ကြောင်း၊ ၂၀၂၃ ဇန်နဝါရီ ၄ ရက်တွင်လည်း နိုင်ငံအကျိုးပြုလုပ်ငန်းများ လုပ်ဆောင်နေသည်ဟုဆိုကာ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ဝီရသူကို သီရိပျံချီဘွဲ့ပေးအပ်ခဲ့ ကြောင်း ဖော်ပြထားသည်။ ၂၀၁၆ ခုနှစ်နှောင်းပိုင်း ရိုဟင်ဂျာများအပေါ် ပထမအကြိမ် သတ်ဖြတ်တိုက်ခိုက်မှုများအပြီး မဘသ ဘုန်းကြီး ဝီရသူသည် ပဋိပက္ခဖြစ်ပွားရာ ရခိုင်ပြည်နယ်မြောက်ပိုင်းရှိ ကျေးရွာများသို့ သွားရောက်ကာ စစ်တပ်အရာရှိများနှင့် တွေ့ဆုံခဲ့သည်ဟု ဂမ်ဘီယာနိုင်ငံရှေ့နေက တင်သွင်းသည်။ ထို့ပြင် မြန်မာနိုင်ငံ၏ နာမည်ကြီးဘုန်းကြီး သီတဂူဆရာတော်ကလည်း ၂၀၁၇ အောက်တိုဘာလ ရိုဟင်ဂျာများအား နယ်မြေရှင်းလင်းရေးဆိုကာ သတ်ဖြတ်မှုများအတွင်း တရားပွဲတခုပြုလုပ်ခဲ့ပြီး စစ်တပ်၏ လူမျိုးတုံးသတ်ဖြတ်မှုအတွက် အပြစ်မှလွတ်ငြိမ်းခွင့်ပြုခဲ့သည်ဟု ဆိုသည်။ သီတဂူ၏ ဟောပြောချက် အပြည့်အစုံကိုပါ တင်သွင်းခဲ့ပြီး ယင်းဟောကြားမှုအား စစ်တပ်မှ ၎င်းတို့၏ လူမှုကွန်ရက်စာ မျက်နှာတွင် ၁၁ ကြိမ်တိုင် တင်ခြင်းဖြင့် ရိုဟင်ဂျာများသည် ဗုဒ္ဓဘာသာဝင်များ မဟုတ်သည့်အတွက် ကောင်းခြင်းမကောင်း ခြင်းကို မသိသော တိရစ္ဆာန်များသကဲ့သို့ ဖြစ်နေသဖြင့် ၎င်းတို့အား သတ်ဖြတ်ခြင်းသည် အကုသိုလ်မဟုတ်ဆိုသည့် သတင်းစကားကို ရှင်းလင်းစွာဖြန့်ချိခဲ့ခြင်းဖြစ်ကြောင်း ဂမ်ဘီယာနိုင်ငံရှေ့နေက ပြောကြားသည်။ ၂၀၁၉ ခုနှစ် နိုဝင်ဘာလတွင် ရိုဟင်ဂျာလူမျိုးတုံးသတ်ဖြတ်မှုနှင့် ပတ်သက်၍ မြန်မာနိုင်ငံအပေါ် ဂမ်ဘီယာနိုင်ငံက စွပ်စွဲထားသည့်အမှုအား နယ်သာလန်နိုင်ငံ၊ သည်ဟိဂ်မြို့ရှိ အပြည်ပြည်ဆိုင်ရာတရားရုံး၌ ကြားနာစစ်ဆေးမှုများကို ဇန်နဝါရီ ၁၂ ရက်တွင် စတင်ပြုလုပ်နေခြင်း ဖြစ်သည်။ ဧရာဝတီ၊ ဇန်နဝါရီ ၁၃၊ ၂၀၂၆ #WhatsHappeningInMyanmar #RejectMilitaryCoup

တကယ့်ကို အနီးနားမှာတင်ရှိတဲ့ အဖိုးတန်အရာလေးပါပဲ... အဲဒါကတော့ ကျွန်မတို့ဆီက ဒန့်သလွန်ရွက် ပါ။ ရှေးလူကြီးတွေရဲ့ အဆိုအရ ဒန့်သလွန်ရွက်ဟာ ခန္ဓာကိုယ်ရဲ့ ဇီဝကမ္မဖြစ်စဉ်ကို ညီညွတ်မျှတစေပြီး အောက်ပါကျန်းမာရေးအကျိုးကျေးဇူးများကို ရရှိစေနိုင်ပါတယ် - သွေးတွင်းသကြားဓာတ် လျော့ကျစေခြင်း။ သွေးတိုး ကျစေခြင်း။ သွေးတွင်းအဆီဓာတ် ကို လျော့ပါးစေခြင်း။ 🥣 ပြုလုပ်နည်း (လွယ်လွယ်လေးပါ) ၁။ လတ်ဆတ်တဲ့ ဒန့်သလွန်ရွက် တစ်ဆုပ်ခန့် ကို ယူပါ။ ၂။ စင်ကြယ်အောင် ဆေးကြောပြီးနောက် ညက်နေအောင် ထောင်းပါ။ ၃။ ရေသန့် အနည်းငယ်ထည့်ပြီး အရည်ညှစ်ယူပါ။ ၄။ သောက်သုံးရန် - တစ်ခါသောက်လျှင် ထမင်းစားဇွန်း (၁) ဇွန်းနှုန်း ဖြင့် မနက်တစ်ကြိမ်၊ ညတစ်ကြိမ် ပုံမှန်သောက်ပေးပါ။ 💤 အိပ်မပျော်သူများအတွက်... အိပ်မပျော်လို့ အခက်တွေ့နေရရင်လည်း လတ်ဆတ်တဲ့ ဒန့်သလွန်ရွက်ကို ငါးပိရည်နဲ့ တို့စရာအဖြစ် တွဲဖက်စားသုံးပေးရုံနဲ့တင် နှစ်ခြိုက်စွာ အိပ်ပျော်စေဖို့ ကူညီပေးပါတယ်။ ကောင်းတဲ့အရာတွေဆိုတာ အဝေးကြီးမှာ လိုက်ရှာနေစရာမလိုပါဘူး။ အိမ်ဘေးက ဒန့်သလွန်ရွက်လေးတွေကို ခူးပြီး ကိုယ့်ရဲ့ကျန်းမာရေးကို စောင့်ရှောက်ကြည့်ကြရအောင်နော်။ 🌱 ⚠️ အကြံပြုချက် ဤနည်းလမ်းသည် ရိုးရာဆေးမြီးတို ဗဟုသုတသာ ဖြစ်ပါသည်။ ဆီးချို သို့မဟုတ် နာတာရှည်ရောဂါရှိသူများအနေဖြင့် မိမိတို့၏ သွေးတွင်းသကြားဓာတ်ကို ဂရုတစိုက် စောင့်ကြည့်ရန်နှင့် ဆရာဝန်၏ လမ်းညွှန်ချက်ကို ခံယူရင်း တွဲဖက်လုပ်ဆောင်ရန် အကြံပြုအပ်ပါသည်။ #credit ShweKhitMedia #ကျန်းမာရေးဗဟုသုတရကြပါစေ #ကျန်းမာရေး #သွေးတိုး #ဆီးချို #ဆေးနည်း

ထိုင်းပါဆယ်ပို့သမားနှင့် ခိုက်ရန်ဖြစ်ပွားခဲ့သည့် မြန်မာလုပ်သား ၆ ဦး ရဲစခန်းလာရောက်ဝန်ခံ၊ လျော်ကြေးပေးပြီး အမှုကျေအေး စမွတ်ပရာကန်၊ ဇန်နဝါရီ ၁၃ ထိုင်းနိုင်ငံ၊ စမွတ်ပရာကန်ခရိုင်တွင် ဖြစ်ပွားခဲ့သော ထိုင်းပါဆယ်ပို့သမားနှင့် မြန်မာအလုပ်သမားများ ခိုက်ရန်ဖြစ်ပွားမှုတွင် ပါဝင်ခဲ့သူ မြန်မာလုပ်သား ၆ ဦးသည် ယနေ့ (ဇန်နဝါရီ ၁၃) နံနက်ပိုင်းတွင် ရဲစခန်းသို့ လာရောက်ဝန်ခံခဲ့ပြီး နှစ်ဖက်ညှိနှိုင်းမှုများဖြင့် အမှုပြီးပြတ်သွားခဲ့ပြီ ဖြစ်သည်။ အဆိုပါ မြန်မာလုပ်သား ၆ ဦးသည် 'The One' စားသောက်ဆိုင် မန်နေဂျာနှင့်အတူ ရဲစခန်းသို့ ရောက်ရှိလာပြီး၊ ၎င်းတို့၏ စိတ်လိုက်မာန်ပါ လုပ်ရပ်အတွက် နောင်တရကြောင်း ပြောကြားခဲ့သည်။ ထို့နောက် အထိုးခံရသူ ထိုင်းနိုင်ငံသားနှင့်တကွ ထိုင်းပြည်သူများကိုပါ တရားဝင် ဝန်ချတောင်းပန်ခဲ့ကြသည်။ ထိုင်းရဲတပ်ဖွဲ့က နှစ်ဖက်စလုံးကို ရန်ဖြစ်မှုဖြင့် ဒဏ်ငွေများ အသီးသီး ချမှတ်ခဲ့သည်။ ထို့အပြင် ပျက်စီးသွားသော ဆိုင်ကယ်အတွက် မြန်မာလုပ်သားများဘက်မှ လျော်ကြေးငွေ ဘတ် (၁) သောင်း ပေးလျော်ရန် သဘောတူညီခဲ့သဖြင့် အမှုကျေအေးကာ ပြေလည်သွားခဲ့ခြင်း ဖြစ်သည်။ အမှုအခင်းပြီးပြတ်သွားပြီ ဖြစ်သော်လည်း သက်ဆိုင်ရာ အာဏာပိုင်များအနေဖြင့် အခင်းဖြစ်ပွားရာ စားသောက်ဆိုင်၏ ပိုင်ဆိုင်မှုနှင့် ပတ်သက်၍ ဆက်လက်စစ်ဆေးမှုများ ပြုလုပ်သွားမည်ဟု သိရသည်။ ယမန်နေ့က အဆိုပါဖြစ်စဉ်ကြောင့် ထိုင်း-မြန်မာ လူမျိုးရေး မုန်းတီးမှုများအထိ ဦးတည်နိုင်မည့် အခြေအနေများ ဖြစ်ပေါ်ခဲ့သော်လည်း ယခုအခါ တရားဝင် ဖြေရှင်းလိုက်နိုင်ပြီ ဖြစ်သည်။ Ref: The Justice Wave #MyanmarBreaking #ThailandNews #SamutPrakan #MigrantWorkers #UpdateNews

သံပရာရည်၊ ပျားရည်၊ ရေနွေးနွေးကို ၁၀ ရက် မှန်မှန်သောက်ပါ... ခန္ဓာကိုယ် ပြောင်းလဲမှုကို သိသိသာသာ မြင်တွေ့ရပါလိမ့်မယ်။ ✨ ✅ လိုအပ်သော ပစ္စည်းများ • သံပရာသီး ၁ လုံး • ပျားရည် လက်ဖက်ရည်ဇွန်း ၁ ဇွန်း • ရေနွေးနွေး ၁ ဖန်ခွက် အားလုံးကို ရောမွှေပြီး "နွေးနွေး၊ ချိုချို၊ အချဉ်ဓာတ် မျှတတဲ့ အရသာလေးက တစ်နေ့တာလုံး လန်းဆန်းတက်ကြွစေပါတယ်" 🥤 သံပရာရည်၊ ပျားရည်၊ ရေနွေးနွေးကို ရက်ဆက် ၁၀ ရက် သောက်သုံးခြင်းရဲ့ ကောင်းကျိုးများ... 1. အူလမ်းကြောင်း လုပ်ဆောင်ချက်ကို မြှင့်တင်ပေးပြီး ဝမ်းမှန်စေဖို့ လှုံ့ဆော်ပေးပါတယ်။ 2. ခန္ဓာကိုယ်ရှိ အညစ်အကြေးတွေကို သန့်စင်ပေးပြီး ပေါ့ပါးလန်းဆန်းစေပါတယ်။ 3. သံပရာသီးက ဗီတာမင် C ရရှိလို့ အသားအရေကို ဝင်းပကြည်လင်စေပါတယ်။ 4. မောပန်းမှုကို လျော့နည်းစေပြီး ပျားရည်က ခန္ဓာကိုယ်ကို အားအင်တွေ ပြည့်ဝစေပါတယ်။ 5. ဇီဝကမ္မဖြစ်စဉ်ကို လှုံ့ဆော်ပေးပြီး အဆီပိုတွေကို ပိုမို လောင်ကျွမ်းစေပါတယ်။ 6. အိပ်ယာနိုးတဲ့အခါ လေပွတာ၊ လေအောင့်တာတွေကို လျှော့ချပေးပါတယ်။ 7. ဗိုက်ပြည့်နေစေတဲ့အတွက် ကိုယ်အလေးချိန် လျှော့ချရာမှာ အထောက်အကူပြုပါတယ်။ 8. ကိုယ်ခံအားကို မြှင့်တင်ပေးပြီး ဖျားနာတာမျိုး လွယ်လွယ်မဖြစ်အောင် ကာကွယ်ပေးပါတယ်။ 9. သွေးလည်ပတ်မှု အားကောင်းစေပြီး တစ်ကိုယ်လုံးကို နွေးထွေးစေပါတယ်။ 10. စိတ်ဖိစီးမှုတွေကို လျော့ချပေးပြီး ဦးနှောက်ကို လန်းဆန်းစေပါတယ်။ ✨ "၁၀ ရက်သာ ကြိုးစားကြည့်ပါ... ပြီးရင် သင့်ခန္ဓာကိုယ်က ကျေးဇူးတင်စကား ပြောလာပါလိမ့်မယ် 🍯🍋" မိတ်ဆွေများအားလုံး ကျန်းမာချမ်းသာပြီး အနာရောဂါမှ ကင်းဝေးကြပါစေခင်ဗျာ 🙏🏻🙏🏻🙏🏻 #MyanmarCelebrityNow #fblifestyle

ကျောက်ကပ်မှာ ကျောက်တ၊ည်တာဟာ ခံစားရသူအဖို့ တော်တော်လေး ဝေဒနာပြင်းထန်လှပါတယ်။ ဆေးရုံဆေးခန်းသွားဖို့ အခက်အခဲရှိနေသူတွေ ဒါမှမဟုတ် ရှေးလူကြီးတွေရဲ့ ကိုယ်တွေ့ လက်ဆင့်ကမ်းဆေးနည်းကောင်းကို ရှာဖွေနေသူတွေအတွက် "ကင်းပုံသီး" ကို အသုံးပြုတဲ့ အံ့ဖွယ်ဆေးနည်းလေးကို မျှဝေပေးချင်ပါတယ်။ ✅ ဆေ;နည်းဖော်စပ်ပုံ - ၁။ မှည့်နေတဲ့ “ကင်းပုံသီး”တစ်လုံးကို ယူပြီး ထက်ခြမ်းခြမ်းပါ။ ၂။ အမှုန့်ကြိတ်ထားတဲ့ ကျောက်ချဉ် အနည်းငယ် (ဇွန်းဖျားလေးတင်ရုံ) ကို အသီးပေါ်မှာ ဖြူးပေးပါ။ ၃။ ပြီးနောက် ထိုအသီးကို မီးကင်ပြီး ခြောက်သွားအောင် ပြုလုပ်ပါ။ ✅ သောက်သုံးရန် - တစ်နေ့ကို တစ်လုံးနှုန်းဖြင့် ပုံမှန်စားသုံးပေးပါ။ မကြာခင်မှာ ကျောက်များ သဘာဝအတိုင်း ကြွေကျပျက်ပြယ်သွားပါလိမ့်မယ်။ (မှတ်ချက်။ ။ ရှေးမြန်မာ့ရိုးရာနှင့် ထိုင်းရိုးရာ ဆေးနည်းကောင်းများကို အခြေခံထားခြင်း ဖြစ်ပါသည်။) မိတ်ဆွေများအားလုံး ကျန်းမာချမ်းသာပြီး အနာရောဂါမှ ကင်းဝေးကြပါစေခင်ဗျာ 🙏🏻🙏🏻🙏🏻 #MyanmarCelebrityNow #fblifestyle

မျောက်ငိုသီး၏ အစွမ်းထက် ဆေးဖက်ဝင်ပုံများ --------------------- မျောက်ငိုသီးဟာ ဆေးဖက်ဝင် အသီးတစ်မျိုး ဖြစ်ပါတယ်။ မျောက်ငိုသီး၏ ကျန်းမာရေးဆိုင်ရာ အကျိုးကျေးဇူးများကို ဖော်ပြပေးလိုက်ပါတယ်။ မျောက်ငိုသီး၏ ကျန်းမာရေး အကျိုးကျေးဇူးတွေကတော့..... ပရိုတင်းဓါတ်ကြွယ်ဝတယ် မျောက်ငိုသီးတွင် အသားဓါတ် (Protein) ကြွယ်ဝစွာပါဝင်တာကြောင့် လူ့ခန္ဓာကိုယ်ထဲက မကောင်းတဲ့ကိုလက်စထရော (Cholestrol) ဓါတ်များကို လျော့နည်းစေနိုင်ပါသည်။ ဦးနှောက်ကျန်းမာစေတယ် မျောက်ငိုသီးတွင် ပိုတက်စီယမ် (Potassium) ဓါတ် ကြွယ်ဝစွာပါဝင်သဖြင့် လူ့ခန္ဓာကိုယ် ရဲ့ အာရုံကြောစနစ်နှင့် ဦးနှောက်လုပ်ဆောင်ချက်တွေကို မှန်ကန်စေပါသည်။ စိတ်ကြည်စေတယ် မျောက်ငိုသီးတွင် Magnesium ဓါတ် ကြွယ်ဝစွာပါဝင်သဖြင့် Magnesium ကြွယ်ဝတဲ့ အစားအစာတွေကို ပုံမှန်စားသုံးပါက စိတ်ကြည်စေခြင်း၊ စိတ်ပိုင်းဆိုင်ရာနှင့် ရုပ်ပိုင်းဆိုင်ရာလုပ်ဆောင်နိုင်စွမ်းတွေကို ပိုမိုကောင်းမွန်စေပါသည်။ သွေးအားကောင်းစေတယ် မျောက်ငိုသီးတွင် သံဓါတ် (Iron) ကြွယ်ဝစွာပါဝင်သဖြင့် သွေးအားကောင်းစေပြီး သံဓါတ်မလုံလောက်ရာတွင် ဖြစ်ပေါ်တတ်သော မောပန်းလွယ်ခြင်း၊ စိတ်ရောကိုယ်ပါ အားကုန်စေခြင်းများ ကို ကာကွယ်ပေးနိုင်ပါသည်။ အစာချေစနစ် ကောင်းမွန်စေတယ် မျောက်ငိုသီးတွင် အမျှင်ဓါတ် (fiber) ကြွယ်ဝစွာပါဝင်သဖြင့် အစာချေစနစ်ကို ကောင်းမွန် စေပြီး ဝမ်းချုပ်ခြင်းမှကာကွယ်ပေးပါသည်။ မျက်လုံးကျန်းမာရေးကို ကောင်းမွန်စေတယ် မျောက်ငိုသီးတွင် Vitamin-A ကြွယ်ဝစွာပါဝင်သဖြင့် အမြင်အာရုံကိုလည်း ကောင်းမွန်စေပါသည်။ ဆီးချိုထိန်းပေးတယ် မျောက်ငိုသီးရဲ့ အာနိသင်တွေထဲမှာ သွေးတွင်းသကြားဓါတ်ကို ထိန်းနိုင်တဲ့အစွမ်းသတ္တိ လည်းပါဝင်သဖြင့် ဆီးချိုဖြစ်ပွားမှုကိုလည်း ထိန်းပေးပါသည်။ အရိုးကျန်းမာစေတယ် မျောက်ငိုသီးတွင် ဖော့စဖရပ်စ် ( Phosphorus ) ကြွယ်ဝစွာပါဝင်သဖြင့် အရိုးပွခြင်းကို ကာကွယ်ပေးပါသည်။ ဆေးလိပ်ဖြတ်ခြင်းကို ကူညီပေးတယ် မျောက်ငိုသီးတွင် Vitamin B6 ၊ B12 ပါဝင်သဖြင့် ဆေးလိပ်ဖြတ်သူများအနေဖြင့် စားပေး သင့်ပါသည်။ Potassium နှင့် Magnesium ပါဝင်လို့လည်း နီကိုတင် (Nicotine)ကို ပျက်စေပါသည်။ လေဖြတ်မှုကို ကာကွယ်ပေးတယ် မျောက်ငိုသီးတွင် Potassium အများဆုံးပါဝင်ပေမယ့် အငန်ဓါတ်မှာ နည်းပါးသဖြင့် သွေးပေါင်ကိုကျစေပြီး လေဖြတ်ခြင်းမှ ကာကွယ်ပေးနိုင်ပါသည်။ ဓါတ်တိုးဆန့်ကျင်အာနိသင်ရှိတယ် မျောက်ငိုသီးတွင် Phenolic ဒြပ်ပေါင်းကြွယ်ဝသဖြင့် Bacteria ကို ေ,သစေပြီး ရောဂါပိုးဝင်ခြင်းကို ကာကွယ်နိုင်တဲ့အစွမ်းနှင့် ဓါတ်တိုးဆန့်ကျင်အာနိသင်တွေ ပါဝင်ပါသည်။ အခြားကျန်းမာရေးအကျိုးကျေးဇူးများမှာ မျောက်ငိုသီးနှင့် ပျားရည်ကို တို့စားပါက အရက်အမူးပြေစေသလို မျောက်ငိုသီးနှင့် ပျားရည်အစွမ်းက အစာအိမ်ကို အနားယူစေပြီး သွေးချိုကိုလည်း ညီမျှအောင် ညှိပေးနိုင်စွမ်းရှိသဖြင့် အစာအိမ်မကောင်းသူများလည်း စားသုံးသင့်ပါသည်။ သတိပြုရန်မှာ.... "တန်ဆေး ၊ လွန်ဘေး" ဆိုသလို သိပ်များလွန်းလျှင် သူ့မှာ Amino Acid ပါဝင်မှုများလို့ ကျောက်ကပ်ကို ထိခိုက်စေနိုင်လို့ များစွာ မစားသင့်ပါ။ မျောက်ငိုသီးမှာ ပဲမျိုးရင်းဝင်းအုပ်စုတွင် ပါဝင်တာမို့ တခြားပဲတွေလိုပဲ သူ့မှာ Purine ပမာဏ အတော်အသင့်ပါဝင်ပါသည်။ ဒါကြောင့် ဒီပဲကို ရေစိမ်ထားပါက Urine acid တော်တော်လေး လျော့သွားစေနိုင်ပါသည်။ မျောက်ငိုသီး၏ ကျန်းမာရေးအကျိုးကျေးဇူးများကို ပြန်လည်မျှဝေပေးခြင်းဖြစ်ပါသည်။ အားလုံးပဲ ကျန်းမာကြပါစေ....။ with respect - credit #knowledge #home remedies

အိမ်တိုင်းမှာ မုရိုးပင် တပင်လောက်တော့ စိုက်ထားသင့်တဲ့ အကြောင်းအရင်း 🌿 အရိုးတစ်ချောင်းမှာ အရွက်က တစ်ဖက်တစ်ချက် ထွက်ပြီး အကိုင်းဖျားအထိ အရွက်က အစိမ်းရောင်ရင့်ရင့်၊ အမွှေးနုပါတဲ့ဖက်က အဖြူရောင်ဖက်ကို နဲနဲယိမ်းပါတယ်။ အသီးက စိမ်တစ်လုံး သရက်လို ပုံသဏ္ဌာန်ရှိတယ်။ ဒါပေမဲ့ အထဲမှာက လေအပွသီး ဝတ်ဆံအနက်နဲ့၊ အမွှေးမျှင်မျှင်တွေ လေမှာပျံပြီး မျိုးပွားတယ်။ ACID ဓါတ်များပါတယ် ကျွဲမရိုးလည်း ခေါ်တယ် တောင်မရိုးပင်လည်း ခေါ်တယ်။ အညာဒေသမှာတော့ မရိုးပင်လို့ ခေါ်ပါတယ်။ ကျွဲပေါက်ပင်လို့လည်း ခေါ်ပါတယ်။ ရခိုင်ဒေသမှာ မုရိုးပင်ကို ဖြူကြီးပင်လို့ခေါ်တယ်။ ငဖြူ ကြီးပင်လို့လည်းခေါ်ပါတယ်။ပြည်ဘက်မှာတော့ နွားဖြူကြီးပင် (နွားနို့ခဲ) အပင်လို့ ခေါ်ပါသည်။ ဆေးနည်းများ (၁) ဒူးနာ ခါးနာဖြစ်ရင် အရွက်ကို ရေနဲ့ သေချာဆေးပါ။ ပြီးတော့ အရွက်ကို မီးကင်ပြီး ၂ ည ၃ ည ပတ်စီးပေးရင် ယူပစ်သလို ပျောက်ပါတယ်။ (၂) လေးဘက်နာပျောက်တယ် အပင်ရော အမြစ်ပါမကျန်နူတ်ပြီး အိုးထဲမှာထည့် အပေါ်ကနေ ဆေးရွက်ကြီးအုပ် ရေထည့်ပြုတ်ပါ။ အဲဒီရေကို ချိုးပေးပါ။ နောက်တနည်းကတော့ မရိုး အမြစ်နဲ့ ဆန်ဆေးရည် သွေးပြီး လိမ်းရင်လည်း အဆစ်အမြစ်ရောင် လေးဖက်နာ ပျောက်ပါတယ်။ (၃) ခြေထောက်ခေါက်လဲလို့ မျက်သွားပြီး ယော'င်ကိုင်းနေရင် မုရိုးစေးကို အသာလေး ပွတ်လိမ်းပေးပြီး အရွက်ကို မီးကင် လက်လေးနဲ့ အသာလေးချေ အပြန့်လိုက် ကပ်ပြီး ပိတ်စနဲ့ စည်းထားလိုက်ပါ။ (၄) ကြွက်နို့ကိုဖြတ်ပြီး အစေးနဲ့ တို့ထားရင် အမြစ်ပါ စားပြီး ကျင်းခွက်လို ဖြစ်သွားတယ်။ ပြီးတော့ ပျောက်သွားတယ်။ ငါးမျက်စိ ပေါက်နေသူများ မုရိုးရွက်ကို ချိုးလိုက်တဲ့အခါ ထွက်လာသော အစေးနဲ့ ခဏခဏ တို့ပေးပါ။ အလိုလို ထွက်ကျလာမည်။ (၅) ခြေထောက်မှာ ဝတ်ဆံတည်တာကို ခြေပူနာလို့ ခေါ်ပါသည်။ ကြက်ဆူး ထည့်သွားပြီဆိုရင် ခဲနင်းမိပါက အမလေး တ ရတဲ့ အနာပါ။ အနာထိပ်ကို ဓာ;နှင့် လှီ;ပြီး အစေးကို သုတ်လိမ်းပေးပါက ပျောက်ပါသည်။ (၆) အမျိုးသမီးများ သားအိမ်အတွင်း 6သွ;လုံး လေလုံးဖြစ်ခဲ့ပါလျှင် မုရိုး ၅ ပွင့်ကို နှမ်းဆီနှင့်ကြော်စား၊ ဝမ်းဗိုက်ကို မုရိုးစေးနှင့် ဆနွင်းမှုန့် ဆတူရောစပ် လိမ်းပေးပါက တဖြည်းဖြည်း သေးငယ်ပြီး သက်သာပျောက်ကင်းစေပါတယ်။ ဓမ္မတာမမှန်တာ သွေ;မပေါ်တာဆိုရင် အရည်ညှစ်ပြီး နှစ်ခေါင်းထဲကို တစ်စက်ဆီ ထဲ့ပေးပါ။ သွေးချက်ချင်း ဆင်းပါတယ်။ (၇) ပန်းနာ ရင်ကြပ် ရောဂါ ပျောက်ပါတယ် မရိုးပင်ကို ၃ လက်မ လောက်ဖြတ်ပြီး နေလှမ်းပါ။ ခြောက်သွေ့တဲ့အခါ မီးရှို့ပြာချပါ။ ပြာကို ရေစိမ် မွှေပေးပြီး အနယ်ထိုင်ရင် အရေကြည်ကို ဆားချက်ပါ။ မုရိုးကြီးရုက္ခမူ ဆားရမယ်။ အဲဒီဆား တစ်ပဲသားကို ပျားရည် တစ်ဆယ်သားနဲ့ ရောသမမွှေ သုံးဆောင်ပါ။ (၈) ဆူး စူးပြီး ဆူးကိုထွင်လို့ မရတဲ့အခါ ဒီအပင်ရဲ့အစေးကို • ထည့်လိုက်ပါ။ နာရီ အနည်းငယ်ကြာတဲ့အခါ ဆူးက သူ့အလိုလို အပြင်ကို ထွက်လာပါတယ်။ ဆူး စူးပြီး အနာဝ ပိတ်သွားလို့ ဆူးကျန်ပြီး အထဲက နာနေလျှင်လည်း အနာဝကို ဖွင့်ပြီး အစေးချ အရွက်မီးကင် ကပ်လိုက်တာ ညောင့်ထွက်လာပါတယ်။ • ခြေထောက်မှာ ဆူးစူးလို့ ရှာမရဖြစ်နေရင် အစေးကို အနာဝပေါ် တို့ပြီး အရွက်ကို မီးကင်ကပ်ရင် ဆူးထွက်ပါတယ်။ ပတ်တီးဖွဖွလေး စည်းထားရင်လည်း အဆင်ပြေပါတယ်။ • စူးပြီး တော်တော်နာနေတာ အပ်နဲ့ကော်ထုတ်လဲ မရပါ။ အသိတစ်ယောက်ကပြောလို့ မုရိုးအစေးနဲ့ ကပ်လိုက်တာ နောက်နေ့ အနာကိုညှစ်လိုက်တော့ ဆူးပါသွားတယ်။ (၉) ချောင်းဆိုး တီဘီ အဆု'တ်နာ မုရိုးရွက် တစ်ရွက်၊ ကွမ်းရွက်တစ်ရွက်၊ ဆားအနည်းငယ် ထည့်ပြီး ပြာချပါ။ အဲဒီပြာကို လျှက်ဆားလို တစ်နေ့ အနည်းငယ် လျှက်ပေး ပါ ပျောက်ပါတယ်။ (၁၀) အနာစိ'မ်း မွှေးကျွ'တ်နာ အနာလုံ;များပေါက်ရင် အနာပေါ်မှာ အရွက်ကို မီးလေးပြပြီး ကပ်ထားပါက အလျှင်အမြန် ပျောက်ကင်းပါသည်။ (၁၁) ထိပ်ကပ်နာခေါ်တဲ့ နှာပိတ်ရောဂါကို မရိုးအစေးဖြူလေး နှာခေါင်းထိပ်ထဲ ထည့်ပေးပြီး ၁၀မိနစ်လောက်နေရင် နှာဆက်တိုက်ချေပြီး နှပ်ပုတ်များ ထွက်လာကာ သက်သာ-ပျောက်ကင်းပါသည်။ ထိတ်ခတ်နာကို အရွက်ကိုနေလှန်း ဆေးလိပ်လိုလိပ်၍ မီးရှို့ပြီး ရှူပါ။ • ပြီးတော့ နှာခေါင်းမှ ပြန်ထုတ်ပါ။ ပျောက်ကင်းပါသည်။ ထိပ်ကပ်နာ နားခေါင်းယားလျှင် အရွက်ကို ချေပြီး ရှူပေးပါ။ မရိုးရွက်ကို အခြောက်လှမ်း ဆေးလိပ်တွင် ထည့်ကာ မီးခိုးကို ရှူပါက • နှာရည်များကျကာ ပွင့်သွားပါသည်။ တစ်သက်လုံး မယားတော့ပါ။ နှာခေါင်းပိတ်(ထိပ်ကပ်နာ) အသက်ရှူကြပ်ရောဂါရှိသူများ မရိုးရွက်မီးကင်ကို နှာခေါင်းအတွင်းမော့၍ ညှစ်ထည့်ပါ။ • ခဏအကြာတွင် နှာချေ၍ နှာခေါင်းအတွင်းမှ အဝါရောင် အညစ်ကြေးများ ထွက်လာပြီး လုံးဝကောင်းသွားပါမည်။ • ဆေးလိပ် အသောက်များသူများ မရိုး အရိုးအခြောက်ကို ဆေးလိပ်သောက်သကဲ့သို့ တစ်ဖက်မှမီးရှို့၍ တစ်ဖက်မှရှူပေးလျှင် ဆေးလိပ်ချိုး ချေးများ ပြန်အန်ထွက်လာပါလိမ့်မည်။ နှာခေါင်း ခဏခဏ ပိတ်ရင် မုရိုးရွက် အခြောက်ကို မီးခဲပေါ်တင် ရှူပါက သက်သာတယ်။ • မုရိုးခေါ် မရွေး တစ်နည်း ဖြူကြီးရွက် ၇ ရွက် ဖင်ပြန် ခေါင်းပြန် ထပ်ပါ။ ထပ်ပြီးရင် ကတော့ထိုးပါ။ ကတော့ထဲမှာ ဆားထည့်ပြီး မီးဖြင့်ဖုတ်ပါ။ ရလာသော ဆားမီးဖုတ်ကို တစ်နေ့ သုံးကြိမ် ရွေးစေ့ငယ်ခန့် လျှက်ပေးပါက ပန်းနာရင်ကြပ် လုံးဝ အမြစ်ပြတ် ပျောက်ပါတယ်။ တစ်လလောက် သီးခံလျှက်ပေးပါ။ (၁၁) အစာအိ'မ်ရောဂါ ဖြစ်ပါက မုရိုးရွက်တစ်ရွက်ကို အရင်းအဖျား စတိပယ်ပါ။ ရှောက်ရွက် ခုနစ်ရွက်၊ အိမ်သုံးဆား ခုနစ်ကျပ်သား ရောပြီး အိုးထဲထည့် အလုံပိတ် မီးဖုတ်။ ပြာကျ သွားပါက အစာစားပြီးတိုင်း လျှက်ပေးပါ။ ပျောက်ကင်း၏။ (၁၂) သွားကို'က်ရင် သွားအခေါ'င်းထဲကို ဂွမ်းစလေးနဲ့ သူ့အစေးကိုတို့ပြီး သိပ်ထားပါ။ ခဏနဲ့ ပျောက်ပါတယ်။ သွားအခြေကို အစေးတို့ပြီး ငါးမိနစ်ခန့်အကြာမှာ အဲဒီသွားကိုနှုတ်ရင် အလွယ်တကူ ကျွတ်ပါတယ်။ • အသံမထွက်တဲ့လူများ အသံ ထွက်လာပါလိမ့်မယ်။ ဆေးနည်းကတော့ အရွက်ကို ခြောက်အောင်နေလှမ်းပါ။ ခြောက်တဲ့အရွက်ကို မီးကင်ပါ။ ပြာဖြစ်အောင် ကင်ရမှာပါ။ အဲဒီကင်ပြီးသား အရွက်ကို • အမှုန့်ကြိတ်ပြီး ပျားရေနဲ့ နယ်ကာ လက်ဖက်စားဇွန်းနဲ့ တစ်နေ့ သုံးကြိမ် နံနက် နေ့ ညနေ စားပေးပါ။ ၃ လကြာရင် အသံထွက်လာပါမယ်(မွေးရာပါ စကားမပြောနိုင်တဲ့ လူများ မပါပါ။) • မြင်းစဂုံနီမြစ် မရိုးမြစ် မိုးနံမြစ်တို့ကို သွေးပြီး လိမ်းပါက အနာမျိုးစုံပျောက်ပါသည်။ သံနဲ့ ထိခိုက်မိရင် ချက်ချင်း သူရဲ့အစေး အဖြူရောင်ကို အနာမှာထည့်ပါ။ မိတ်ဆွေများအားလုံး ကျန်းမာချမ်းသာပြီး အနာရောဂါမှ ကင်းဝေးကြပါစေခင်ဗျာ 🙏🏻🙏🏻🙏🏻 #MyanmarCelebrityNow #fblifestyle #crd_to_owner_with_respect

ခြေဖျားလက်ဖျားတွေ ခဏခဏ ထုံကျင်နေတာ၊ လှုပ်ရှားရတာ လေးလံနေတာမျိုးဟာ လေဖြတ်ခြင်းရဲ့ ရှေ့ပြေးလက္ခဏာတွေ ဖြစ်နိုင်တာမို့ လျစ်လျူရှုမထားသင့်ပါဘူး။ ဒီလိုဝေဒနာရှင်တွေအတွက် သဘာဝကပေးတဲ့ လက်ဆောင် "ကန့်ကလာ" အပင်ရဲ့ ဆေးဖက်ဝင်ပုံကို မျှဝေပေးချင်ပါတယ်။ ကန့်ကလာ အပင်မှာ အဖြူနဲ့ အနီ နှစ်မျိုးရှိတဲ့အနက် အခုပြသထားတဲ့ "အရိုးနီ" အပင်ဟာ ဆေးအာနိသင် ပိုမိုထက်မြက်တယ်လို့ သိရပါတယ်။ သူက မြေမှာကပ်ပေါက်တတ်ပြီး အရသာ အနည်းငယ် ခါးသက်သက်ရှိပါတယ်။ လယ်ကွင်းပြင်တွေနဲ့ အေးမြတဲ့ နေရာတွေမှာ အလွယ်တကူ ရှာဖွေနိုင်ပါတယ်။ ကန့်ကလာအနီရဲ့ အံ့ဖွယ်အကျိုးကျေးဇူးများ ခြေဖျားလက်ဖျား ထုံကျဉ်ဝေဒနာများကို သိသိသာသာ သက်သာစေပါတယ်။ သွေးကြောပိတ်ခြင်းကို ကာကွယ်ပေးပြီး လေဖြတ်နိုင်ခြေကို လျော့ကျစေပါတယ်။ အကြောအာရုံကြော ကောင်းမွန်စေခြင်း ၊ လက်တုန်ခြေတုန်ဖြစ်ခြင်း (Parkinson) ဝေဒနာရှင်များအတွက်လည်း အားကိုးရတဲ့ ဆေးပင်ဖြစ်ပါတယ်။ 🥣 အသုံးပြုပြီး စားသုံးနည်း (၃) နည်း ၁။ ဟင်းခါးချက်သောက်နည်း အပင်ကို သန့်စင်အောင်ဆေးပြီး ကြက်သွန်ဖြူ၊ ငရုတ်ကောင်းတို့နဲ့ ဟင်းခါးချက်ကာ ပူပူနွေးနွေး သောက်ပေးပါ။ အကြောအခြင်တွေကို ပွင့်စေပါတယ်။ ၂။ ဆေးဖက်ဝင် ကြော်ချက် အမြစ်ပါမကျန် တစ်ပင်လုံးကို ရေစင်အောင်ဆေးပြီး ကြက်သွန်ဖြူလေးနဲ့ ဆီသတ်ကာ ကြော်စားနိုင်ပါတယ်။ ထမင်းမြိန်စေသလို ကျန်းမာရေးအတွက်လည်း ကောင်းမွန်ပါတယ်။ ၃။ ဆေးရည်အဖြစ် ပြုတ်သောက်နည်း: ရေစင်အောင်ဆေးထားတဲ့ အပင်ကို ရေနွေးနဲ့ ဆူအောင်ပြုတ်ပါ။ ထိုပြုတ်ရည်ကို တစ်နေ့ (၂) ကြိမ်ခန့် ပုံမှန်သောက်ပေးခြင်းဖြင့် သွေးလည်ပတ်မှု ကောင်းမွန်စေပြီး ထုံကျင်မှုကို သက်သာစေပါတယ်။ မိမိပတ်ဝန်းကျင်မှာ အလွယ်တကူရနိုင်တဲ့ ဒီဆေးပင်လေးကို အကျိုးရှိရှိ အသုံးပြုပြီး ရောဂါဘယကင်းဝေးကြပါစေလို့ တိုက်တွန်းလိုက်ရပါတယ်။ #alinthitmedia

စစ်ပွဲအတွက် အပြည့်အဝ အသင့်ရှိကြောင်း အမေရိကန်ကို အီရန်သတိပေး၊ လာရောက် "စမ်းသပ်ခြင်း" မပြုရန် တုံ့ပြန် တီဟီရန်၊ ဇန်နဝါရီ ၁၃ အီရန်နိုင်ငံအတွင်း ဖြစ်ပွားနေသော ဆန္ဒပြပွဲများကို အစိုးရက အကြမ်းဖက်နှိမ်နင်းနေမှုအပေါ် အမေရိကန်သမ္မတ ဒေါ်နယ်ထရမ့်က စစ်ရေးအရ အရေးယူနိုင်ကြောင်း ခြိမ်းခြောက်ပြောဆိုလိုက်ပြီးနောက်၊ အီရန်နိုင်ငံခြားရေးဝန်ကြီး အဘတ်စ် အာရတ်ချီက "မိမိတို့အနေဖြင့် စစ်ပွဲအတွက် အပြည့်အဝ အသင့်ရှိနေပြီ" ဟု ပြင်းထန်စွာ သတိပေး တုံ့ပြန်လိုက်သည်။ "အမေရိကန်အနေနဲ့ ကျွန်တော်တို့ကို လာရောက် စမ်းသပ်တာမျိုး မလုပ်ပါနဲ့" ဟု အီရန်နိုင်ငံခြားရေးဝန်ကြီးက အယ်လ်ဂျာဇီးယားသတင်းဌာနနှင့် အင်တာဗျူးတွင် ပြောကြားခဲ့သည်။ ပြီးခဲ့သည့်နှစ်က (၁၂) ရက်ကြာ စစ်ပွဲနှင့် နှိုင်းယှဉ်ပါက ယခုအခါ ပိုမိုကျယ်ပြန့်သော စစ်ရေးပြင်ဆင်မှုများ ပြုလုပ်ထားပြီးဖြစ်ကြောင်း ၎င်းက ဆိုသည်။ သမ္မတထရမ့်က မကြာသေးမီက ဗင်နီဇွဲလားသမ္မတကို ဖမ်းဆီးခဲ့သည့် ဖြစ်စဉ်ကို ကိုးကားကာ အီရန်အပေါ်တွင်လည်း "ပြင်းထန်သော စစ်ရေးရွေးချယ်မှုများ" ရှိနေကြောင်း သတိပေးခဲ့သည်။ နျူကလီးယားဆွေးနွေးပွဲများ မတိုင်မီ လက်ရှိ ဆန္ဒပြပွဲကိုင်တွယ်ပုံအပေါ် မူတည်၍ စစ်ရေးအရေးယူမှု လုပ်ဆောင်ဖွယ်ရှိကြောင်း အရိပ်အမြွက် ပြောဆိုထားခြင်း ဖြစ်သည်။ အီရန်နိုင်ငံတစ်ဝန်းတွင် စီးပွားရေးကျပ်တည်းမှုမှ အစပြုသော အစိုးရစနစ် ပြောင်းလဲရေး ဆန္ဒပြပွဲများကြောင့် အခြေအနေ တင်းမာလျက်ရှိပြီး၊ လုံခြုံရေးတပ်ဖွဲ့ဝင် ၁၀၀ ကျော် သေဆုံးထားကြောင်း အစိုးရက ထုတ်ပြန်ထားသည်။ သတင်းစီးဆင်းမှုကို ထိန်းချုပ်ရန် အင်တာနက်များကိုလည်း ဖြတ်တောက်ထားဆဲဖြစ်သည်။ အီရန်ဘက်က ဝါရှင်တန်အနေဖြင့် စစ်ပွဲထက် ဆွေးနွေးညှိနှိုင်းမှုလမ်းစဉ်ကို ရွေးချယ်ရန် မျှော်လင့်ကြောင်း ပြောဆိုသလို၊ အိမ်ဖြူတော်ကလည်း အီရန်၏ လူသိရှင်ကြား ပြောဆိုမှုနှင့် သီးသန့်ဆွေးနွေးလိုမှု ကွဲပြားနေသည်ဟု ဆိုကာ အခြေအနေကို ချိန်ဆလျက်ရှိသည်။ Ref: Al Jazeera #MyanmarBreaking #InternationalNews #IranUSConflict #WarWarning #MiddleEast #Trump

မြင်းခြံမြို့တွင် ရွေးကောက်ပွဲလုပ်ရန် စစ်ကောင်စီက အထပ်မြင့်များနှင့် ဘုန်းကြီးကျောင်းများ၌ တပ်စွဲ၊ လုံခြုံရေး အထူးတင်းကျပ် ​ရန်ကုန်၊ ဇန်နဝါရီ ၁၃ ​မန္တလေးတိုင်း၊ မြင်းခြံမြို့နယ်တွင် လာမည့် ဇန်နဝါရီ ၂၅ ရက်၌ ပြုလုပ်မည့် စစ်ကောင်စီ၏ ရွေးကောက်ပွဲ (အပိုင်း-၃) အတွက် ပြင်ဆင်သည့်အနေဖြင့် မြို့အပြင်ဝန်းကျင်ရှိ အထပ်မြင့် အဆောက်အအုံများနှင့် ဘုန်းကြီးကျောင်းများတွင် စစ်တပ်က နေရာယူ တပ်စွဲမှုများ ပြုလုပ်နေကြောင်း ဒေသခံများထံမှ သိရသည်။ ​ တော်လှန်ရေးတပ်ဖွဲ့များ၏ တိုက်ခိုက်မှုကို စိုးရိမ်သဖြင့် ယမန်နေ့ (ဇန်နဝါရီ ၁၂) မှစတင်ကာ စစ်ကောင်စီတပ်နှင့် ပျူစောထီး ပူးပေါင်းအဖွဲ့များသည် မြို့ပတ်ဝန်းကျင်ရှိ စစ်ရေးဗျူဟာကျသော အထပ်မြင့်နေရာများနှင့် ဘုန်းကြီးကျောင်းများတွင် အင်အားချထားလိုက်ခြင်း ဖြစ်သည်။ စစ်ကောင်စီသည် နွားထိုးကြီးနှင့် မြင်းခြံလမ်းပိုင်းကို လွန်ခဲ့သည့် (၅) လခန့်ကတည်းက စစ်ကြောင်းထိုး ထိန်းချုပ်ရန် ကြိုးပမ်းနေသော်လည်း လက်ရှိအချိန်ထိ နယ်မြေအပြည့်အဝ မစိုးမိုးနိုင်သေးပေ။ အဆိုပါ မြို့နယ်နှစ်ခုကြားတွင် တိုက်ပွဲများ မကြာခဏ ဖြစ်ပွားနေပြီး ကျေးရွာပေါင်း ၃၀ ကျော်မှ ပြည်သူများ ထွက်ပြေးတိမ်းရှောင်နေရဆဲ ဖြစ်သည်။ ​ ဇန်နဝါရီ ၂၅ ရက်တွင် ပြုလုပ်မည့် ရွေးကောက်ပွဲ (အပိုင်း-၃) တွင် မြင်းခြံ၊ ငါန်းဇွန်၊ သပိတ်ကျင်း၊ ပုသိမ်းကြီး၊ တောင်သာ၊ မလှိုင်၊ မြစ်သားနှင့် ချမ်းမြသာစည် စသည့် မြို့နယ်များ ပါဝင်သည်။ ထူးခြားချက်အနေဖြင့် KIA သိမ်းပိုက်ထားပြီးဖြစ်သော ကချင်ပြည်နယ် မိုးမောက်မြို့နှင့် တိုက်ပွဲပြင်းထန်နေသည့် ဗန်းမော်မြို့တို့ကိုပါ ရွေးကောက်ပွဲစာရင်းတွင် ထည့်သွင်းထားသည်ကို တွေ့ရသည်။ ​Ref: People's Spring ​#MyanmarBreaking #LocalNews #Myingyan #Mandalay #MilitaryCoup #Election2026 #Conflict

တရုတ်ပိုင်နက်ဟု အငြင်းပွားနေသည့် ရေပြင်တွင် အမေရိကန်လေယာဉ်တင်သင်္ဘောအုပ်စု ကျည်အစစ်သုံး စစ်ရေးလေ့ကျင့် ​တောင်တရုတ်ပင်လယ်၊ ဇန်နဝါရီ ၁၃ ​တရုတ်နိုင်ငံက ၎င်းတို့၏ ပိုင်နက်အဖြစ် သတ်မှတ်ကြေညာထားသည့် တောင်တရုတ်ပင်လယ်ရေပြင်တွင် အမေရိကန်ရေတပ်၏ USS Abraham Lincoln လေယာဉ်တင်သင်္ဘော ဦးဆောင်သော တိုက်ရေယာဉ်အုပ်စုက လက်နက်ကြီး၊ ကျည်အစစ်များ အသုံးပြု၍ စစ်ရေးလေ့ကျင့်မှုများ ပြုလုပ်လျက်ရှိသည်။ ​ ဇန်နဝါရီ ၈ ရက်နေ့ကတည်းက စတင်ခဲ့သော ဤစစ်ဆင်ရေးတွင် လေယာဉ်တင်သင်္ဘောအနီး ချဉ်းကပ်လာမည့် ရန်သူ့ဒုံးကျည်နှင့် ဒရုန်းများကို ပစ်ခတ်ချေမှုန်းနိုင်သည့် Phalanx လက်နက်စနစ်ကို ကျည်အစစ်များဖြင့် ပစ်ခတ်လေ့ကျင့်ခဲ့ကြောင်း သိရသည်။ ​ နျူကလီးယားစွမ်းအင်သုံး USS Abraham Lincoln နှင့်အတူ ပဲ့ထိန်းဒုံးကျည်တပ် ဖျက်သင်္ဘောကြီးများဖြစ်သည့် USS Spruance၊ USS Michael Murphy နှင့် USS Frank E. Petersen Jr တို့ ဝန်းရံလိုက်ပါလာသည်။ ​ ပြီးခဲ့သည့် နှစ်ကုန်ပိုင်းက ထိုင်ဝမ်သည် အမေရိကန်ထံမှ ဒေါ်လာ ၁၁ ဘီလီယံတန်ဖိုးရှိ စစ်လက်နက်များ ဝယ်ယူရန် အတည်ပြုခဲ့ပြီးနောက်၊ တရုတ်က ထိုင်ဝမ်ကျွန်းကို ဝိုင်းပတ်ပိတ်ဆို့သည့် စစ်ရေးလေ့ကျင့်မှု ပြုလုပ်ခဲ့သည်။ ယခု အမေရိကန်၏ လှုပ်ရှားမှုသည် တရုတ်၏ လုပ်ရပ်ကို တန်ပြန်သည့် အင်အားပြမှုတစ်ခု ဖြစ်လာသည်။ ​ အမေရိကန် အမှတ် ၇ ရေတပ်မကြီး၏ အကြီးအကဲကမူ ၎င်းသည် ပုံမှန်စစ်ရေးလေ့ကျင့်မှုသာဖြစ်ပြီး မဟာမိတ်များကို အားဖြည့်ရန်နှင့် ရန်လိုမှုများကို တန်ပြန်ရန်ဖြစ်ကြောင်း ပြောကြားခဲ့သည်။ အမေရိကန်သည် တရုတ်၏ ပိုင်နက်ကြေညာမှုကို အသိအမှတ်မပြုဘဲ နိုင်ငံတကာရေပိုင်နက်အဖြစ်သာ သတ်မှတ်ထားသည်။ ​Ref: Independent ​#MyanmarBreaking #SouthChinaSea #USNavy #China #Taiwan #MilitaryDrill #USSAbrahamLincoln

ရိုဟင်ဂျာများကို ဖျက်ဆီးရန် ရည်ရွယ်ချက်ဖြင့် "အထိတ်လန့်ဆုံး အကြမ်းဖက်မှုများ" ကျူးလွန်ခဲ့ဟု ဂမ်ဘီယာ လျှောက်လဲ ​သည်းဟိတ်၊ ဇန်နဝါရီ ၁၃ ​မြန်မာစစ်တပ်သည် ရိုဟင်ဂျာလူမျိုးစုကို အပြီးတိုင် ဖျက်ဆီးပစ်ရန် ရည်ရွယ်ချက်ဖြင့် "လူတစ်ယောက် စိတ်ကူးကြည့်နိုင်သမျှ အထိတ်လန့်ဆုံးသော အကြမ်းဖက်မှုများ" ဖြင့် ပစ်မှတ်ထား ကျူးလွန်ခဲ့ကြောင်း ဂမ်ဘီယာနိုင်ငံက ICJ တရားရုံးတွင် ပြင်းပြင်းထန်ထန် လျှောက်လဲပြောကြားလိုက်သည်။ ​ယမန်နေ့ (ဇန်နဝါရီ ၁၂) က စတင်ခဲ့သော ဂမ်ဘီယာ-မြန်မာ အမှု၏ အနှစ်သာရပိုင်းဆိုင်ရာ ကြားနာပွဲတွင် ဂမ်ဘီယာ တရားရေးဝန်ကြီး Dawda Jallow က တရားသူကြီးများရှေ့မှောက်၌ ထွက်ဆိုခဲ့ခြင်း ဖြစ်သည်။ "ဒီအမှုဟာ နိုင်ငံတကာဥပဒေရဲ့ ခက်ခဲနက်နဲတဲ့ သဘောတရားတွေ သက်သက်မဟုတ်ပါဘူး။ တကယ့်မြေပြင်မှာ ဖျက်ဆီးခံလိုက်ရတဲ့ လူသားတွေ၊ တကယ့်အဖြစ်အပျက်တွေအကြောင်း ဖြစ်ပါတယ်" ဟု ဂမ်ဘီယာဝန်ကြီးက ဆိုသည်။ မြန်မာနိုင်ငံသည် ရက်စက်ကြမ်းကြုတ်မှုများနှင့် ပြစ်ဒဏ်ကင်းလွတ်ခွင့်များကြား သံသရာလည်နေကြောင်း၊ ရိုဟင်ဂျာများအပေါ် ကျူးလွန်ခဲ့သည့် ရာဇဝတ်မှုများအတွက် မည်သူ့ကိုမျှ တာဝန်ခံခိုင်းခြင်း မရှိသေးကြောင်း ထောက်ပြပြောဆိုခဲ့သည်။ ဤအမှုတွင် ကနေဒါ၊ ယူကေ၊ ပြင်သစ်၊ ဂျာမနီ အပါအဝင် နိုင်ငံပေါင်း (၁၁) နိုင်ငံက ကြားဝင်လျှောက်လဲခွင့် ထုတ်ပြန်ချက်များ တင်သွင်းထားပြီး၊ မြန်မာနိုင်ငံအနေဖြင့် လူမျိုးတုံးသတ်ဖြတ်မှု တားဆီးရေး သဘောတူညီချက်ကို ချိုးဖောက်ခဲ့ကြောင်း ကြေညာပေးရန် ဂမ်ဘီယာက တောင်းဆိုထားသည်။ ​ကြားနာပွဲများကို ဇန်နဝါရီ ၂၉ ရက်နေ့အထိ ဆက်လက်ပြုလုပ်သွားမည်ဖြစ်ပြီး၊ ရိုဟင်ဂျာ ကျူးလွန်ခံရသူများအတွက် နစ်နာကြေးပေးရန်နှင့် နောက်ထပ် မဖြစ်ပွားစေရန် အာမခံချက်များ ပေးရန်တို့ကိုပါ ဂမ်ဘီယာဘက်က တောင်းဆိုထားသည်။ ​Ref: TRT World ​#MyanmarBreaking #ICJ #Gambia #Myanmar #Rohingya #GenocideCase #InternationalLaw

ကြွက်နို့/ ငါးမျက်စေ့ တို့အတွက် ဆေးနည်းတို😊 (1)ကြက်သွန်နီ(Onion) ကြက်သွန်နီဥကို အခွံခွာ၍ ညက်သွားအောင်ထောင်းပြီး ငါးမျက်စေ့ပေါ်သို့ အုံထားပေးပါက ပျောက်ကင်းသက်သာစေပါတယ်။ (2)ကြက်သွန်ဖြူ (garlic) ကြက်သွန်အဖြူကိုလည်း ထောင်း၍ အုံထားပေးပါက ပျောက်ကင်းသက်သာစေပါတယ်။ (3)သင်္ဘောသီး (papaya) လတ်ဆတ်သော သင်္ဘောသီးအစိမ်းတစ်လုံးကို ထက်ခြမ်းခွဲ၍ ထွက်ရှိလာသော အစေးကို ငါးမျက်စေ့အနာထဲသို့ စိမ့်ဝင်အောင်ထည့်ပေးပြီး ဂွမ်းစဖြင့် ပိတ်၍ စည်းထားပေးပါ။ (4)ကြက်ဆူဆီ(Castro oil) ကြက်ဆူဆီကို ထည့်ပေးရင်ဖြင့် ငါးမျက်စေ့အနာကို ပျောက်ကင်းစေပါတယ်။ (5)Vitamin E(Oil) ဆံပင်သန်မာအောင်လိမ်းတဲ့ Vitamin E လို့ခေါ်တဲ့ ဆီကို ထည့်ပေးပါကလည်း ပျောက်ကင်းပါတယ်။ (5)ရှာလကာရည်(Vinegar) ရှာလကာရည် ကို ထည့်ပေးခြင်းဖြင့်ပျောက်ကင်းစေပါတယ်။ (6)သံပရာရည်(Lemon) သံပရာရည်ထည့်ပေးလည်း ပျောက်ကင်းပါတယ်။ (7)နနွင်း(ခေါ်)ဆနွင်း(turmeric) နနွင်း(ခေါ်)ဆနွင်းအမှုန့်ကို ထည့်သိပ်ပေးထားခြင်းဖြင့်လည်း ပျောက်ကင်းစေပါတယ်။ (8)ဆား(salt) ရေနွေးပူပူထဲသို့ ဆားများများထည့်၍ ငါးမျက်စေ့သွေးထွက်လာသည့်အထိ့ဆွကာ အနာကို ရေစိမ့်ပေးထားခြင်းဖြင့်လည်း ပျောက်ကင်းစေပါတယ်။ (9)နာနတ်သီး (pineapple) နာနတ်သီးအမှည့်ကိုကွင်းလှီးပြီး ကပ်ပေးထားခြင်းဖြင့်ပျောက်ကင်းသက်သာစေပါတယ်။ (10)ဆိုဒါ(soda) ငါးမျက်စေ့အသားမာကို သွေးထွက်အောင်အမြစ်များကုတ်ထုတ်၍ ဆိုဒါအမှုန့်ကို သိပ်ထည့်ပေးပါက ပျောက်ကင်းစေပါတယ်။ (11)နွယ်ချို(liquorice) နွယ်ချိုအမြစ်ကို ထောင်း၍ အနာပေါ်သို့ အုံပေးထားခြင်းဖြင့်လည်း ငါးမျက်စေ့(သို့)အသားမာရောဂါကို ပျောက်ကင်းစေပါကြောင်း ကျွန်တော် ဘဝခါးခါးက ဖော်ပြပေးလိုက်ပါတယ်။ အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။ Credit: ဘဝခါးခါး #ကျန်းမာရေးဗဟုသုတရကြပါစေ #sweswe #frypanシ゚viralシ

ရေယုန်၊ ရေကျောက် ရောဂါကြောင့် အရေပြားပေါ်မှာ အရည်ကြည်ဖုလေးတွေ စတင်ဖြစ်ပေါ်ပြီး ပူလောင်ခြင်း၊ နာကျင်ခြင်းတွေ စတင်ခံစားရပြီဆိုရင်... ငှက်ပျောစိမ်းကို ယူပါ။ ငှက်ပျောစိမ်းကို ဓားဖြင့် လှီးဖြတ်လိုက်ပါ။ ဖြတ်ထားသော နေရာမှ ထွက်လာသော အစေးကို ယူပါ။ ထိုအစေးကို အရည်ကြည်ဖုများ ပေါ်နေသော ဒဏ်ရာပေါ် တိုက်ရိုက် လိမ်းပေးပါ။ ငှက်ပျောစိမ်းအစေး လိမ်းပြီးနောက် ချက်ချင်း အေးမြသွားစေခြင်း ကို ခံစားရပါလိမ့်မယ်။ ထိုအစေးကို မကြာခဏ ထပ်ခါတလဲလဲ လိမ်းပေးခြင်းဖြင့် အနာဟာ စုစည်းတင်းမာလာပြီး မယုံနိုင်လောက်အောင် လျင်မြန်စွာ ခြောက်သွေ့ကာ အဖတ်လန် ကွာကျသွားစေနိုင်ပါတယ်။ ဒီနည်းလမ်းကို ကိုယ်တိုင်ရော၊ ရောဂါဖြစ်ဖူးသူတွေကိုပါ စမ်းသပ်အောင်မြင်ပြီး ဖြစ်ပါတယ်ခင်ဗျာ။ ကျန်းမာချမ်းသာလို့ ပျော်ရွှင်ကြရပါစေခင်ဗျာ 🙏🏻 #newfun

အရေပြားမှာဖြစ်တတ်တဲ့ ရေယုန်၊ ဂရင်ဂျီနာနဲ့ နာတာရှည်အရေပြားအရည်ကြည်ဖု ပေါက်တဲ့ရောဂါတွေအတွက် တခြားဆေးမြီးတိုတွေ လိုက်ရှာနေစရာ မလိုတော့ပါဘူး။ မိမိတို့အနီးအနားမှာ အလွယ်တကူရနိုင်တဲ့ "ဆိတ်နို့ပင်"ကို အသုံးပြုပြီး ကုသနိုင်ပါတယ်။ အသုံးပြုပုံဖော်စပ်နည်း - ၁။ ဆိတ်နို့ပင်ကို အမြစ်ပါမကျန် နုတ်ယူပြီး စင်ကြယ်အောင် ဆေးကြောပါ။ ၂။ ၎င်းပင်ကို ကြက်သွန်ဖြူနှင့်အတူ ရောနှောပြီး ညက်နေအောင် ထောင်းပါ။ ၃။ ထောင်းထားသောအဖတ်များထဲသို့ အရက်ဖြူ အနည်းငယ် (သို့မဟုတ်) ရေကျက်အေး အနည်းငယ်ထည့်၍ ရောစပ်ပါ။ ၄။ ရရှိလာသော ဆေးဖတ်များကို ရောဂါဖြစ်ပွားနေသည့် နေရာတွင် ၂ ရက်မှ ၃ ရက်ခန့်အထိ တို့ပေး၊ အုံပေးထားပါ။ ဤနည်းအတိုင်း ပြုလုပ်ပေးပါက အရည်ကြည်ဖုများ တဖြည်းဖြည်း ခြောက်ကပ်သွားပြီး ပျောက်ကင်းသက်သာစေမှာ ဖြစ်ပါတယ်။ သိထားရုံနဲ့တင် မကဘဲ လိုအပ်ရင် လက်တွေ့စမ်းသပ်ကြည့်နိုင်ကြပါတယ်။ #yoyocooking

ရိုဟင်ဂျာရွာများကို စစ်တပ်က မီးရှို့သည်ကို ကိုယ်တိုင်မြင်တွေ့ခဲ့ဟု ဗိုလ်ကြီးဟောင်း နေမျိုးဇင် ပြောကြား၊ ICJ တွင် သက်သေလိုက်ပေးမည်ဟုဆို ​ရန်ကုန်၊ ဇန်နဝါရီ ၁၃ ​စစ်ကောင်စီတပ်များက ရခိုင်ပြည်နယ်ရှိ ရိုဟင်ဂျာလူမျိုးစုများ နေထိုင်ရာ ရွာကြီးတစ်ရွာကို မီးရှို့ဖျက်ဆီးနေသည်ကို မိမိကိုယ်တိုင် မျက်မြင်တွေ့ရှိခဲ့ရကြောင်း စစ်အာဏာရှင်ဆန့်ကျင်ရေး လှုပ်ရှားသူ ဗိုလ်ကြီးဟောင်း နေမျိုးဇင်က ယနေ့ ထုတ်ဖော်ပြောကြားလိုက်သည်။ ​လက်ရှိ နယ်သာလန်နိုင်ငံ၊ သည်းဟိတ်မြို့ရှိ အပြည်ပြည်ဆိုင်ရာတရားရုံး (ICJ) တွင် ဂမ်ဘီယာနှင့် မြန်မာနိုင်ငံတို့အကြား လူမျိုးသုဉ်းသတ်ဖြတ်မှုဆိုင်ရာ အမှုကိစ္စများကို ကြားနာစစ်ဆေးနေချိန်တွင် ဗိုလ်ကြီးဟောင်း နေမျိုးဇင်က ယခုကဲ့သို့ အသိပေး ရေးသားလာခြင်းဖြစ်သည်။ ၎င်း၏ လူမှုကွန်ရက်စာမျက်နှာတွင် "ရိုဟင်ဂျာ လူမျိုးစုတို့ နေထိုင်ရာ ရွာကြီးတရွာကို မင်းအောင်လှိုင် စစ်တပ်က Fire (မီး) လိုက်ရှို့နေကြတာကို ကျနော် ကိုယ်တိုင် မျက်မြင်တွေ့ရှိခဲ့ပါတယ်" ဟု ရေးသားထားသည်။ ​ထို့အပြင် ၎င်းအနေဖြင့် အဆိုပါ ဖြစ်ရပ်မှန်များနှင့် ပတ်သက်၍ တရားရုံးတော်က လိုအပ်ပါက သက်သေထွက်ဆိုရန် အသင့်ရှိကြောင်းလည်း ကမ်းလှမ်းထားသည်။ ​"အိုင်စီဂျေ (ICJ) က သက်သေလိုအပ်ရင် အွန်လိုင်းကတဆင့် ထွက်ဆိုပေးပါမယ်" ဟု ၎င်းက ဆိုသည်။ ​ ယမန်နေ့ (ဇန်နဝါရီ ၁၂) မှ စတင်ကာ ICJ တရားရုံး၌ ဂမ်ဘီယာနိုင်ငံဘက်မှ မြန်မာစစ်တပ်၏ ကျူးလွန်မှုများကို အထောက်အထားများဖြင့် တင်ပြလျှောက်လဲနေပြီး၊ တပ်မတော်အရာရှိဟောင်း တစ်ဦးဖြစ်သူ ကိုနေမျိုးဇင်၏ ယခု ပြောကြားချက်သည် အမှုအခင်းအပေါ် သက်ရောက်မှု ရှိလာနိုင်မလားဆိုသည်ကို စောင့်ကြည့်ရမည်ဖြစ်သည်။ ​Ref: Nay Myo Zin Facebook ​#MyanmarBreaking #LocalNews #NayMyoZin #ICJ #Rohingya #MyanmarCrisis

အီရန်နှင့် စီးပွားရေးလုပ်သည့် နိုင်ငံများကို အခွန် ၂၅% တိုးကောက်မည်ဟု ထရမ့် ကြေညာ၊ တရုတ်အပါအဝင် ကုန်သွယ်ဖက်နိုင်ငံများ ဂယက်ရိုက်ခတ်နိုင် ​ဝါရှင်တန်၊ ဇန်နဝါရီ ၁၃ ​အီရန်နိုင်ငံတွင် အစိုးရဆန့်ကျင်ရေး ဆန္ဒပြသူများကို အကြမ်းဖက် ဖြိုခွင်းသတ်ဖြတ်နေမှုအပေါ် တုံ့ပြန်သည့်အနေဖြင့် အီရန်နှင့် စီးပွားရေး လက်တွဲလုပ်ကိုင်နေသော နိုင်ငံများမှ သွင်းကုန်များကို အခွန် ၂၅ ရာခိုင်နှုန်း တိုးမြှင့်စည်းကြပ်သွားမည်ဟု အမေရိကန်သမ္မတ ဒေါ်နယ်ထရမ့်က ကြေညာလိုက်သည်။ ​ ဇန်နဝါရီ ၁၂ ရက်နေ့တွင် ထရမ့်က ၎င်း၏ Truth Social လူမှုကွန်ရက်မှတစ်ဆင့် ကြေညာခဲ့ခြင်းဖြစ်ပြီး၊ အီရန်နှင့် တွဲဖက်လုပ်ကိုင်နေသည့် နိုင်ငံများမှ ကုန်စည်များအပေါ် အခွန်တိုးမြှင့်မည့် အစီအစဉ်သည် "ချက်ချင်း အသက်ဝင်မည်" ဟု ဖော်ပြထားသည်။ ​ "အီရန်နှင့် စီးပွားရေးတွဲလုပ်နေသူများ" ဟုသာ ယေဘုယျ ပြောဆိုထားသော်လည်း လက်ရှိ အီရန်၏ အကြီးဆုံး ကုန်သွယ်ဖက်ဖြစ်သော တရုတ်နိုင်ငံမှာ အဓိက ပစ်မှတ်ဖြစ်လာဖွယ်ရှိနေသည်။ ထို့ပြင် အီရတ်၊ ယူအေအီး၊ တူရကီနှင့် အိန္ဒိယတို့သည်လည်း အီရန်နှင့် ကုန်သွယ်မှုပမာဏ ကြီးမားသည့်အတွက် ရိုက်ခတ်မှုများ ရှိလာနိုင်သည်။ ​ အီရန်နိုင်ငံတွင် ငွေကြေးဖောင်းပွမှု ၄၀% အထိ မြင့်တက်ကာ စီးပွားရေး ကျဆင်းနေမှုကို မကျေနပ်၍ ပြီးခဲ့သည့် ဒီဇင်ဘာလကုန်ပိုင်းကတည်းက ဆန္ဒပြပွဲများ ဖြစ်ပွားခဲ့သည်။ အဆိုပါ ဆန္ဒပြပွဲများကို အာဏာပိုင်များက အကြမ်းဖက် ဖြိုခွင်းခဲ့ရာ လူပေါင်း ၅၀၀ ကျော် သေဆုံးခဲ့ရပြီးနောက် အမေရိကန်က ယခုကဲ့သို့ စီးပွားရေးအရ ဖိအားပေးလာခြင်း ဖြစ်သည်။ ​ အစောပိုင်းက အီရန်ကို စစ်ရေးအရ အရေးယူမည်ဟု ခြိမ်းခြောက်ခဲ့သော်လည်း လက်ရှိတွင် စီးပွားရေးပိတ်ဆို့မှု နည်းလမ်းကို ဦးစွာ အသုံးပြုလာခြင်းဖြစ်သည်။ သို့သော် အိမ်ဖြူတော်ကမူ "စစ်ရေးအရ အရေးယူမည့် ဖြစ်နိုင်ခြေ ဆက်လက်ရှိနေဆဲ" ဟု သတိပေးထားသည်။ ​Ref: BBC ​#MyanmarBreaking #InternationalNews #Trump #IranProtests #TradeWar #Sanctions #Economy

မာဒူရိုအလွန် ကျူးဘားနိုင်ငံကို "နောက်မကျခင် သဘောတူညီချက်ယူဖို့" သမ္မတထရမ့် သတိပေး ဝါရှင်တန်၊ ဇန်နဝါရီ ၁၃ ဗင်နီဇွဲလာခေါင်းဆောင် နီကိုလပ် မာဒူရိုကို ရာထူးမှ ဖယ်ရှားလိုက်ပြီးနောက် ၎င်း၏ အဓိက မဟာမိတ် ကျူးဘားနိုင်ငံကို အမေရိကန်သမ္မတ ဒေါ်နယ်ထရမ့်က "အချိန်မနှောင်းခင် သဘောတူညီချက် တစ်ခုခု ရယူဖို့" တနင်္ဂနွေနေ့တွင် သတိပေးလိုက်သည်။ အမေရိကန်တပ်ဖွဲ့များက ဗင်နီဇွဲလာ၏ ရေနံထုတ်လုပ်မှုနှင့် ဖြန့်ချိရေးလမ်းကြောင်းများကို ထိန်းချုပ်လိုက်ပြီဖြစ်ရာ ဗင်နီဇွဲလာရေနံကို အဓိက မှီခိုနေရသော ကျူးဘားနိုင်ငံအနေဖြင့် အခက်အခဲများနှင့် ရင်ဆိုင်ရဖွယ် ရှိနေသည်။ သမ္မတထရမ့်က ၎င်း၏ Truth Social လူမှုကွန်ရက်တွင် "ကျူးဘားဟာ နှစ်ပေါင်းများစွာ ဗင်နီဇွဲလာဆီက ရေနံနဲ့ ငွေကြေး အထောက်အပံ့တွေ ယူပြီး လုံခြုံရေး ပြန်ပေးခဲ့တယ်။ အခုတော့ ဒါတွေ မရနိုင်တော့ပါဘူး။ ကျူးဘားအတွက် ရေနံမပို့တော့ဘူး၊ ငွေလည်း မပို့တော့ဘူး၊ အားလုံး သုညပါပဲ" ဟု ပြင်းပြင်းထန်ထန် ရေးသားခဲ့သည်။ ထရမ့်၏ သတိပေးချက်ထွက်လာပြီး နာရီပိုင်းအကြာတွင် ကျူးဘားသမ္မတ မီဂယ် ဒီယက်စ်-ကာနယ်က "လူ့အသက်တွေကို စီးပွားရေးအမြင်နဲ့ပဲ ကြည့်တဲ့သူတွေဟာ ကျူးဘားကို လက်ညှိုးထိုး ဝေဖန်ဖို့ ဘယ်လို အာဏာမှ မရှိဘူး" ဟု X (Twitter) တွင် ပြန်လည်တုံ့ပြန်ခဲ့သည်။ ပြီးခဲ့သည့် သီတင်းပတ်ကုန်က မာဒူရိုကို ဖမ်းဆီးသည့် အမေရိကန်စစ်ဆင်ရေးအတွင်း ဗင်နီဇွဲလာမြို့တော် ကာရာကတ်စ်၌ ရောက်ရှိနေသော ကျူးဘားလုံခြုံရေးတပ်ဖွဲ့ဝင် ၃၂ ဦး သေဆုံးခဲ့ကြောင်း ကျူးဘားအစိုးရက အတည်ပြုထားသည်။ လက်ရှိတွင် ကျူးဘားနိုင်ငံသည် လျှပ်စစ်မီးပြတ်တောက်မှု၊ လောင်စာဆီနှင့် ကုန်ပစ္စည်းပြတ်လပ်မှုများကြောင့် ဆယ်စုနှစ်များစွာအတွင်း အဆိုးရွားဆုံး စီးပွားရေးအကျပ်အတည်းနှင့် ရင်ဆိုင်နေရချိန်ဖြစ်သည်။ Ref: AP #MyanmarBreaking #InternationalNews #Trump #Cuba #Venezuela #OilCrisis

ICJ တွင် ဂမ်ဘီယာ-မြန်မာ အမှု အနှစ်သာရပိုင်းဆိုင်ရာ ကြားနာပွဲ ဒုတိယနေ့ ဆက်လက်ပြုလုပ်၊ ဂမ်ဘီယာဘက်မှ အထောက်အထားခိုင်လုံစွာဖြင့် တင်ပြ ​သည်းဟိတ်၊ ဇန်နဝါရီ ၁၃ ​နယ်သာလန်နိုင်ငံ၊ သည်းဟိတ်မြို့ရှိ အပြည်ပြည်ဆိုင်ရာတရားရုံး (ICJ) တွင် မြန်မာနိုင်ငံအား လူမျိုးသုဉ်းသတ်ဖြတ်မှုဖြင့် တရားစွဲဆိုထားသော အမှု၏ အနှစ်သာရပိုင်းဆိုင်ရာ ကြားနာစစ်ဆေးမှု (Merits Hearing) ကို ယနေ့ ဒုတိယနေ့အဖြစ် ဆက်လက်ပြုလုပ်လျက်ရှိသည်။ ​အဆိုပါ ကြားနာပွဲတွင် ဂမ်ဘီယာနိုင်ငံ ကိုယ်စားပြု ရှေ့နေများနှင့် တရားရေးဝန်ကြီး Dawda Jallow တို့က မြန်မာစစ်တပ်၏ ရိုဟင်ဂျာများအပေါ် ကျူးလွန်ခဲ့မှုများသည် လူမျိုးသုဉ်းသတ်ဖြတ်ရန် ရည်ရွယ်ချက် (Genocidal Intent) ဖြင့် လုပ်ဆောင်ခဲ့ခြင်းဖြစ်ကြောင်း အထောက်အထားများဖြင့် တင်ပြလျှောက်လဲလျက်ရှိသည်။ ​"ဒီအမှုဟာ နိုင်ငံတကာ ဥပဒေရေးရာ စာရွက်စာတမ်း သက်သက်မဟုတ်ပါဘူး။ တကယ့်မြေပြင်မှာ ဖျက်ဆီးခံလိုက်ရတဲ့ လူ့အသက်တွေ၊ မိသားစုတွေအကြောင်း ဖြစ်ပါတယ်" ဟု ဂမ်ဘီယာ တရားရေးဝန်ကြီးက တရားရုံးတော်သို့ တင်ပြခဲ့သည်။ ​ယခု ကြားနာပွဲသို့ စစ်ကောင်စီဘက်မှ ကိုယ်စားလှယ်များဖြစ်သည့် ဦးကိုကိုလှိုင်နှင့် ဒေါက်တာသီတာဦးတို့ ဦးဆောင်သော အဖွဲ့လည်း လူကိုယ်တိုင် တက်ရောက်နေကြောင်း သိရသည်။ ​ ​ဇန်နဝါရီ ၁၂ - ၁၅: ဂမ်ဘီယာနိုင်ငံဘက်မှ ဦးတိုက်လျှောက်လဲချက် ပေးမည်။ ​ဇန်နဝါရီ ၁၆ - ၂၀: မြန်မာနိုင်ငံ (စစ်ကောင်စီ) ဘက်မှ ပြန်လည်ချေပ လျှောက်လဲမည်။ ​ဇန်နဝါရီ ၂၁ - ၂၈: နှစ်ဖက် အပြန်အလှန် တုံ့ပြန်လျှောက်လဲခြင်းနှင့် သက်သေများ စစ်ဆေးခြင်း။ ​တရားရုံးကြားနာမှု တစ်ခုလုံးသည် ဇန်နဝါရီလ ၂၉ ရက်နေ့အထိ ကြာမြင့်မည်ဖြစ်ပြီး ကမ္ဘာတစ်ဝန်းမှ မြန်မာ့အရေး လေ့လာစောင့်ကြည့်သူများက မျက်ခြည်မပြတ် စောင့်ကြည့်လျက်ရှိသည်။ ​Ref: ICJ Live Stream, Reuters ​#MyanmarBreaking #ICJ #GambiaVsMyanmar #TheHague #HumanRights #GenocideCase

မကြာခင်ကပဲ ကျွန်မ အဆစ်အမြစ်ကိုက်တာ၊ ဒူးနာတာနဲ့ တစ်ကိုယ်လုံး ညောင်းညာနေတဲ့ ဝေဒနာတွေ ခံစားခဲ့ရပါတယ်။ ဒါနဲ့ အိမ်မှာတင် အလွယ်တကူလုပ်လို့ရမယ့် သဘာဝဆေးနည်းလေးကို ရှာဖွေရင်း လက်တွေ့စမ်းသပ်ကြည့်ခဲ့ရာမှာ တကယ်ကို ထူးထူးခြားခြား သက်သာလာတာကြောင့် ပြန်လည်မျှဝေပေးလိုက်ပါတယ်။ 😊 အဓိက ပါဝင်ပစ္စည်းတွေကလည်း ကျွန်မတို့ မီးဖိုချောင်ထဲမှာတင် အလွယ်တကူရှိတဲ့ အရာတွေပါပဲ။ လိုအပ်တဲ့ပစ္စည်းများ - • စပါးလင် (၄) ပင်မှ (၅) ပင်ခန့် • ဆွမ်းမွှေးရွက် (၂) ရွက်မှ (၃) ရွက်ခန့် • ရေ (၂) လီတာ ပြုလုပ်နည်း - လုပ်ရတာ တကယ်ကို လွယ်ကူပါတယ်။ စပါးလင်တွေကို အပိုင်းပိုင်းဖြတ်ပြီး ခပ်ဖွဖွလေး ထုပေးပါ။ ပြီးရင် ဆွမ်းမွှေးရွက်နဲ့အတူ အိုးထဲထည့်၊ ရေထည့်ပြီး (၁၅) မိနစ်ခန့် ဆူအောင် တည်ပေးပါ။ ပြီးရင်တော့ အအေးခံထားပြီး ရေနွေးနွေးလေးပဲဖြစ်ဖြစ်၊ ရေခဲသေတ္တာထဲထည့်ပြီး အေးအေးလေးပဲဖြစ်ဖြစ် တစ်နေ့တာလုံး ရေအစားထိုးပြီး ခပ်မှန်မှန်လေး သောက်ပေးရုံပါပဲ။ ☕💧 ရရှိနိုင်တဲ့ အကျိုးကျေးဇူးများ - အနည်းဆုံး (၁) ပတ်လောက် ဆက်တိုက်သောက်ပေးမယ်ဆိုရင် ခန္ဓာကိုယ်က ပေါ့ပါးလာတာကို ခံစားရပါလိမ့်မယ်။ ဒီဆေးရည်ဟာ အောက်ပါဝေဒနာရှင်တွေအတွက်လည်း အထူးသင့်လျော်တယ်လို့ ဆိုကြပါတယ် - • အဆစ်အမြစ်ကိုက်ခဲခြင်းနှင့် ဒူးနာခြင်း • ဂေါက်ရောဂါကြောင့် နာကျင်ခြင်း • နှလုံးကျန်းမာရေးကို ထောက်ပံ့ပေးခြင်း • သွေးတွင်းသကြားဓာတ်ကို ထိန်းညှိပေးခြင်း • ဆီးကျန်ခြင်း (သို့) ဆီးခဏခဏသွားခြင်း ကျန်းမာရေးအတွက် သဘာဝနည်းလမ်းလေးမို့ လက်တွေ့စမ်းကြည့်ဖို့ တိုက်တွန်းချင်ပါတယ်ရှင်။ #boracooking #ဆေးနည်း #ကျန်းမာရေး #စပါးလင်ဆေးရည် #အဆစ်အမြစ်ကိုက်ခဲခြင်း #သဘာဝဆေးနည်း #ဆွမ်းမွှေးရွက် #ကျန်းမာရေးဗဟုသုတ

မြန်မာနယ်စပ်ဖြတ်ကျော်ဝင်ရောက်လာသည့် ARSA အဖွဲ့ဝင် ၅၃ ဦး ဖမ်းဆီးခံရ၊ ဘင်္ဂလားဒေ့ရှ် နယ်စပ်လုံခြုံရေး အမြင့်ဆုံးအဆင့် တပ်လှန့် ​ဘင်္ဂလားဒေ့ရှ်ပိုင်နက်အတွင်းသို့ ဖြတ်ကျော်ဝင်ရောက်လာသည့် ARSA အဖွဲ့ဝင် ၅၃ ဦးကို ဖမ်းဆီးရမိပြီးနောက် မြန်မာ-ဘင်္ဂလားဒေ့ရှ် နယ်စပ်တစ်လျှောက်တွင် လုံခြုံရေးကို အမြင့်ဆုံးအဆင့် (High Alert) တပ်လှန့်ထားကြောင်း ဘင်္ဂလားဒေ့ရှ်အာဏာပိုင်များက ထုတ်ပြန်လိုက်သည်။ ပြီးခဲ့သည့် တနင်္ဂနွေနေ့က ဘင်္ဂလားဒေ့ရှ်ဘက်ခြမ်းသို့ ဝင်ရောက်လာသည့် ARSA အဖွဲ့ဝင် ၅၃ ဦးကို ဖမ်းဆီးခဲ့ခြင်းဖြစ်ပြီး၊ တစ်ဦးကို ဆေးရုံသို့ ပို့ဆောင်ကာ ကျန်သူများကို ရဲစခန်းတွင် ထိန်းသိမ်းထားကြောင်း သိရသည်။ ​ "ကျွန်တော်တို့ မြန်မာနယ်စပ်တစ်လျှောက် တပ်လှန့်ထားပြီး ပိုင်နက်ကျူးကျော်လာသူ ၅၃ ဦးကို ဖမ်းဆီးခဲ့ပါတယ်" ဟု ဘင်္ဂလားဒေ့ရှ် နယ်ခြားစောင့်တပ်ဖွဲ့မှ ဗိုလ်မှူးကြီး မွိုင်နူဒင်အာမက်က အတည်ပြု ပြောကြားခဲ့သည်။ ထို့အပြင် နယ်စပ်ကျေးရွာများသို့ လုံခြုံရေးတပ်ဖွဲ့ဝင်များ စေလွှတ်ကာ အခြေအနေကို စောင့်ကြည့်လျက်ရှိသည်။ ​ ရခိုင်ပြည်နယ် နယ်စပ်တစ်လျှောက်တွင် ARSA နှင့် အာရက္ခတပ်တော် (AA) တို့ မြေပြင်တိုက်ပွဲများ ဖြစ်ပွားနေသလို စစ်ကောင်စီဘက်မှလည်း လေကြောင်းတိုက်ခိုက်မှုများ ရှိနေကြောင်း ဘင်္ဂလားဒေ့ရှ်စစ်ဘက်ဆိုင်ရာ အရာရှိတစ်ဦးက သုံးသပ်ပြောဆိုသည်။ ​ကော့ဘဇားဒေသတွင် သေနတ်ဒဏ်ရာရရှိခဲ့သည့် အသက် (၁၂) နှစ်အရွယ် မိန်းကလေးငယ်တစ်ဦး အပါအဝင် တနင်္ဂနွေနေ့နောက်ပိုင်း လူနှစ်ဦးထက်မနည်း ထိခိုက်ဒဏ်ရာရရှိမှုများ ရှိခဲ့ကြောင်း သိရှိရသည်။ ​(Ref: TRT World, Ayeyarwaddy Times) ​#MyanmarBreaking #InternationalNews #BangladeshBorder #ARSA #Rakhine

အိမ်လုပ် နည်းလမ်းကောင်းတွေကို လက်ဆင့်ကမ်းပေးဖို့ လိုအပ် တယ်လို့ ကျွန်မထင်ပါတယ်။ ​အဲဒီတုန်းက ကျွန်မ ချောင်းဆိုးတာ အရမ်းဆိုးနေတာ။ ချောင်းခြောက်လည်း ဆိုး၊ အကျိအချွဲနဲ့ ချောင်းဆိုးလည်း ဆိုး၊ အကျိအချွဲတွေကိုလည်း ခက်ခက်ခဲခဲ ထွေးထုတ်နေရတာ။ 😩 အဲဒီအချိန်မှာ အိမ်နီးချင်းတစ်ယောက်က "ခရမ်းကစော့သီး" ကို စမ်းကြည့်ဖို့ အကြံပေးပါတယ်။ အမှန်အတိုင်း ပြောရရင် အစကတော့ မယုံခဲ့ဘူး။ ဒါပေမဲ့ စမ်းကြည့်လိုက်တဲ့အခါ... တစ်ရက်တည်းနဲ့ ပျောက်သွားတာ! 😲💚 ​နည်းလမ်းက အရမ်းလွယ်ပါတယ်။ 👇 ​• ခရမ်းကစော့သီး အစိမ်းတွေကို သေသေချာချာ ရေဆေးပါ။ ​• ဆားအနည်းငယ် တို့ပါ။ ​• ချောင်းဆိုး အရမ်းဆိုးနေချိန်မှာ တစ်ကြိမ်ကို ၃–၄ လုံး ဝါးစားပေးပါ။ ​အရသာက နည်းနည်းခါးပေမယ့် မြိုချပြီး ခဏကြာရင် လည်ချောင်းရှင်းသွားသလို ခံစားရပြီး အကျိအချွဲတွေ ထွက်ရ ပိုလွယ်ကူလာကာ ချောင်းဆိုးတာ တကယ်ပဲ သက်သာသွားတာကို တွေ့ရပါလိမ့်မယ်။ 🌬️ နာတာရှည် ​ချောင်းဆိုးဝေဒနာ ခံစားနေရသူတွေ ဒီနည်းလမ်းကို စမ်းကြည့်ပါ။ တော်တော်လေး အလုပ်ဖြစ်တယ်နော်။ 😄🌿 ​ MON SOUNG #MONSOUNG #fblifestyle #ခရမ်းကစော့သီး

ဆီးချိုရောဂါဆိုတာ "အသံတိတ်လူသတ်သမား" လို့ တင်စားရလောက်အောင် ကြောက်စရာကောင်းပါတယ်။ ငွေကြေးတတ်နိုင်သူတွေဟာ အင်္ဂလိပ်ဆေးတွေနဲ့ အသက်ကို ငွေနဲ့ဝယ်ပြီး ထိန်းထားရပေမဲ့ ဘေးထွက်ဆိုးကျိုးတွေကလည်း ရှိနေတတ်ပါတယ်။ အခုဖော်ပြပေးမှာကတော့ လက်တွေ့သက်သာပျောက်ကင်းမှုရှိခဲ့တဲ့ သဘာဝဆေးနည်းကောင်းတစ်ခုပဲ ဖြစ်ပါတယ်။ ✅ လက်တွေ့ဖြစ်ရပ်မှ သက်သေ ဂျပန်နိုင်ငံမှာရှိတဲ့ မြန်မာလူမျိုးတစ်ဦးဟာ ဦးနှောက်ခွဲစိတ်ဖို့ ပြင်ဆင်ရာမှာ ဆီးချိုတက်နေလို့ ခွဲစိတ်လို့မရဖြစ်ခဲ့ပါတယ်။ အဲဒီအချိန်မှာ ဂျပန်ဆရာဝန်ကိုယ်တိုင်က ခရေရွက်ကို သုံးခွက်တစ်ခွက်တင် ကျိုသောက်ရန် လမ်းညွှန်ခဲ့ပါတယ်။ ညွှန်ကြားချက်အတိုင်း တစ်ပတ်ခန့် သောက်သုံးပြီးနောက်မှာတော့ ဆီးချိုဓာတ် သိသိသာသာကျဆင်းသွားပြီး ခွဲစိတ်မှုကို အောင်မြင်စွာ လုပ်ဆောင်နိုင်ခဲ့ပါတယ်။ အလားတူပဲ ပဲခူးမှ ဆီးချိုဝေဒနာရှင် ရဟန်းအစ်မတစ်ဦးဟာလည်း ဆီးချိုဓာတ် ၃၅၀ ကျော်ထိ တက်နေခဲ့ရာကနေ ဒီဆေးနည်းကို သောက်သုံးပြီးနောက် ၁၅၀ ထိ ကျဆင်းသွားကာ ကျန်းမာရေး ပြန်လည်ကောင်းမွန်လာခဲ့ပါတယ်။ 🍵 ဆေးနည်းဖော်စပ်ပုံနှင့် သောက်သုံးနည်း ခရေပင်ဟာ ကျွန်တော်တို့ ပတ်ဝန်းကျင်မှာ အလွယ်တကူရှိနေတဲ့ အပင်ဖြစ်လို့ ငွေကုန်ကြေးကျမရှိသလောက်ပါပဲ။ ဆေးဖော်စပ်ရန်: ခရေရွက် အနည်းငယ်ကို ရေစင်စင်ဆေးပါ။ ကျိုချက်ရန်: ရေ (၃) ခွက် ထည့်ပြီး (၁) ခွက်စာ ကျန်သည်အထိ ဆူအောင် ကျိုပေးပါ။ (သုံးခွက်တစ်ခွက်တင် ကျိုနည်း) သောက်သုံးရန်: ရရှိလာသော ဆေးရည်ကို ပုံမှန်သောက်သုံးပေးပါ။ 💡 အကြံပြုချက် ဘေးထွက်ဆိုးကျိုးကင်းခြင်း: သဘာဝသစ်ရွက်ဖြစ်လို့ ဘေးထွက်ဆိုးကျိုးအတွက် စိုးရိမ်စရာမရှိဘဲ စိတ်ချလက်ချ စမ်းသပ်ကြည့်နိုင်ပါတယ်။ အလွယ်တကူရရှိနိုင်ခြင်း: မြို့တိုင်း၊ ရွာတိုင်းမှာ အလွယ်တကူတွေ့ရတဲ့ အပင်ဖြစ်လို့ ဆေးဝယ်ရခက်မှာ မပူရပါဘူး။ ကုသိုလ်မျှဝေပါ: "သစ်ပင်တိုင်းဟာ ဆေးဖက်ဝင်တယ်" ဆိုတဲ့အတိုင်း မိမိသိထားတဲ့ ဆေးနည်းကို သူတစ်ပါးဆီ ပြန်လည်မျှဝေပေးခြင်းဖြင့် ကုသိုလ်ယူနိုင်ပါတယ်။ "သိသူဖော်စား၊ မသိသူကျော်သွား" ဆိုသလို ဆီးချိုဝေဒနာ ခံစားနေရသူများအတွက် ဒီဆေးနည်းလေးဟာ အလွန်အသုံးဝင်မှာ သေချာပါတယ်။ ##

ဖလံတောင်ဝှေးဟာ ဒီလောက်အထိ အစွမ်းထက်လိမ့်မယ်လို့ ကျွန်တော် မထင်ထားခဲ့ဘူး။ ရှေးလူကြီးများက ဖလံတောင်ဝှေးမြစ်ကို ထောင်းထုပြီး နှာစေး၊ ချောင်းဆိုး၊ အဖျားတက်ခြင်း၊ အစာမကြေ၊ လေထိုးလေနာ၊ အရေပြားနာများနှင့် မြွေကိုက်ခြင်းတို့အတွက် အိမ်သုံးဆေးမြီးတို အဖြစ် ကုသလေ့ရှိကြပါတယ်။ ဒါတင်မကသေးပါဘူး။ အမျိုးသား/အမျိုးသမီး ကျန်းမာရေးအတွက် အသုံးပြုပုံ • သားအိမ်နှင့် ဆိုင်သောဝေဒနာများ: အမျိုးသမီးများတွင် ဖြစ်တတ်သည့် သားအိမ်လျှောခြင်း၊ သားအိမ်ကျခြင်းနှင့် သားအိမ်အောင့်ခြင်းများအတွက် လည်းကောင်း၊ အမျိုးသားများတွင် ဖြစ်တတ်သည့် အူကျခြင်းနှင့် တိုနာရောဂါများအတွက် လည်းကောင်း ဖလံတောင်ဝှေးကို အခြောက်လှန်းကာ အမှုန့်ပြုလုပ်ပါ။ ထို့နောက် အုန်းဆီနှင့် ရောစပ်၍ စအိုနှင့် ဆီးစပ်တစ်ဝိုက်ကို လိမ်းပေးခြင်းဖြင့် သက်သာပျောက်ကင်းစေနိုင်ပါတယ်။ • ရင်သားကျိတ်: အမျိုးသမီး (အပျိုကြီး) များတွင် ဖြစ်လေ့ရှိသော ရင်သားအဆီကျိတ်များအတွက် အပင်အနုအရင့်ကို ထုခြေ၍ အကျိတ်ပေါ် အုံပေးကာ အဝတ်ဖြင့် စည်းထားပါက အကျိတ်ကို ကြေစေပါတယ်။ ဆေးဖက်ဝင် ချက်ပြုတ်စားသောက်နည်းများ တစ်နှစ်မှ တစ်ကြိမ်သာ ပေါ်ထွက်တတ်သော ရာသီစာ ဖလံတောင်ဝှေးကို အောက်ပါအတိုင်း ဆေးဖက်ဝင်အောင် ချက်စားနိုင်ပါတယ်- 1. နို့တိုက်မိခင်များအတွက်: နို့မထွက်ခြင်း၊ နို့ပူခြင်း၊ ယားယံခြင်းနှင့် နို့ချောင်းပိတ်ခြင်း စသည့်ပြဿနာများအတွက် ဟင်းခါး ချက်စားပေးပါ။ 2. နှလုံးအားနည်းသူများအတွက်: နှမ်းဆီစစ်စစ် ဖြင့် ကြော်စားပါက ချောင်းဆိုးခြင်းနှင့် နှလုံးတုန်ဝေဒနာကို သက်သာစေပါတယ်။ 3. ကာမအားတိုးစေရန်: ငါးခူ နှင့် ရော၍ ချက်စားပေးနိုင်ပါတယ်။ 4. သွေးဝမ်းရောဂါအတွက်: ငါးသိုင်း သို့မဟုတ် ပုစွန် နှင့် တွဲဖက်ချက်စားပါ။ 5. ကျောက်ကပ်ကျန်းမာရေး: အမဲသား နှင့် ချက်စားပါက ဆီးရွှင်စေပြီး ကျောက်ကပ်ကို အကျိုးပြုပါတယ်။ 6. ဆီးလမ်းကြောင်းဆိုင်ရာ: ရေကြက်သား နှင့် ချက်စားပါက ဆီးကျောက်တည်ခြင်း၊ ဆီးပူ၊ ဆီးအောင့်ခြင်းနှင့် ဆီးဝါခြင်းတို့ကို ပျောက်ကင်းစေပါတယ်။ 7. လိပ်ခေါင်းရောဂါ: ပုစွန်စုတ်ဖွား လေးများနှင့် ကြော်စားပါက လိပ်ခေါင်းသွေးကျခြင်းကို သက်သာစေပါတယ်။ 8. သွေးဆုံးကိုင်ဝေဒနာ: ကင်ပွန်းချဉ်ရွက် နှင့် ရောကြော်စားပါက ဆံပင်ဖြူခြင်းနှင့် သွေးဆုံးကိုင်ခြင်းကို သက်သာစေပါတယ်။ 9. ဝမ်းမှန်စေရန်: အမျှင်ဓာတ် များပြားသောကြောင့် မကြာခဏ စားပေးခြင်းဖြင့် ဝမ်းချုပ်ခြင်း မှ ကာကွယ်ပေးပါတယ်။ အထူးကုထုံးများ • အမျိုးသားဒူလာရောဂါ: ဖလံတောင်ဝှေး အပင်နှင့်အမြစ်ကို သုံးခွက်တစ်ခွက်တင် ကျိုသောက်ပါ သို့မဟုတ် အမြစ်ဥကို ချင်း(ဂျင်း)၊ သကြားတို့နှင့် ရောစပ်ကျို၍ တစ်နေ့နှစ်ကြိမ် သောက်ပေးပါ။ • ဆီးချိုနှင့် ခါးနာရောဂါ: ဖလံတောင်ဝှေး ပဉ္စငါးပါး ကို ငရုတ်ကောင်း နှစ်စေ့ထည့်၍ ဆူပွက်အောင် ကျိုချက်သောက်သုံးပါ။ ၎င်းသည် ခါးနာသူများနှင့် ဆီးချိုကြောင့် ကျောက်ကပ်အားနည်းသူများအတွက် အထူးသင့်လျော်ပါတယ်။ • ခွန်အားပြည့်ဝစေရန်: နာလန်ထစ လူနာများအတွက် အပင်အခြောက်မှုန့်ကို ပျားရည်၊ ထောပတ် တို့နှင့် တေ၍ ညအိပ်ရာဝင်တိုင်း တစ်ဇွန်းစားပေးပါ။ ရက်သတ္တပတ် အနည်းငယ်အတွင်း ခွန်အား သိသိသာသာ ပြည့်ဝလာပါလိမ့်မည်။ #yoyocooking

မျက်စိအောင့်ခြင်း၊ စာဖတ်လျှင် ခဏအတွင်း မူးဝေခြင်းတို့သည် ရေတိမ်ရောဂါ၏ လက္ခဏာများ ဖြစ်တတ်ပါသည်။ ယခုခေတ်တွင် ရေတိမ်ကို အခမဲ့ခွဲစိတ်ပေးနေသော်လည်း ခွဲစိတ်ရန် ကြောက်ရွံ့သူများ သို့မဟုတ် ရှေးနည်းကောင်းကို ယုံကြည်သူများအတွက် ရွှေဘုံလမ်း သမားတော်ကြီး ဦးဉာဏ်လွင် ပြန်လည်အသက်သွင်းပေးခဲ့သည့် ထိရောက်သော ကုထုံးလေးကို မျှဝေပေးလိုက်ပါသည်။ ✅ လက်တွေ့အကျိုးထူးခဲ့သူများ ဦးစိုးသင်း (၂၀၀၂ ပေါ်ပြူလာဂျာနယ်): ရေတိမ်ရောဂါကို ကွမ်းရွက်ကုထုံးဖြင့် ပျောက်ကင်းကြောင်း ကိုယ်တိုင်ရေးသားခဲ့သည်။ နက္ခတ္တရောင်ခြည်ဂျာနယ်ပါဖြစ်ရပ်: ခွဲစိတ်ရန် ဆရာဝန်ညွှန်ကြားခံရသည့် ရေတိမ်ရင့်နေသူတစ်ဦး (၈) လအတွင်း လုံးဝပျောက်ကင်းသွားခဲ့သည်။ ဒေါက်တာအောင်ကျော် (သွားဆရာဝန်): မျက်မှန်အလွန်ထူသော ကျောင်းသားတစ်ဦးကို ဤနည်းဖြင့် ကုသပေးရာ အောင်မြင်မှုရရှိခဲ့သည်။ ဗိုလ်မှူးဟောင်း မောင်ထူး: အစပိုင်းတွင် မဖြစ်နိုင်ဟု ဝေဖန်ခဲ့သော်လည်း မိမိကိုယ်တိုင် ရောဂါဖြစ်လာချိန်တွင် ဤနည်းဖြင့် ကုသရာ ပျောက်ကင်းသွားခဲ့ပါသည်။ 🍀 ကုသနည်းစနစ် (အဆင့်ဆင့်) ၁။ ပြင်ဆင်ပုံ ကွမ်းရွက်ကို သန့်စင်အောင်ဆေးကြောပြီး ပဲစေ့ခန့် အဝိုင်းလေးတစ်ခု ရအောင် ညှပ်ယူပါ။ ၂။ ကပ်နည်း ထိုကွမ်းရွက်ဝိုင်းလေးကို နှာခေါင်းနှင့် မျက်လုံးကြား ဒေါင့်ချိုး (မျက်ရည်ထွက်ပေါက်ရှိရာနေရာ) တွင် ကပ်ထားပေးရပါမည်။ မျက်ရည်ထွက်ပေါက်ကို လုံအောင်ပိတ်ထားပေးခြင်း ဖြစ်ပါသည်။ ၃။ အသုံးပြုရမည့် အချိန် အလုပ်လုပ်ရင်း၊ စာဖတ်ရင်းလည်း ကပ်ထားနိုင်ပါသည်။ ရောဂါရင့်နေသူများ နေ့ရော/ညပါ ကပ်ပေးပါ။ အနည်းဆုံးအနေဖြင့် ညဘက်အိပ်ချိန်တိုင်း မပျက်မကွက် ကပ်ပေးရပါမည်။ ၄။ သတိပြုရန် ဤနည်းသည် ချက်ချင်းပျောက်ကင်းခြင်းမျိုးမဟုတ်ဘဲ စိတ်ရှည်လက်ရှည် ပြုလုပ်ပေးရန် လိုအပ်ပါသည်။ တဖြည်းဖြည်းနှင့် သိသိသာသာ သက်သာလာပါလိမ့်မည်။ 🌟 ရှေးနည်းကောင်းလေး တိမ်မြုပ်မသွားစေရန်နှင့် ဝေဒနာရှင်များ သက်သာစေရန်အတွက် အကျိုးမျှော်၍ ပြန်လည်မျှဝေပေးလိုက်ပါသည်။ ကိုးကား- ဆရာကြီးသာဂဒိုးဆောင်းပါးမှ #yoyocooking #fblifestyle

ဗာဒံရွက်တွေ အကုန်ရွှေဖြစ်ပြီးနော်....။ (ဖတ်ချိန်တမိနစ်) • အရွက်ကို ကြိတ်ပြီး ရလာတဲ့ သတ္တုရည်ကို ဝဲးအပါအဝင် အရေပြား ပြဿနာတွေ အတွက် အသုံးပြုလို့ ရပါတယ်။ • အရေပြားပေါ်က ဘက်တီးရိယားတွေကို ဖယ်ရှားဖို့အတွက် အသုံးပေးလို့ ရပါတယ်။ • ရင်သား နာကျင်တာကို သက်သာစေဖို့ ဗာဒံရွက်ကို ခြေပြီး ဆီနဲ့ နယ်လို့ ရင်သားမှာ လိမ်းပေးလို့ ရပါတယ်။ • အဆစ်နာတာကို သက်သာစေဖို့ အရွက်ကို မီးကင်ပြီး ကပ်ပေးလို့ ရပါတယ်။ • ဗာဒံရွက် အဆီကို အာသီးရောင်တာ သက်သာစေဖို့ အသုံးပြုလို့ ရပါတယ်။ • ဝမ်းပျက်ဝမ်းလျှော သက်သာစေဖို့အတွက်လည်း အသုံးပြုပေးလို့ ရပါတယ်။ • နာကျင် ကို၊က်ခဲတာနဲ့ ခေါင်းကို၊က်တာကို သက်သာစေဖို့ အတွက်လည်း ဗာဒံရွက်ကို အသုံးပြုပေးလို့ ရပါတယ်။ • လေးဖက်နာ ရောဂါကြောင့် အဆစ်အမြစ်တွေ နာကျင်တာကို သက်သာစေဖို့ အတွက်လည်း ဗာဒံရွက်ကို အသုံးပြုပေးလို့ ရပါတယ်။ • အရွက်နုလေးကနေရတဲ့ သတ္တုရည်ကို ခေါင်းကို၊က်တာ သက်သာစေဖို့ နဲ့ လေနာသက်သာစေဖို့ အသုံးပြုပေးလို့ ရပါတယ်။ • ဆီးရွှင်စေဖို့လည်း အသုံးပြုလို့ ရပါတယ်။ • နှလုံးကျန်းမာစေဖို့လည်း အထောက်အကူပြုပေး ပါတယ်။ • အစာမကြေတာကို သက်သာစေဖို့လည်း အသုံးပြုပေးလို့ ရပါတယ်။ • ချောင်းဆိုး သက်သာစေဖို့လည်း အသုံးပြုလို့ ရပါတယ်။ • ခြေလက်တွေ ထုံတာကို သက်သာစေဖို့ အရွက်ကို မီးကင်ပြီး ကပ်ပေးလို့ ရပါတယ်။ • ဝက်ခြံ၊ အနာ နဲ့ မှိုပိုးကြောင့် ဖြစ်တဲ့ အရေပြားပြဿနာတွေကို သက်သာစေဖို့လည်း အသုံးပြုပေးလို့ ရပါတယ်။ • ဆီးချို သက်သာစေဖို့ အသုံးပြုပေးလို့ ရပါတယ်။ • အာရုံကြောတွေ ကျန်းမာစေဖို့နဲ့ စိတ်ကျန်းမာရေး ကောင်းစေဖို့လည်း ဗာဒံရွက်ကို အသုံးပြုပေးလို့ ရပါတယ်။ မိမိကိုယ်ကိုယ် ချစ်သလို ဒီဆောင်းပါးကို မိတ်ဆွေများဆီ မျှဝေနိုင်ပါတယ် ကုသိုလ်ရချင်ရင် မျှဝေပေးကြပါနော်......။ MON SOUNG #MONSOUNG #fblifestyle #ဗာဒံရွက်

ခွန်အားတိုးစေပြီး ယောက်ျားသားတို့အတွက် အားဖြည့်နည်း ခွန်အားကို တိုးစေပြီး မောပန်းခြင်း၊ နွမ်းနယ်ခြင်း၊ ကာမစိတ်ကုန်ခန်းခြင်းနဲ့ ပန်းညိုးခြင်းတွေအတွက် အရက်နဲ့စိမ်သောက်ရမယ်ဆိုလို အရက်မသောက်သူများအတွက် အခြားနည်းလမ်းကောင်း ရှိပါတယ်။ ဟင်းနုနွယ် (ရိုးနီ) သိုမဟုတ် ကုလားဟင်းနုနွယ် (ဆူးပေါက်) အမြစ်အရင့်ကို ရေသေချာဆေးကြောပြီး ပါးပါးလေး‌တွေ လှီးဖြတ်၍ အရိပ်ထဲတွင် မှိမတက်စေရန် အခြောက်ခံထားပါ။ ထိုနောက် သစ်ဆုံဖြင့် အမှုန့်ပြုလုပ်ကာ ပျားရည်စစ်စစ်နှင့် ဆတူရောနယ်ပါ။ (မန်ကျည်းစေ့ခန့် အလုံးလေးများ လုံး၍ နေလှန်းပြီး ကြာရှည်သိမ်းဆည်းလိုလျှင် ဤနည်းအတိုင်း ပြုလုပ်နိုင်ပါသည်။) သိုမဟုတ် ပျားရည်နှင့် အမှုန့်ကို ဖန်ဗူးထဲတွင် ရောစပ်ထားပြီး စားသုံးနိုင်ပါသည်။ တစ်ကြိမ်လျှင် လက်ဖက်စားဇွန်းတစ်ဇွန်းနှုန်းဖြင့် တစ်နေ့ ၂ ကြိမ် စားပေးပါ။ ယင်းသည် ကျန်းမာသန်စွမ်းသော ယောက်ျားတစ်ယောက် ဖြစ်စေရန် အထောက်အကူပြုပါသည်။ ၎င်းသည် ကျန်းမာရေးအတွက် ဂျင်စင်းစားသုံးခြင်းနှင့် တူညီသောကြောင့် ၎င်းကို "ထိုင်းဂျင်စင်း" ဟုပင် တင်စားပြောဆိုကြပါသည်။ အဆိုးဝါးဆုံး ဝေဒနာ ခံစားနေရသူများ၊ ကာမဆန္ဒရှိသော်လည်း စိတ်သွားတိုင်းကိုယ်မပါဘဲ ဝေဒနာခံစားရသူများ၊ ပန်းသေသည်အထိ ဖြစ်နေသူများအတွက်မူ ငါးရှဉ့်ခေါင်းနီသွေးကို တစ်လလျှင် ၂ ကြိမ် သောက်သုံး၍၊ ငါးရှဉ့်ခေါင်းနီကို ဟင်းနုနွယ်ရိုးနီ ပဉ္စငါးပါးနှင့် ချက်ပြုတ်စားသုံးပေးပါရန် အကြံပြုအပ်ပါသည်။ #yoyocooking #ကျန်းမာရေးဗဟုသုတရကြပါစေ #Creditပေးပါသည်

နင့်ဟာက ဟုတ်ပါ့မလား မောင်လင်းရယ် ... ငါ့အသက် ၆၅‌ နှစ် ကျော် လာပြီ... အိုးတိုက် အိုးဆေး ၊ချေးတိုက် ချေးတွန်း အတွက်ပဲ.. ဒီ အသီးကို သုံးခဲ့တာ... ခု နင်ပြောမှပဲ ဒီအသီးက ...? ဒါနဲ့နေပါအုန်း နင်ပြောသလိုဆို ဟို ...ခါလန်းရွာက ဆီးချိုသမားတွေ စားနေတဲ့ အစေ့လေးတွေက ဒီအသီးက အစေ့တွေပေါ့ ဟုတ်လား တဲ့။ အမှန်ပဲပေါ့ အရီးလေးရယ်... ဒါကြောင့် ကျနော်က ပြောတာ... အရီးလေးအိမ်နောက်မှ ပြုတ်သိပ်နေအောင်သီးနေတဲ့ သပွတ်ခါးသီးတွေ ရှိနေပါလျက်နဲ့... ဘာကိစ္စ ပိုက်‌ဆံအကုန်ခံပြီး ဆီးချိုကျဆေး ‌ ဝယ်သောက်နေရတာတုန်း...? ဟဲ့ ငါက ပေါက်ကရတွေ မစားရဲမသောက်ရဲ့လို့လေ.. ပြီးတော့ ခုလိုလည်း သိမှ မသိတာ... ကောင်လေး တကယ်သက်သာတာရော ဟုတ်ရဲ့လား တဲ့။ အရီးမယုံရင် အမတင်မြတို့ညီမကို သွားမေးကြည့်ဗျာ။ သူတို့ကိုလည်း ဒီနည်းလမ်းပဲပေးထားတာ အဆင်ပြေနေပြီ။ ဆီးချိုဆိုတဲ့ရောဂါက အရှင်းပျောက်ဖို့ဆိုတာ အလွန်ခက်တယ်မို့လား..? အဓိက က ဆီချိုပိုပြီးမတက်ဖို့နဲ့ ဖြည်းဖြည်းခြင်း လျော့ချသွားအောင် လုပ်နိုင်ရင် အဆင်ပြေတာပဲ။ ဒီ သပွတ်ခါးသီးအစေ့ကတော့ အဲ့ဒီလို လုပ်ပေးနိုင်တဲ့ အာနိသင် အပြည့်ရှိတယ်။ ဒီမှာအရီးလေး... ဒီသပွတ်ခါးသီး အစေ့ကို အခွံခွာပြီး ပထမဆုံး စပြီးစားတဲ့နေ့မှာ ၂စေ့ စား၊ (စပြီး မစားခင် ဆီးချိုတိုင်းထား) နောက်နေ့တွေမှာ နေ့စဉ် အစေ့ တစ်စေ့ ပုံမှန် စားပေး။ (၇ ရက် ပြည့်တဲ့အခါ ဆီးချိုပြန်တိုင်းကြည့်) မူလတိုင်းထားတာထက် တိုးနေတာမျိုးဖြစ်ခဲ့ရင် ကြိုက်သလိုသာ ပြော။ တခုတော့ရှိတယ် ကျနော်က အာမခံတယ်ဆိုတာနဲ့ မတည့်တာတွေတော့ မစားနဲ့ပေါ့။ မိတ်ဆွေတို့သိလား...? ရွာထဲကမြက် ရွာနွားမစားဘူး ဆိုတဲ့ စကား... အမှန်တော့ အဲ့ဒီစကားရဲ့ရည်ရွယ်ချက်က အနားမှာရှိတဲ့အရာဆို တန်ဖိုးမထားချင်ကြတဲ့ အကောင်းမထင်ကြတဲ့ သူတွေကို နွားတွေလို့ ပြောတာ😎 (ဟိဟိ) ကျနော်က မြက် ဖြစ်သည်ပေါ့🤣 ယုံကြည်လို့ပဲ လုပ်လုပ် ငွေကုန်ကြေးကျ သက်သာလို့ပဲ လုပ်လုပ် စမ်းသက်ကြည့်ချင်တံ့သဘောနဲ့ သံသယစိတ်နဲ့ပဲလုပ်လုပ်... ကျနော်ပြောတဲ့နည်းလမ်းအတိုင်း လုပ်လိုက်လို့... အရီးတို့လို အဆင်ပြေ သက်သာသွားခဲ့မယ်ဆိုရင်.. ကျေးဇူးတင်လိုက်တာ မောင်လင်းရေဆိုတဲ့ စကားက ကျနော့်အတွက်တော့ အဖိုးအခ ရတာထက် ပိုပြီး.. ပီတိဖြစ်ရသလို နေ့စဉ်နဲ့အမျှ ဝေဒနာသက်သာကြောင်း၊ ကျေးဇူးတင်ကြောင်း လာရောက် ပြောဆိုသူတွေရှိလို့ စိတ်ချမ်းသာရပါတယ်။ ဆိုတော့.. မိတ်ဆွေတို့အနေနဲ့လဲ လိုအပ်ပါက စမ်းကြည့်ပါ။ ဆီးချိုရောဂါအတွက်မှ မဟုတ်ပါဘူး..? သပွတ်ခါးသီးဟာ ကျန်းမားရေးအတွက် အလွန်အသုံးဝင်သလို အခြားသောရောဂါများစွာအတွက်လည်း အသုံးဝင်ပါတယ်။ လေဖျန်း လေဖြတ်ရောဂါဖြစ်မှာကြောက်တဲ့သူတွေ သပွတ်အူကို ဆားကြမ်းနဲ့နှယ်ပြီး ခြေဖဝါးနဲ့ ခြေထောက်တလျောက် ‌ပွတ်တိုက်ပေးပါ။ ကျနော့်မိတ်ဆွေများအားလုံး အနာရောဂါဘေးမှ ကင်းဝေးကြပါစေ။ ကျန်းမာချမ်းသာလို့ ပျော်ရွှင်ကြရပါစေခင်ဗျာ 🙏🏻 မူရင်းရေးသားသူအား လေးစားစွာဖြင့် Credit ပေးပါသည်။ ( ပြန်လည်မျှဝေပေးခြင်းဖြစ်ပါတယ်။ ) #ကျန်းမာရေး

ဒီနေ့ခေတ်မှာ လေဖြတ်ဝေဒနာကြောင့် စကားပြောရာမှာ ဗလုံးဗထွေးဖြစ်ပြီး စိတ်သွားတိုင်း ကိုယ်မပါ ဖြစ်နေရသူတွေအတွက် တကယ်ကို ထိရောက်စေမယ့် ရှေးမြန်မာ့ရိုးရာ ဆေးနည်းကောင်းတစ်ခုကို ဝေမျှပေးချင်ပါတယ်။ မိမိတို့ရဲ့ မိဘဆွေမျိုး ဒါမှမဟုတ် ချစ်ခင်ရတဲ့ မိတ်ဆွေတွေထဲမှာ လေဖြတ်လို့ စကားမပီသတော့ဘဲ ပြောချင်တာတွေ မပြောနိုင်လို့ အားမလိုအားမရ ဖြစ်နေတာမျိုး မြင်တွေ့ရတာ တကယ့်ကို စိတ်မကောင်းစရာပါ။ မကြာသေးမီကပဲ ကျွန်တော်တို့ မိတ်ဆွေတစ်ဦး လေဖြတ်ပြီး စကားမပြောနိုင်လို့ သွားရောက်ကြည့်ရှုခဲ့ရပါတယ်။ နောက်တစ်ခေါက် ထပ်သွားကြည့်တဲ့အခါမှာတော့ အံ့သြစရာကောင်းလောက်အောင် စကားသံတွေ ပီသလာပြီး သွက်သွက်လက်လက် ပြောနိုင်လာတာကို တွေ့ရလို့ မေးမြန်းကြည့်ရာမှာ အခုဖော်ပြပေးမယ့် "သပွတ်ခါးသီး ဆေးနည်း" ကို သိရှိခဲ့ရတာ ဖြစ်ပါတယ်။ ဆေးနည်းဖော်စပ်ပုံနှင့် အသုံးပြုနည်း လိုအပ်မယ့် ပစ္စည်းတွေကတော့ သပွတ်ခါးသီး နဲ့ ဆား ပဲ ဖြစ်ပါတယ်။ ၁။ နင်းနိုင်သူများအတွက် - စဉ့်အင်တုံအကျယ်တစ်ခုထဲမှာ ဆား (၁၀) သားခန့်ကို အောက်က ခံထားပါ။ ပြီးရင် အပေါ်ကနေ သပွတ်ခါးသီးအစိမ်း (၁၀) လုံးလောက်ကို တင်ပါ။ လူနာက မတ်တပ်ရပ်နိုင်တယ်ဆိုရင် မနက်တစ်ကြိမ်၊ ညနေတစ်ကြိမ် သပွတ်ခါးသီးတွေ အမြှုပ်ထွက်လာတဲ့အထိ ခြေထောက်နဲ့ နင်းပေးရပါမယ်။ ၂။ အိပ်ရာပေါ် လဲနေသူများအတွက် - လမ်းမလျှောက်နိုင်၊ မတ်တပ်မရပ်နိုင်တဲ့ လူနာတွေဆိုရင်တော့ သပွတ်ခါးသီးနဲ့ ဆားကို အမြှုပ်ထအောင် အရင်လုပ်ပါ။ ရလာတဲ့ အမြှုပ်တွေနဲ့ လူနာရဲ့ လက်ဖဝါး၊ ခြေဖဝါးတွေကို အနှံ့အပြား ပွတ်တိုက်ပေးရပါမယ်။ ဘယ်လိုအကျိုးသက်ရောက်တာလဲ? ဒီလို နင်းပေး၊ ပွတ်ပေးခြင်းအားဖြင့် သပွတ်ခါးရဲ့ အခါးဓာတ်ဟာ အကြောတွေကတစ်ဆင့် ခန္ဓာကိုယ်ထဲ စိမ့်ဝင်ပြီး ပါးစပ်ဆီကို ရောက်ရှိသွားပါတယ်။ အဲ့ဒီအခါမှာ တင်းနေတဲ့ လျှာခင်နဲ့ အကြောတွေ ပြေလျော့သွားပြီး စကားပြော ပီသလာတာဖြစ်တယ်လို့ သိရပါတယ်။ လေဖြတ်ဝေဒနာရှင်များအားလုံး အမြန်ဆုံး စကားပြန်ပြောနိုင်ပြီး ကျန်းမာရွှင်လန်းကြပါစေကြောင်း ဆုတောင်းပေးလိုက်ရပါတယ်။ #alinthitmedia

ဆေးဖက်ဝင်ကွမ်းရွက်ပင်အကြောင်း Piper betle .. မျိုးရိုးခွဲခြားခြင်း .. လောက:Plantae Clade:Angiosperms Clade:Magnoliids မျိုးစဉ်:Piperales မျိုးရင်း:Piperaceae မျိုးရင်းသေး:Piperoideae မျိုးစု:Piper မျိုးစိတ်:P. betle ဒွိနာမPiper betle L. ပေါက်ရောက်ပုံ .. မြန်မာ နိုင်ငံ အနှံ အပြားတွင် ပေါက်ရောက်သည်။ စိုက်ပျိုးပင် ဖြစ်သည်။ အသုံးပြုပုံ .. ကွမ်းရွက် ညှစ်၍ ရသော သတ္တုနှင့် ဂျင်းပြုတ်ရည်၊ ဆားအနည်းငယ်နှင့် တိုက်ကျွေး‌‌ပါက ပန်းနာ ရင်ကျပ်၊ ရင်အောင့် ရင်ကယ်၊ ကြက်ညှာ ချောင်းဆိုး ရောဂါများ ပျောက်၏။ ကလေးများ လေပွခြင်း၊ အစာ မကြေဖြစ်ခြင်း၊ ဝမ်းသွားခြင်း၊ ဖျားနာခြင်းများ၌ ကွမ်းရွက် သတ္တုရည်နှင့် ပျားရည်များ ရော၍ တိုက်ကျွေးလျှင် ပျောက်ကင်း နိုင်၏။ အဖျားကြောင့် ဖြစ်သော ခေါင်းကိုက် ရောဂါများ၌ ကွမ်းရွက် မျက်စဉ်းအဖြစ် ခတ်ပေးနိုင်သည်။ မျက်စိပူခြင်း၊ ယားခြင်း၊ နာခြင်းများတွင် ကွမ်းရွက်ကို မျက်လုံး ပေါ်တွင် ကပ်ပေးနိုင်သည်။ ဗိုင်းရပ်စ် ပိုးကြောင့် ဖြစ်သော အဖျား၊ လည်ချောင်းနာ ရောဂါများကို ပျောက်ကင်း စေနိုင်သည်။ သွေးတိုး ရောဂါတွင် သွေးတက်သည့် အခါ ချက်ချင်း ကျစေရန် ကွမ်းရွက် သတ္တုရည်ကို ညှစ်၍ တိုက်‌‌ကျွေး‌‌နိုင်သည်။ ကွမ်းရွက်ပင်၏ပုံပမ်း သွင်ပြင် .. ကပ်ပါး နွယ်ပင်မျိုး ဖြစ်သည်။ ပင်စည်လုံး သေးသွယ် ပြောင်ချောသည်။ အမြစ်များ ထွက်နေသော ထစ်ဖုများ ရှိသည်။ တစ်ခါ တစ်ရံ ဂလင်းများ ပါရှိသည်။ မွှေးသော အနံ့ရှိသည်။ ကွမ်းပင်တွင် အနုစား၊ အလတ်စား၊ အကြမ်းစား၊ အရိုင်းစား ဟူ၍ ၄ မျိုးခန့် ခွဲထားသည်။ ရွက်လွှဲ ထွက်သည်။ နှလုံးပုံ ရှိ၍ ရွက်ထိပ်ချွန်ပြီး ရွက်ရင်းရှိ အဝိုက်များ ညီညာသည်။ ရွက်ညှာ ရှည်၍ အလယ်တွင် မြောင်းပါရှိ၏။ ပန်းပွင့် အလွန် သေးငယ်သည်။ ဖိုမ သီးသန့် ရှိသည်။ ပန်းခိုင်များသည် အရွက်နှင့် မျက်နှာချင်းဆိုင် ထွက်၏။ အဖို ပန်းခိုင်သည် ပို၍ သေးသည်။ အသီးသည် အလွန် သေးငယ်သည်။ လုံးဝိုင်း၍ တစ်စေ့သီး ဖြစ်သည်။ အသုံးဝင်သောအပိုင်း ... အရွက် .. Betle Vine (ကွမ်း) .. Botany Term : Piper bettle Linn Species/Family : Piperaceae ပုံသဏ္ဌာန် : အပင် - နွယ်ပင်မျိုးဖြစ်သည်။ ပင်စည်လုံး သေးသွယ်ပြောင်ချော၍ အမြစ်များ ထွက်နေသော ဆစ်ဖုများ ရှိသည်။ တစ်ခါတစ်ရံ ဂလင်း များပါရှိသည်။ မွှေးသော အနံ့ရှိသည်။ ပူစပ်သောအရသာရှိသည်။ ကွမ်းပင်တွင် အနုစား ၊ အလတ်စား ၊ အကြမ်းစား ၊ အရိုင်းစား ဟူ၍ ၄ မျိုးခန့်ခွဲထားသည်။ အရွက် - ရွက်လွှဲထွက်သည်။ နှလုံးပုံရှိ၍ ရွက်ထိပ်ချွန်ပြီး ရွက်ရင်း ရှိ အဝိုက်များ ညီညာသည်။ အရွက်ပေါ်မျက်နှာပြင်ပြောင်ချောသည်။ ရွက်ကြောထင်ရှား၍ ရွက်နားညီသည်။ ရွက်ညှာရှည်၍ အလယ်တွင် မြောင်းပါရှိ၏။ အပွင့် - ပန်းပွင့် အလွန်သေးငယ်သည်။ အဖို ၊ အမ သီးသန့် ရှိသည်။ ပန်းခိုင် များသည် အရွက်နှင့် မျက်နှာချင်းဆိုင်ထွက်သည်။ အဖိုပန်းခိုင်သည် ပို၍ သေးသည်။ အသီး -အညှာတံတစ်ချောင်း ပိတ်ချင်သီးကဲ့သို့ စုပေါင်း၍ သီးပြီး ရှည်မျောမျော ပုံသဏ္ဌာန်ရှိသည်။ အသုံးပြုနိုင်သည့် အစိတ်အပိုင်းများ : အရွက်။ မြန်မာနိုင်ငံတွင် တွေ့နိုင်သောနေရာများ : မြန်မာနိုင်ငံ နေရာအနှံ့အပြား တွင်စိုက်ပျိုးပေါက်ရောက်သည်။ စိုက်ပျိုးပင်ဖြစ်သည်။ အသုံးဝင်ပုံ : အာနိသင် - မြန်မာ့ဆေးကျမ်းများ အလိုအရ ကွမ်းရွက်သည် ဖန် ၊ ခါး ၊ ပူစပ်သောအရသာရှိ၏။ နှုတ်ကို မြိန်စေ၏။ သလိပ်ကို ကြေစေ၏။ လေကို နိုင်၏။ ထက်မြက်၏။ အားကိုတိုးစေ၏။ အဆိပ်ကို ပယ်တတ်၏။ ဝမ်းမီးတောက်စေ၏။ ကာမကို အားပေး၏။ နှလုံးကို အကျိုးပြု၏။ နှလုံး ၊ ချောင်းဆိုးရောဂါ စသည်ကို ပျောက်ကင်းစေ၏။ အသုံးပြုပုံ .. အရွက် .. ၁။ ကွမ်းရွက် ညှစ်ရည်ကို ပျားရည်နှင့် တိုက်က ကလေးများ လေပွခြင်း ၊ အစာမကြေခြင်း ၊ ဝမ်းသွားခြင်း ၊ ဖျားနာခြင်းများ ပျောက်၏။ ၂။ ကွမ်းရွက် ညှစ်ရည်ကို နွားနို့နှင့် သောက်က မီးယပ်ကြောင့် ဖြစ်သော စိတ္တဇ ရောဂါ ပျောက်၏။ ၃။ ကွမ်းရွက် ညှစ်ရည်တွင် ချင်းပြုတ်ရည် နှင့် သိန္ဓောဆား အနည်းငယ်ထည့်သောက်က ပန်းနာရင်ကျပ် ၊ ရင်အောင့် ရင်ကယ် ၊ ကြက်ညှာချောင်းဆိုးများ ပျောက်၏။ ၄။ ကွမ်းရွက်ညှစ်ရည်အား မျက်စဉ်းခတ်ပေးခြင်းဖြင့် ကြက်မျက်သင့်နာ ၊ မျက်စိနာ ၊ မျက်စိရောင်ခြင်း ၊ ကိုက်ခြင်း စသည့်မျက်စိနှင့်ဆိုင်သော ရောဂါများ ပျောက်ကင်း၏။ ၅။ ကွမ်းရွက်ကို နနွင်း နှင့် ကျိုပြီး ဆားအနည်းငယ် ခတ်သောက် က ဖျားနာရောဂါ ပျောက်၏။ ၆။ ကွမ်းရွက်ကို မီးကင်၍ ကလေးများငယ်ထိပ်တွင် အုန်းသီး နှင့်ဆွတ်ပြီး ကပ်ပေးထားပါက နှာစေးရောဂါ ပျောက်ကင်း၏။ ၇။ ကွမ်းရွက်ကို ထန်းလျက် ၊ ချင်း ၊ ဆားထည့်ပြုတ်သောက်သော် အပူလွန်၍ ဖျားသော ရောဂါပျောက်၏။ ၈။ ထို့ပြင် ကွမ်းရွက်ကို ထုံး၊ ကွမ်းသီး၊ ဆေးရွက်ကြီး၊ ရှားစေးတို့ဖြင့်ယာပြီးကွမ်းယာအဖြစ်လည်းဝါးကြသည်။ ၉။မျက်ရိုးကိုက်၊ ဇက်ကြောတက် ရောဂါရှိသူ၊ ကွန်ပြူတာနှင့် နေ့စဉ်အလုပ်လုပ်ရသူတို့အနေနဲ့ ကွမ်းရွက်ကိုပြားစေ့အဝိုင်းခန့်ဆုတ်ပြီးနားထင်နှစ်ဖက်နှင့်မျက်ခုံးနှစ်ခုကြားတွင်ကပ်ပေးခြင်းဖြင့် မျက်ရိုးကိုက်၊ ဇက်ကြောတက်တာတွေကို သက်သာစေနိုင်ပါတယ်။ ကွမ်းရွက်ကပ်တဲ့အခါ ကြမ်းတဲ့ဘက်ကိုမကပ်ဘဲ ပြောင်ချောမျက်နှင်ပြင်ဘက်မှ ကပ်ပေးပါ။ ၁၀။မျက်မှန်ဒီဂရီတက်သူနှင့်မျက်စိသူငယ်အိမ်စောင်းသူများလည်းညအိမ်ရာဝင်ချိန်တွင်ကွမ်းရွက်ကိုပုံမှန်ကပ်ပေးခြင်းဖြင့် မျက်မှန်ဒီဂရီလျော့ကျစေပြီး သူငယ်အိမ်စောင်း၍ မျက်မှန်တပ်ရသူများမှာ တစ်လခန့်ကပ်ရုံဖြင့်မျက်မှန်လွတ်သွားသူများရှိသည်ဟုလည်း ဆိုကြပါတယ်။ အချို့ကတော့ ကွမ်းရွက်ကို ပြားစေ့ခန့်အဝိုင်းပြုလုပ်၍ ကပ်တတ်ကြပြီး အချို့ကတော့ကွမ်းရွက်တစ်ခုလုံးကိုမျက်စိအရွယ်အပေါက်ဖောက်၍ ကပ်သူများလည်း ရှိပါတယ်။ ညအိပ်ရာဝင်ခါနီးတွင် ကွမ်းရွက်ကပ်မယ်ဆိုပါက ကပ်တဲ့ပုံစံနဲ့နည်းစနစ်မှန်ကန်လျှင်နံနက်အိပ်ရာထတဲ့အထိ ကွာမကျပါဘူး။ ၁၁။ညောင်းကိုက်ပြီးဖျားတဲ့ တုပ်ကွေးလိုအဖျားမျိုးဆို ကွမ်းရွက်နှင့်ချင်းတက်၊ ထန်းလျက်ပြုတ်ရည်တွင် ဆားလှော် သို့မဟုတ် ကြပ်ခိုးအနည်းငယ်ထည့်၍ ခပ်ပူပူလေး မှုတ်သောက်ကာ စောင်ခြုံပြီး ချွေးအောင်းခြင်းဖြင့်သက်သာပျောက်ကင်းစေနိုင်ပါတယ်။ ၁၁။ရှေးခေတ်တွေတုန်းကဆို ကွမ်းရွက်ခြောက်ကို ရေနွေးဓာတ်ဘူးထဲထည့်သောက်ခြင်းဖြင့် ရင်ကြပ်၊ ပန်းနာ ဝေဒနာသည်များလည်းသက်သာစေနိုင်တယ်လို့ ဆိုထားပါတယ်။ ၁၂။ကလေးသူငယ်များအတွက် ကွမ်းရွက်အသုံးပြုပုံမှာ အပူကြီး၍ဖျားလျှင် ကွမ်းရွက်စိမ်းကို အရည်ညှစ်၍ ချိုင်းကြား၊ ပေါင်ခြံကြားတို့တွင် လိမ်းပေးပါ။ ၁၃။နှာစေးနှာပိတ်လျှင်ကွမ်းရွက်အဝိုင်းငယ်ကိုကလေးငယ်ထိပ်တွင် ကပ်ပေးပါ။ ၁၄။ချွဲထ၊ ရင်ကြပ်လျှင် ကွမ်းရွက်ကို မီးကင်၍ ကလေးရင်အုံတွင်ကပ်ပေးပါ။ ၁၅။ဝမ်းချုပ်၊ ဆီးချုပ်ဖြစ်လျှင် ကွမ်းရိုးတွင် အုန်းဆီသုတ်ပြီး ကလေးစအိုပေါက်မှ ဝမ်းချူသကဲ့သို့ ထည့်ပြီးလှည့်ပေးလျှင် ဆီးရော ဝမ်းပါ သွားစေနိုင်ပါတယ်။ ၁၆။ကွမ်းရွက်လေးကဆံပင်ကျွတ်တာသက်သာချင်ရင် ကွမ်းရွက်ကို ဆံသားနဲ့ ဦးရေပြား ပြဿနာ အမျိုးမျိုးအတွက် အသုံးပြုပေးလို့ ရပါတယ်။ ဆံပင်ကျွတ်တတ်သူတွေအနေနဲ့ ကွမ်းရွက် ၅ ရွက် ကနေ ၆ ရွက်ခန့်ကို ကြိတ်ခြေပါ။ ကြိတ်ခြေထားတဲ့ ကွမ်းရွက်ထဲကို နှမ်းဆီ ဒါမှမဟုတ် အုန်းဆီ လက်ဖက်ရည်ဇွန်း တစ်ဇွန်းစာ ထည့်လို့ သမအောင် မွှေပါ။ ရလာတဲ့ အနှစ်ကို ဦးရေပြားပေါ်မှာ လိမ်းလို့ လက်ချောင်းလေးတွေ သုံးပြီး နှိပ်နယ်ပါ။ မိနစ် ၂၀ လောက်ထားပြီးရင် ခေါင်းကို လျှော်နေကျ ခေါင်းလျှော်ရည် သုံးလို့ လျှော်ပါ။ ၁၇။ကွမ်းရွက်၊ဆနွင်းပြုတ်ရည်‌ကရောင်ရမ်းမှုကို သက်သာစေနိုင်တယ်။ ၁၈။ဘက်တီးရီးယားတွေကို တိုက်ဖျက်ပေးနိုင်တဲ့ အာနိသင်လည်းရှိပါတယ်။ ၁၉။။ဝက်ခြံတွေကြောင့် စိတ်ညစ်နေတယ်ဆိုရင်တော့ ကွမ်းရွက်လေးကို စိတ်ချ လက်ချ သုံးပေးလို့ရပါတယ်။ကွမ်းရွက်ကို ရေသန့်သန့်ထဲမှာ မိနစ် ၂၀ လောက် စိမ်ပါ။ ပြီးရင် အရိုးတံကို ဖယ်ထုတ်ပြီး အရွက်ကို သေချာလေး ကြိတ်ခြေပါ။ ရလာတဲ့အနှစ်ထဲကို ပျားရည် လက်ဖက်ရည်ဇွန်း တစ်ဝက်စာ ထည့်ပြီး ဆား ၁ မှုန် ၂ မှုန်လောက်ထည့်ပါ။ ပြီးရင် သမအောင် မွှေလို့ သန့်စင်ထားတဲ့ မျက်နှာပေါ်မှာ လိမ်းပေးပါ။ မိနစ် ၂၀ လောက်ထားပြီး ရေဆေးချလိုက်ပါ။ တစ်ပတ်တစ်ကြိမ် ကနေ နှစ်ကြိမ်လောက် လုပ်ပေးရုံနဲ့ ဝက်ခြံ၊ ဝက်ခြံအမာရွတ်နဲ့ အမည်းစက်တွေကို သိသိသာသာ သက်သာစေမည်။ ၂၀။အသားအရေလေး ချောမွေ့စေဖို့လည်း ကွမ်းရွက်ကို အသုံးပြုပေးလို့ရပါတယ်။ ရေစင်အောင်ဆေးထားတဲ့ ကွမ်းရွက် ၂ ရွက် ၃ ရွက်ခန့်ကို သေချာလေး ကြိတ်ခြေလို့ နနွင်း နည်းနည်းလောက်ထည့်ပြီး သမအောင်မွှေပါ။ ရလာတဲ့အနှစ်ကို သန့်စင်ထားတဲ့ မျက်နှာပေါ်မှာ လိမ်းလို့ မိနစ် ၂၀ လောက်ထားပြီး ရေနွေးနွေးနဲ့ ဆေးချပါ။တစ်ပတ်ကို ၂ ကြိမ်လောက်အထိ လုပ်ပေးလို့ရပါတယ်။ရောင်ရမ်းတာကို သက်သာစေပြီး မျက်နှာ အသားအရေကို ချောမွေ့စေမှာပါ။ ၂၁။အင်ပျဉ်ထွက်တာ သက်သာချင်ရင် ကွမ်းရွက်ရဲ့ အ‌ေရာင်ကျစေနိုင်တဲ့ အာနိသင်က အရေပြားပြဿနာဖြစ်တဲ့ အင်ပျဉ်တွေ သက်သာစေဖို့လည်း အသုံးဝင်ပါတယ်။ ရေနွေးဆူဆူထဲကို သန့်စင်ထားတဲ့ ကွမ်းရွက် ၁၀ ရွက်လောက် ထည့်ပြုတ်ပါ။ ရလာတဲ့ အရည်ကို အအေးခံပြီး ရေချိုးချလိုက်တာ ဒါမှမဟုတ် အင်ပျဉ် ဖြစ်တဲ့နေရာကို ဆွတ်ပေးတာမျိုး လုပ်ပေးလို့ ရပါတယ်။ အင်ပျဉ်ကို သက်သာစေသလို အရေပြားပေါ်က ဘက်တီးရီးယားတွေကို အထိရောက်ဆုံး ဖယ်ရှားပေးနိုင်မှာပါ။ ယားယံတာကို သက်သာစေဖို့လည်း အထောက်အကူ ပြုပေးပါသေးတယ်။ ၂၂။မျက်စိရောဂါများအတွက် ကွမ်းရွက်ကို အနည်းငယ်ဆုတ်ယူ၍ မျက်စိ၏ အစွန်းနှစ်ဖက်တွင် ကပ်ပေးခြင်းကို အိပ်ရာဝင်ခါနီးတိုင်း မှန်မှန်ပြုလုပ်ပေးပါက မျက်စိမှုန်ခြင်းကိုလည်း ဟန့်တားပိတ်ပင်ပြီးကွမ်းရွက်ကိုအပေါက်ဖောက်ခအ မျက်စိတစ်ဝိုက် ကပ်ပေးပါက မျက်စိမှုန် မျက်စိအားနည်းခြင်းဝေဒနာများကိုသက်သာပျောက်ကင်းစေပါ။ ၂၃။ကွမ်းရွက်ကို နားထင်၊ မျက်ခုံးရိုးပေါ်တွင် ကပ်ပေးပါက မျက်ရိုးကိုက်ဝေဒနာ၊ ခေါင်းကိုက်၊ ဇက်ကြောထိုးရောဂါများ သက်သာစေသည်။ ၂၄။ကွမ်းရွက်ကို ဆားအနည်းငယ်နှင့်ရော၍ ချေွပေးပိုစရရှိသော ကွမ်းရွက်စိမ်းရည်ကို မျက်စဉ်းခပ်ပေးပါကလည်း သက်သာစေပါသည်၊ ၂၅။ကွမ်းရွက်ကို မီးကင်လော့ ရင်ဘတ်၊ ရင်ခေါင်းတွင် ကပ်ပေးကလေးများချောင်းဆိုး၊ ရင်ကျပ်ရောဂါသက်သာစေသည်။၊ ၂၆။ကွမ်းရွက်ကို မီးကင်မှ အုန်းဆီသုတ်ကာ ကလေးငယ်ထိပ်တွင် ကပ်ပေးပါက နှာစေးခြင်းကို ပျောက်ကင်းစေသည်။ ၂၇။ရင်ညွန့်၊ ရင်ဘတ်ကို ကပ်ပေးပါက ချွဲသလိပ်ကပ်ခြင်းကို ပျောက်ကင်းစေသည်။ ၂၈။ ကွမ်းရွက်သတ္တုရည်ကို ပျားရည်နှင့် ဆတူရောခါ အစာမကြေ၊ လေနာ၊ ဝမ်းပျက်ခြင်းရောဂါအတွက် တိုက်ကျွေးပေးပါ။ ၂၈။ကွမ်းရွက်သတ္တုရည်ကို ဆားအနည်းငယ်ခပ်ရန် တိုက်ကျွေးပါက ကလေးချောင်းဆိုး၊လည်ချောင်းပူရောဂါကို သက်သာစေသည်။ ၂၉။ကွမ်းရွက်သတ္တုရည်ကို ချင်းပြုတ်ရည်ရောတုတ် ဆားအနည်းငယ်ခပ်ကာ တိုက်ကျွေးပါကကလေးများ ကြက်ညှာချောင်းဆိုးကိုပျောက်ကင်းစေသည်။ ၂၉။ကွမ်းရိုးကိုနှမ်းဆီသုတ်ကာကလေး၏စအိုအတွင်းထိုးခါဝမ်းချူပေးပါ။ ၃၀။အညှီအဟောက်၊ အပုပ်အစပ်အနံ့များ လက်တွင်စွဲပါက ကွမ်းရွက်ကို လက်တွင် ပွတ်ချေပေး ပိန်များပျောက်ကင်းစေသည်။ ၃၁။အနံပြင်းသော ဒညင်းသီး၊ ဒူးရင်းသီးများ စားပြီးပါကကွမ်းရွက်ကိုဝါး၍အရည်ကိုမျိုချခါပိန်များပျောက်ကင်းစေသည်။ အသီးရွက်မှ ထုတ်ယူရရှိသောပေါင်းခံရည် တစ်စက်ကိုရေ ၁ ၃၂။ခံတွင်းပျက် အော့အန်ခြင်းများအတွက် ကွမ်းရွက်ကို ကွမ်းစားဂမုန်းဥနှင့် ညက်စွာရောကြိတ် တုတ် အရွယ်အားလုံးကာနေ့စဉ် တစ်လုံးစားပေးပါကအထက်လူကြီး၏ခံတွင်းအနံမကောင်းခြင်းကိုလည်း ပျောက်ကင်းစေသည်။ ၃၃။အအေးမိ နှာစေးက ကွမ်းရွက်၊ ချင်းနှင့် ထန်းလျက်ကိုရောပြုတ်ပြီး ကျိုချက်ပြီး ပူပူသောက်ပေးပါကသက်သာစေ သည်။ ၃၄ကိုယ်ခန္ဓာပူရှိန်းရှိန်းဖြစ်နေပြီးမျက်စိမဝချင်လောက်အောင်လေးလံထိုင်းမှိုင်းနေပါကကွမ်းရွက်သတ္တုရည်ကို မျက်စဉ်းခပ်ပေးပါ။ ၃၅။ကွမ်းရွက်၊ မိန့်ဒလွန်ရွက်ပြုတ်ရည်တွင်ဆားအနည်းငယ် တုတ်၊ ၃၆။ကွမ်းရွက်ကိုပြုတ် ကျက်ခိုးနှင့်ဖျော်သောက်ပါကအဖျားကြီးရောဂါကိုပင် ပျောက်ကင်းစေသည်။ ၃၇။ကွမ်းရွက်ကို ထန်းလျက်၊ ချင်း၊ နနွင်းနှင့်ရော၍ ကျိုကာ ဆားအနည်းငယ်သောက်ပါက အပူကြီးဖျားနာများအတွက် ကွမ်းရွက်ကို နွင်း၊ မြက်မုန်ညင်းကြပ်ခိုးနှင့် အတူရောတုတ်လုပ်ကာရေနွေးနှင့် သောက်ရည် ရာသီအကူူးအပြောင်း ဖျားနာများအတွက် โทนความคิดเห็น ဆေး ၃၈။ကွမ်းရွက်နှင့်ပင်စိမ်းရွက်ရောကြိတ်၍လာသော အရည်ကို ဇွန်းတစ်ဇွန်းတွင် ဆားမီးဖုတ်နှင့် သောက်ပါက ပန်းနာရင်ကြပ်ရောကို သက်သာစေသည်။ ၃၉။ကွမ်းရွက်စိမ်းရည်နှင့် ချင်းပြုတ်ရည်ကိုရော စေလော့ ကွမ်းရွက်ကို လက်ဖြင့်ချေသည် ဘယ်ဘက်ရင်အုံပေါ်တွင် ကွမ်းရွက်ကို တံတွေးဆွတ်ကပ်ပေး နှလုံးတုန်၊ မူးဝေ၊ ထိုင်းမှိုင်းခြင်းကိုသက်သာစေသည်။ ၄၀။ကလေးအမေ နို့ရည်တင်းတုတ် ကိုက်ခဲခဲ့သော် ကွမ်းရွက်ကိုဆီသုတ် နို့ချောင်းပိတ်ရောဂါ၊နို့ကျိတ်ရောင်ရောဂါများအတွက်ပါသက်သာစေသည်။ ၄၁။ကွမ်းရွက်သတ္တုရည်ကို နွယ်ချိုစျေး၊ ဆားအနည်းငယ်ရောစွက်တိုက်ပါကချောင်းဆိုးအသံဝင်ခြင်းကိုသက်သာစေသည်၊ ၄၂။ကွမ်းရွက်စိမ်းရည်နှင့် ခတက်ရွက်ရည်တို့ကို ဆတူရောနော်ထောပတ် အနည်းငယ်ကာ တစ်နေ့တစ်ကြိမ် တစ်ဇွန်းနှုန်းနှင့် တစ်နေ့သုံးကြိမ်သောက်ပါကအဆစ်ရောင်ရောဂါများကို သက်သာစေသည်။ အချို့သောရောဂါများအတွက် တိုင်းရင်းဆေးများဖော်စပ်ရာတွင်လည်း အမယ်တစ်မျိုးဖြစ် ရည်ညွှန်းဖော်စပ်ကြသည်။ သတိထားရမယ့် အချက်များ .. ကွမ်းရွက်နဲ့ အရင်က ဓာတ်မတည့်တာ ဖြစ်ဖူးသူတွေ၊ အရေပြားပြဿနာရှိသူတွေက သတိထားပြီး သုံးစွဲသင့်ပါတယ်။ မသုံးခင်မှာ ဆရာဝန်နဲ့ တိုင်ပင်သင့်ပါတယ်။ ဘေးထွက်ဆိုးကျိုး .. ကွမ်းရွက်ကို အရေပြားပေါ်မှာ သုံးတာက များသောအားဖြင့် ပြဿနာ မရှိပါဘူး။ ဒါပေမယ့် ကွမ်းရွက်နဲ့ ထိတွေ့ပြီး ယားယံတာ၊ အင်ပျဉ်ထတာတွေ ဖြစ်လာရင်တော့ သုံးစွဲမှုကို ရပ်တန့်သင့်ပါတယ်။ အကိုးကား .. 1.Source - My Food Myanmar 2.https://greenwaymyanmar.com/posts/health_benefits_of_betel_leaf 3.https://hellosayarwon.com/skin-health/skin-care-cleansing/beauty-uses-of-betel-leaves/ 4.စိုက်ပျိုးရေး

💁‍♀️ ကိုယ့်ခြံထဲမှာ ဒီအပင်ရှိရင် ရွှေရှိနေသလိုပါပဲ ဒါပေမဲ့ လူအတော်များများကတော့ မသိကြဘူး... "ဆင်ငိုမြက်" ရဲ့ အံ့မခန်း ဆေးဖက်ဝင်ပုံများ 💬👀👇 ခြံဝင်းထဲမှာ ဒါမှမဟုတ် မြက်ခင်းပြင်တွေမှာ အလေ့ကျပေါက်နေတတ်တဲ့ "ဆင်ငိုမြက်"ဟာ တကယ်တော့ သဘာဝကပေးတဲ့ အဖိုးတန် ဆေးပင်တစ်မျိုးပါ။ ရှေးလူကြီးတွေကတော့ ဒီအပင်ကို "ရွှေ" လို တန်ဖိုးထားကြပါတယ်။ 🌿 ဆင်ငိုမြက်ရဲ့ အစွမ်းထက်ပုံများ ၁။ အသည်းအတွက် အားကိုးရာ ဆင်ငိုမြက်ဟာ အသည်းကို သန့်စင်ပေးပြီး အသည်းလုပ်ဆောင်ချက်တွေကို ကောင်းမွန်စေပါတယ်။ အသားဝါရောဂါနဲ့ အသည်းရောင်တာတွေအတွက် တိုင်းရင်းဆေးနည်းတွေမှာ အဓိက အသုံးပြုကြပါတယ်။ ၂။ သွေးသန့်စင်စေခြင်းနှင့် သွေးအားကောင်းစေခြင်း ခန္ဓာကိုယ်အတွင်းက အဆိပ်အတောက်တွေကို ဖယ်ရှားပေးပြီး သွေးသားကို သန့်စင်စေပါတယ်။ သွေးလေပတ်ဝန်းမှု ကောင်းမွန်စေလို့ အမျိုးသမီးတွေ မီးယပ်သွေးမမှန်တဲ့ ပြဿနာတွေမှာလည်း အသုံးပြုနိုင်ပါတယ်။ ၃။ အဖျားဖြတ်ခြင်းနှင့် ရောင်ရမ်းမှုကျစေခြင်း အဖျားတက်တာ၊ လည်ချောင်းနာတာနဲ့ ခန္ဓာကိုယ်ထဲမှာ ရောင်ရမ်းမှု (Inflammation) ဖြစ်တာတွေကို သက်သာစေတဲ့ သဘာဝ ပဋိဇီဝဆေးတစ်မျိုးလို့တောင် တင်စားကြပါတယ်။ ၄။ ဆီးရောဂါနှင့် ကျောက်ကပ်ကျန်းမာရေး ဆီးရွှင်စေတဲ့ အာနိသင်ရှိပြီး ဆီးလမ်းကြောင်း ပိုးဝင်တာ၊ ဆီးအောင့်တာနဲ့ ကျောက်ကပ်ထဲက ကျောက်တည်တာတွေကို ဖယ်ရှားရာမှာ ကူညီပေးပါတယ်။ 🍵 အသုံးပြုပုံ • အပင်တစ်ပင်လုံး (အရွက်၊ အမြစ်၊ ပွင့်) ကို သန့်စင်အောင် ဆေးကြောပါ။ • နေလှန်းပြီး အခြောက်ခံကာ လက်ဖက်ရည်ကြမ်းလို ခတ်သောက်နိုင်သလို၊ လတ်လတ်ဆတ်ဆတ် ပြုတ်ပြီးတော့လည်း သောက်သုံးနိုင်ပါတယ်။ 👍 သတိပြုရန် • ကိုယ်ဝန်ဆောင်မိခင်များ အသုံးမပြုသင့်ပါ။ • ဆေးနည်းအဖြစ် အမြဲတမ်းသောက်သုံးလိုပါက နားလည်တတ်ကျွမ်းသူ သို့မဟုတ် တိုင်းရင်းဆေးဆရာများနှင့် တိုင်ပင်ဆွေးနွေးပြီးမှ အသုံးပြုပါရန် တိုက်တွန်းလိုပါတယ်။ ဒီလို အဖိုးတန်တဲ့ သဘာဝဆေးနည်းလေးကို မိသားစုနဲ့ သူငယ်ချင်းတွေ သိအောင် ပြန်လည်မျှဝေပေးလိုက်ပါဦးရှင်။ #ဆေးနည်း #ကျန်းမာရေး #ဆင်ငိုမြက် #ဆင်ခြေပင် #သဘာဝဆေးဖက်ဝင်အပင်များ #အသည်းအားဆေး #တိုင်းရင်းဆေး #ကျန်းမာရေးဗဟုသုတ

အာလောက ခွေးလေး ရဲ့ ငြိမ်းချမ်းရေး ခရီးလမ်းက တကယ့်ကို နှလုံးသားကို ထိမိပါတယ်။ အိန္ဒိယ လမ်းမတွေပေါ်က လွတ်လပ်နေတဲ့ ခွေးလေးတစ်ကောင်ဟာ ဗုဒ္ဓဘာသာ ရဟန်းတွေရဲ့ ငြိမ်းချမ်းရေး ခရီးလျှောက်ပွဲကို လိုက်ပါလာခဲ့ရင်း သူတို့ရဲ့ အဖော်အဖြစ် ပါဝင်ခဲ့ပါတယ်။ အခု အမေရိကန်မှာ ကီလို ၃၇၀၀ ကျော် လျှောက်နေတဲ့ "Walk for Peace" ခရီးမှာလည်း အာလောက ခွေးလေးဟာ ရဟန်းတွေနဲ့ အတူ ခြေလှမ်းများမျှတစ်နဲ့ လျှောက်လှမ်းနေပါတယ်။ ပင်ပန်းရင် အနားယူ၊ အားရှိရင် လျှောက်ပြီး ရဟန်းတွေဘေးမှာ မခွဲခဲ့ပါဘူး။ ဒီခွေးလေးရဲ့ မျက်နှာလေးကို ကြည့်ရတာ ငြိမ်းချမ်းမှု၊ မေတ္တာတရားတွေ ပြည့်နှက်နေသလိုပဲ။ သူ့ရဲ့ ခရီးက ကမ္ဘာတစ်ဝှမ်းက လူတွေကို ချစ်ခြင်းမေတ္တာ ပို့ဆောင်နေပါတယ်။ 🐶🧡🙏 Peace and Love from Aloka! ✨ #AlokaThePeaceDog #WalkForPeace #ငြိမ်းချမ်းရေးခွေးလေး

မနက်အိပ်ရာက နိုးနိုးချင်း ရေနွေးနွေး တစ်ခွက်ကို ယူပါ။ အဲဒီထဲကို လတ်ဆတ်တဲ့ သံပုရာသီးတစ်စိတ်ကို အားရပါးရ ညှစ်ထည့်လိုက်ပါ။ ပြီးရင် ပျားရည်စစ်စစ် အနည်းငယ်နဲ့ အရသာဖြည့်စွက်ပြီး ဗိုက်အလွတ်မှာ ဖြည်းညင်းစွာ သုံးဆောင်လိုက်ပါ။ ✔️ ဒီအလေ့အကျင့်လေးရဲ့ ထူးခြားတဲ့ အကျိုးကျေးဇူးများ ဒီရိုးရှင်းတဲ့ ဖျော်ရည်ဟာ သင့်ခန္ဓာကိုယ်ရဲ့ တစ်နေ့တာ လှုပ်ရှားမှုအတွက် အကောင်းဆုံး အစပြုခြင်း တစ်ခုကို ပေးစွမ်းနိုင်ပါတယ်။ • အစာဟောင်းအိမ် နိုးထခြင်း • အူလမ်းကြောင်း လှုပ်ရှားမှုကို ညင်သာစွာ လှုံ့ဆော်ပေးလို့ ဗိုက်ထဲမှာ ပေါ့ပါးလန်းဆန်းမှုကို ခံစားရစေပါတယ်။ • လေပွခြင်း ကင်းဝေးစေခြင်း • မနက်ပိုင်းမှာ ဖြစ်တတ်တဲ့ ရင်ပြည့်ရင်ကယ် ဒါမှမဟုတ် အစာမကြေတဲ့ ဝေဒနာတွေကို သိသိသာသာ သက်သာစေပါတယ်။ • သဘာဝ အင်အား ဖြည့်တင်းခြင်း • ပျားရည်ရဲ့ သဘာဝအချိုဓာတ်ဟာ ကိုယ်အလေးချိန်မတက်ဘဲ လန်းဆန်းတက်ကြွတဲ့ ခွန်အားကို ဖြည့်တင်းပေးပါတယ်။ • ကြွက်တက်ခြင်းမှ ကာကွယ်ခြင်း • သံပုရာသီးက ခန္ဓာကိုယ်အတွင်းရှိ ဓာတ်ဆားဓာတ် တွေကို မျှတအောင် ထိန်းညှိပေးလို့ ကြွက်တက်တာကို တားဆီးပေးပါတယ်။ • အသားအရေ အတွင်းမှ ဝင်းပခြင်း • သံပုရာမှာပါတဲ့ ဗီတာမင်စီ အစွမ်းကြောင့် သင့်ရဲ့ အသားအရေဟာ စိုပြေဝင်းပပြီး ပိုမို လန်းဆန်းလာပါလိမ့်မယ်။ ဒီမနက်ခင်း အလေ့အကျင့်လေးဟာ သင့်ခန္ဓာကိုယ်ကို အတွင်းပိုင်းကနေ သန့်စင်ပေးပြီး တစ်နေ့တာလုံး အညောင်းအညာကင်းကာ လွယ်လင့်တကူ လှုပ်ရှားနိုင်ဖို့ အကောင်းဆုံးသော အခြေခံအုတ်မြစ် ပါပဲ။ #yoyocooking

ဆင်တုံးမနွယ် ပျားရည်စိမ် ဆေးသည် "မအို" ဆေးလို့တောင် တင်စားကြတယ်ဆိုပဲ 😍 ဆင်တုံးမနွယ် ပျားရည်စိမ်ထားသော ဆေးသည် အသက်ရှည်ဆေး၊ ခွန်အားဖြစ်စေသောဆေး၊ အသက်ရှည်စေပြီး အိုမင်းရင့်ရော်မှုကို နှေးကွေးစေကာ ရောဂါများကို တိုက်ဖျက်နိုင်သည်ဟု ဆိုကြသည်။ ဒါ့အပြင် ယောကျာ်းများအတွက် အားအင်ပြည့်ဝစေပြီး လူကို လန်းဆန်းတက်ကြွစေတယ်လို့လည်း ပြောကြပါတယ်။ 😁 (မိန်းမရှိသောသူများ အထူးသောက်သုံးသင့်ပါသည်) 🤪 လိုအပ်တဲ့ပစ္စည်းများ..... ၁။ ဆင်တုံးမနွယ် ၂။ ပျားရည်အစစ် ပြုလုပ်နည်း....... ၁။ ဆင်တုံးမနွယ်ကို သန့်စင်အောင်ရေသေချာဆေးပါ။ ပြီးနောက် လက်တစ်ဆစ်စာအရွယ် အတုံးလေးတွေတုံးပြီး ၂ ရက်လောက် ခြောက်အောင်နေလှန်းထားပါ။ ၂။ ပျားရည်ကို ရေငွေ့ပြန်သွားသည်အထိ ဆူပွက်အောင် ကျိုပါ။ ပြီးနောက် အအေးခံထားပါ။ ၃။ ပြင်ဆင်ထားသော ဆင်တုံးမနွယ်အတုံးများကို ဖန်ပုလင်းတစ်ဝက်ခန့်ထည့်ပါ။ ပြီးနောက် ကျိုထားသော ပျားရည်ကို ဖန်ပုလင်းထဲသို့ လောင်းထည့်ပါ။ (ပုလင်းအပြည့်မထည့်ရပါ ပျားရည်နှင့် ဖန်ပုအပေါ်ပိုင်းအကြား ၃ လက်မခန့် နေရာလွတ်ချန်ထားပါ)။ ပြီးနောက် အဖုံးလုံအောင်ပိတ်ပြီး ၁ လမှ ၃ လလောက်အထိ စိမ်ထားပါ။ (ဆေးပုလင်းကို နေရောင်မထိအောင် ဂရုစိုက်ပါ။) သောက်သုံးနည်း... ဆေးစိမ်ရည် ၁ ဇွန်းကို ရေ ၁ ခွက်နှင့် ရောစပ်ပြီး တစ်နေ့လျှင် ၂ ကြိမ်မှ ၃ ကြိမ်အထိ သောက်သုံးနိုင်ပါသည်။ အစာမစားမီ သို့မဟုတ် အစာစားပြီးမှလည်း သောက်သုံးနိုင်ပါသည်။ အအေးအဖြစ် ရေခဲထည့်ဖျော်ပြီးလည်း သောက်သုံးနိုင်ပါသည်။ (ဆေးစိမ်ပြီး သတ်မှတ်ထားတဲ့အချိန် ပြည့်သွားပါက ပျားရည်ကို စစ်ထုတ်ပြီး ပျားရည်အသစ်ထပ်မံထည့်၍ ထပ်မံစိမ်နိုင်ပါသည်။ ဆင်တုံးမနွယ်မလဲပဲ ဒီနည်းဖြစ် ၃ ကြိမ်အထိ ပြုလုပ်နိုင်ပါသည်။) MON SOUNG #fblifestyle

ဒီကလေး မိဘမဲ့ကလေးပါ ဦးနှောက်ကင်ဆာ ဖြစ်နေလို့ မနက်ဖြန် ခွဲစိတ်မှု ခံယူရမှဖြစ်ပါတယ် ဒီကလေးတွက် ဘေးကင်းစွာ ပြန်လည်ကောင်းမွန်လာပါစေဗျာ မိတ်ဆွေတို ဒီကလေးတွက်ဆုတောင်းစကားလေးပြောပေးကျပါဗျာ🥹🥹 #ထိုင်းသတင်း #သတင်း

" မ နည်းနည်းပိန်သွားတယ်နော် ! " ဆိုတော့ • • • " ဟုတ်တယ်မောင်ရယ် " " မောင့်ကို သတိရစိတ်တွေကြောင့် အိပ်မပျော်စားမဝင်တွေဖြစ်ပြီး ပိန်သွားတာ " တဲ့။ ခဏနေတော့ - " ပိန်သွားလို့ မချစ်တော့ဘူးလား " ဆိုပြီး ကောက်ပါလေရောဗျာ။ ( မကောက်စိန်လေးရယ်ပါဆို ) " ပိန်လည်း ချစ် ဝလည်း ချစ်၊ ဘယ်လိုဖြစ်ဖြစ် ချစ်ပါတယ် " ဆိုပြီး နာရီဝတ် ၄၅ မိနစ်လောက် ချော့ရသေး။ ( မနာလိုသူတွေကတော့ ဟဟ ပေးကြမှာပဲလေ )

ကိုဘုန်းကြွယ်လူညာမဟုတ်ဘူး မင်းကိုပြောပြမယ် မမြစိမ်းရယ် မမြစိမ်းရယ် သာနဲ့လင်ကိုမခင်တွယ် ထားခဲ့တာ ယနေ့အလွမ်းတွေမပြယ် တီးလုံးနဲ့အသံပါရမီကိုကြိုက်လိုပါ

သည်;ခြေအိတ်၊ ဆီ;ပြွန်နှင့် ကျောက်က၊ပ်ကျောက်တ၊ည်ခြင်းများအတွက် ဆေးနည်း ​ခွဲစိlတ်ကုသရန်မလိုဘဲ ကျောက်တ၊ည်ခြင်းဝေဒနာ သက်သာပျောက်ကင်းစေရန် အောက်ပါအတိုင်း စနစ်တကျ ပြင်ဆင်စားသုံးနိုင်ပါသည်။ ​လိုအပ်သောပစ္စည်းများ • ​ကျောက်ချဉ် - လက်သန်းတစ်ဆစ်ခန့် • ​ကင်းပုံသီး - အမှည့် တစ်လုံး ​ပြုလုပ်ပုံအဆင့်ဆင့် ​၁။ လက်သန်းတစ်ဆစ်ခန့်ရှိသော ကျောက်ချဉ်ကို အမှုန့်ဖြစ်အောင် သေချာစွာ ထုခြေပါ။ ၂။ မှည့်နေသော ကင်းပုံသီးကို အပေါက်ဖောက်၍ ထုခြေထားသော ကျောက်ချဉ်မှုန့်များကို အထဲသို့ ထည့်ပါ။ ၃။ ၎င်းကင်းပုံသီးကို မီးဖိုပေါ်တွင် ကျောက်ချဉ်များ ပျော်ဝင်သွားသည်အထိ (သို့မဟုတ်) အနည်းငယ် ခြောက်သွေ့သွားသည်အထိ အပူပေးကာ ကင်ပေးပါ။ ​သုံးစွဲနည်း • ​အအေးခံပြီးနောက် တစ်နေ့လျှင် ကင်းပုံသီး တစ်လုံး ကုန်အောင် စားသုံးရပါမည်။ • ​တစ်နေ့လျှင် (၃) ကြိမ်၊ ထမင်းစားပြီးတိုင်း ခွဲ၍ စားပေးပါ။ • ​၃ ရက်ဆက်တိုက် တိတိကျကျ စားသုံးပေးခြင်းဖြင့် သိသာထူးခြားသော ရလဒ်ကို ရရှိစေနိုင်ပါသည်။ • ခွဲစိlတ်စရာမလိုပါ။ ​ ​MON SOUNG #MONSOUNG

ဗင်နီဇွဲလား သမ္မတ မာဒူရို ကို ပြန်လွှတ်ပေးဖို့ ရုရှား တောင်းဆို ရုရှားနိုင်ငံခြားရေး ဝန်ကြီးဌာနက အမေရိကန်ဖမ်းဆီးထားတဲ့ ဗင်နီဇွဲလား သမ္မတ မာဒူရိုနဲ့ သူ့ဇနီးတို့ကို "ချက်ချင်းပြန်လွှတ်ပေးဖို့" အမေရိကန်ကို အရေးပေါ် တောင်းဆို လိုက်ပါတယ်။ ရုရှားက မာဒူရိုနဲ့ ဇနီးဖြစ်သူဟာ "တရားဝင် ရွေးကောက်ခံထားရတဲ့ ခေါင်းဆောင်တွေ" ဖြစ်တယ်လို့ ဆိုပြီး၊ နှစ်နိုင်ငံ ပြဿနာကို စစ်ရေးအရ မဟုတ်ဘဲ "ဆွေးနွေးပွဲ" နည်းနဲ့ပဲ ဖြေရှင်းသင့်တယ်လို့ အလေးပေး ပြောကြားခဲ့ ပါတယ်။ ရုရှားနိုင်ငံခြားရေးဝန်ကြီးဌာနရဲ့ X လူမှုကွန်ရက်စာမျက်နှာမှာ "မာဒူရိုတို့ ဇနီးမောင်နှံ အမေရိကန်လက်ထဲ ရောက်နေတာကို အတည်ပြုနိုင်ပြီ ဖြစ်လို့၊ အချုပ်အခြာ အာဏာပိုင် နိုင်ငံတခုရဲ့ သမ္မတကို ပြန်လွှတ်ပေးဖို့ အမေရိကန် ခေါင်းဆောင်တွေကို ပြင်းပြင်းထန်ထန် တိုက်တွန်းတယ်" လို့ ရေးသားထားပါတယ်။ သမ္မတ မာဒူရိုနဲ့ ဇနီးဖြစ်သူ စီလီယာ ဖလောရက်စ် တို့ဟာ ဗင်နီဇွဲလား မြို့တော် ကာရာကပ်စ်မှာ အမေရိကန် ထောက်လှမ်းရေးနဲ့ ရဲတပ်ဖွဲ့တွေရဲ့ ပူးပေါင်း စစ်ဆင်ရေးအတွင်း ဖမ်းဆီးခံခဲ့ရတာ ဖြစ်ပြီး နိုင်ငံပြင်ပကို ချက်ချင်း ခေါ်ဆောင်သွားခြင်း ခံခဲ့ရပါတယ်။ သမ္မတ ထရမ့် ကတော့ မာဒူရိုတို့ ဇနီးမောင်နှံကို "မူးယစ်ဆေးဝါး ကုန်ကူးမှုနဲ့ မူးယစ်-အကြမ်းဖက်မှု ပူးပေါင်းကြံစည်မှု" တွေနဲ့ နယူးယောက် တရားရုံးမှာ တရားစွဲထားပြီး ဖြစ်တယ်လို့ ဆိုပါတယ်။ ထရန့်က "ဒီလို စစ်ဆင်ရေးမျိုးကို ကမ္ဘာမှာ ဘယ်နိုင်ငံမှ မလုပ်နိုင်ဘူး၊ ငါတို့ စစ်တပ်က ဗင်နီဇွဲလားရဲ့ စစ်ရေး စွမ်းဆောင်ရည်အားလုံးကို အသုံး မကျဖြစ်အောင် လုပ်ပစ်လိုက်နိုင်တယ်" လို့ ကြွားဝါ ပြောဆိုခဲ့ပါတယ်။ အမှောင်ထုထဲမှာ အင်မတန်ပြင်းထန်လှတဲ့ စစ်ဆင်ရေးကို အောင်မြင်အောင် လုပ်ဆောင်ခဲ့တာ ဖြစ်ပြီး၊ အခုတော့ မာဒူရိုတို့ ဇနီးမောင်နှံဟာ အမေရိကန် ရဲ့ တရားစီရင်မှုကို ရင်ဆိုင်ရတော့မယ်" လို့ ထရမ့်က ပြောပါတယ်။ သူတို့ကို အမေရိကန်မြေပေါ်မှာ တရားစီရင်မှာ ဖြစ်ပြီး လက်ရှိမှာ နယူးယောက်ကို ခေါ်ဆောင်ထားပါတယ်။ တရားခွင်ကို နယူးယောက်မှာ လုပ်မလား၊ ဖလော်ရီဒါမှာ လုပ်မလား ဆိုတာကိုတော့ နောက်မှ ဆုံးဖြတ်မယ်လို့ သိရပါတယ်။ အမေရိကန် ရှေ့နေချုပ် Pamela Bondi ကတော့ မာဒူရိုတို့ ဇနီးမောင်နှံ အပေါ် တရားစွဲဆိုထားတဲ့ အမှုတွဲတွေကို လူသိရှင်ကြား ချပြခဲ့ပါတယ်။

ငြိမ်းချမ်းရေး ဓမ္မခရီးလမ်းမှ သစ္စာရှိ ခရီးဖော်လေး "အာလောက" ​ငြိမ်းချမ်းရေးခရီးစဉ် (Peace Journey) လို့ဆိုလိုက်ရင် ဖုန်ထူထူ လမ်းခရီးကြမ်းကို ဖြတ်သန်းကြွချီနေကြတဲ့ ဆရာတော်၊ သံဃာတော်တွေကို ပြေးမြင်မိကြမှာပါ။ ဒါပေမဲ့ ဒီခရီးလမ်းမှာ သံဃာတော်တွေနဲ့အတူ မမောမပန်း လိုက်ပါရင်း လူအများရဲ့အချစ်ကို သိမ်းပိုက်ထားတဲ့ ထူးခြားတဲ့ ခရီးဖော်လေးတစ်ဦး ရှိနေပါတယ်။ သူကတော့ "အာလောက" လို့ အမည်ရတဲ့ ခွေးလေးပဲ ဖြစ်ပါတယ်။ ​လမ်းဘေးခွေးလေးဘဝမှ ငြိမ်းချမ်းရေး ခရီးဖော်ဆီသို့ အာလောကဟာ မူလက သာမန်လမ်းဘေးခွေးလေးတစ်ကောင် ဖြစ်ခဲ့မယ်ဆိုပေမဲ့ အခုချိန်မှာတော့ သူ့ဘဝက သာမန်မဟုတ်တော့ပါဘူး။ ဆရာတော်တွေရဲ့ မေတ္တာရိပ်ကို ခိုလှုံရင်း ငြိမ်းချမ်းရေး ခြေလှမ်းတွေနဲ့အတူ လိုက်ပါခွင့်ရရှိခဲ့ပါပြီ။ "အာလောက" ဆိုတဲ့ နာမည်က ပါဠိလို "အလင်းရောင်" လို့ အဓိပ္ပာယ်ရပြီး ဒီခရီးစဉ်အတွက် အတိတ်နိမိတ်ကောင်းတစ်ခုလို ဖြစ်နေပါတယ်။ ဓာတ်ပုံထဲမှာ မြင်တွေ့ရတဲ့အတိုင်း အာလောကဟာ လမ်းခရီးမှာ အန္တရာယ်ကင်းစေဖို့ တောက်ပတဲ့ လိမ္မော်ရောင် အင်္ကျီ (Reflective Vest) လေးကို ဝတ်ဆင်ထားပြီး လည်ပင်းမှာလည်း အစိမ်းရောင် ဖဲပြားလေး စည်းနှောင်ထားပါသေးတယ်။ ဒီဝတ်ဆင်မှုတွေက သူ့ကို ဂရုစိုက်စောင့်ရှောက်သူတွေရှိကြောင်း သက်သေပြနေသလို၊ သူ့ရဲ့ မျက်လုံးမှေးမှေးလေးတွေနဲ့ ခပ်တည်တည် မျက်နှာပေးလေးကလည်း မြင်ရသူအပေါင်းကို အချစ်ပိုစေပါတယ်။ မိုင်ပေါင်းများစွာ ဝေးကွာတဲ့ ခရီးကြမ်းကို လျှောက်လှမ်းရာမှာ လူသားတွေတောင် ပင်ပန်းနွမ်းနယ်ကြပေမဲ့ အာလောကကတော့ ဆရာတော်တွေနားက မခွာဘဲ သစ္စာရှိရှိ လိုက်ပါလျက်ရှိပါတယ်။ သူ့ရဲ့ တည်ရှိမှုက "မေတ္တာတရားဆိုတာ လူသားတွေအတွက်သာမက သက်ရှိအားလုံးနဲ့ သက်ဆိုင်တယ်" ဆိုတဲ့အချက်ကို မီးမောင်းထိုးပြနေသလိုပါပဲ။ ဆရာတော်တွေက သူ့ကို မေတ္တာပေးသလို၊ သူကလည်း သစ္စာတရားနဲ့ ပြန်လည်တုံ့ပြန်နေတာဟာ ကြည်နူးစရာ မြင်ကွင်းတစ်ခုပါ။ အာလောကဟာ ခွေးလေးတစ်ကောင်မျှသာ ဖြစ်ပေမဲ့ ဒီငြိမ်းချမ်းရေးခရီးစဉ်မှာတော့ သူဟာ အမောပြေစေတဲ့ အဖော်မွန်ကောင်း၊ မေတ္တာတရားရဲ့ သက်ရှိပြယုဂ်တစ်ခု ဖြစ်လာခဲ့ပါပြီ။ ဆရာတော်များနဲ့အတူ လိုက်ပါရင်း ဘေးအန္တရာယ်ကင်းရှင်းပါစေကြောင်း၊ သူ့နာမည်လေးအတိုင်း ငြိမ်းချမ်းရေး အလင်းရောင်ကို သယ်ဆောင်နိုင်သူလေး ဖြစ်ပါစေကြောင်း ဆုမွန်ကောင်း တောင်းလိုက်ရပါတယ်။ ​အောင်မျိုးလွင် 5.1.2026

Aloka (အာလောက) အလင်းရောင် လို့ အမည်ရတဲ့ ခွေးလေးဟာ အမေရိကန်နိုင်ငံ Walk for Peace ခရီးစဉ် တစ်လျှောက် မှာ ဘုန်းတော်ကြီးတွေနဲ့အတူ လမ်းလျှောက်လိုက်ပါ နေ ပြီးလူတိုင်းရဲ့စိတ်နှလုံးကို စွဲဆောင် နေတယ့်ခွေးလေးတစ်ကောင်ဖြစ်ပါတယ်။ Aloka အာလောက ကို “Peace Dog” (ငြိမ်းချမ်းရေး ခွေး) လို့လည်း လူတွေ ခေါ်ကြပါတယ်။ သူဟာ အိန္ဒိယ က လမ်းဘေး ခွေး တစ်ကောင်ဖြစ်ပါတယ်။ ဘုန်းတော်ကြီးတွေနဲ့ အရင် Peace Walk တစ်ခုမှာ တွေ့ခဲ့ပြီး ကတည်းကထွက် မသွားတော့ ပဲ ဘုန်းတော်ကြီးတွေ နဲ့ အတူ သွားနေခဲ့တာ ပါ။ အခုတော့ သူဟာ အမေရိကန် တခွင် ဖခင်လို ဘုန်းတော်ကြီးတွေနဲ့ ကနေ့Walk for Peace ခရီးကို အတူတူ လျှောက်နေပါတယ်။ Walk for Peace ခရီးဟာ Fort Worth, Texas ကနေ Washington, D.C. ထိ အမေရိကန်ကို 10 ပြည်နယ်ကျော်လမ်းလျှောက် သွားတဲ့ 2,300 မိုင် လမ်းခရီးဖြစ်ပြီး ~120 ရက်ကြာ ဆက် ရမှာပါ။. ရာသီဥတုက ကြမ်းပါတယ်..ခရီးလည်းဝေးပါတယ်...လမ်းမှာ ကားတိုက်ခံရလိုက်ပါသေးတယ်.. သူ့သခင် ဘုန်းတော်ကြီး ကို မခွဲမခွာလိုက်နေတယ့်Aloka ကို လူတွေ အွန်လိုင်းပေါ်မှာ #AlokathePeaceDog. လို့ hashtag ဖြင့် ရေပန်းစားလာပြီး *မီဒီယာတွေ၊ follower အများကြီး အားပေးနေပါတယ်။ သူ့ရဲ့သွားနေပုံ၊ တစ်နေ့တစ်နေ့ လှုပ်ရှားပုံများ ကို Walk for Peace စာမျက်နှာတွင် သတင်းများအဖြစ်ထုတ်လုပ်ပါတယ်။ Aloka ရဲ့ မျက်လုံး နှစ်ဖက်ကြား နှလုံးပုံအမှတ်‌ကြောင့် လူအများ သတိထား သဘောကျ ပြီး ချစ်ခင်မှု၊ သစ္စာနှင့် ငြိမ်းချမ်းရေး သင်္ကေတ အဖြစ် သတ်မှတ်ခံထားပါတယ်။ ခရီးအတွင်း တစ်ချို့နေ့တွင် လမ်းလျှောက်၊ တစ်ချို့နေ့တွင် ယာဉ်ပေါ်တက် အနားယူ၍ ချစ်စရာ ကောင်းနေပါတယ်။ အ​လောက ဟာလမ်းမှာ ကားတိုက်ခံရလိုက်ပါသေးတယ်.. သူ့ရဲ့ အဝတ်အစားတွေ (အနီ၊ အဖြူ ချောမောလှတဲ့အဝတ်) ကြောင့်လည်း လူအများ ဆွဲဆောင်မှု တိုးတဲ့အပြင် လမ်းပေါ်မှာ “ရုပ်ရှင်မော်ဒယ်လို” လည်း ဖြစ်နေပါတယ်။ Aloka ဟာ စကားမပြောတတ်ပေမင့် ချစ်ခြင်းမေတ္တာ သစ္စာနှင့် လေးစားမှု လူတိုင်းအတွက် ငြိမ်းချမ်းရေးတောင်းဆိုမှု ကို ကိုယ်စားပြုနေတဲ့ ကြားညီ ကိုစိတ်ရင်းလက္ခဏာ တစ်ခုလို့လည်း တွေးနိုင်ပါတယ်။ Aloka ရဲ့ fb account ပါ https://www.facebook.com/share/1C4qeaXnCd/ Google

ငယ်ငယ်က ခွေးအကိုက်ခံရဖူးတော့ ကျမက ခွေး ကြောက်တဲ့ သူ ပါ။ အခုတော့ အလောက ဆိုတဲ့.. နဖူးမှာ အသည်းပုံလေးနဲ့ ခွေးလေးရဲ့ နေ့စဉ်လှုပ်ရှားမှုတွေကို ကြည့်ပြီး သူ့ကို မချစ်ပဲ၊မချီးကျူးပဲ၊ဂရုဏာမသက်ပဲ မနေနိုင်ပါ။ လှည့်လည် သွားနေတဲ့ ရဟန်းတွေနဲ့ အတူ ပင်ပန်းဆင်းရဲခံပြီး သစ္စာရှိရှိလိုက်စောင့်ရှောက်နေတဲ့ ခွေးလေး အလောကဟာ ကျမတို့လို လောဘ၊အတ္တ၊မာန များလှတဲ့ လူတွေကို မျက်မြင် လက်တွေ့သင်ပြနေတာပါပဲ။ကျေးဇူးတင်ပါတယ် အလောကရေ။ ကမ္ဘာလဲ အမြန် ငြိမ်းချမ်းပါစေ။ ဘာသာ သာသနာ ထွန်းကားပါစေ🙏 #walkforpeace2025 #AlokathePeaceDog

ဗင်နီဇွဲလားသမ္မတနှင့် ဇနီးကို ချက်ခြင်းပြန်လွှတ်ပေးသင့်ဟု တရုတ်က ပြော ၄ ဇန်နဝါရီ ၂၀၂၆ ဗင်နီဇွဲလားသမ္မတ နီကိုလတ်စ် မာဒူရိုနဲ့ ဇနီး ဖြစ်သူတို့ကို အမေရိကန်အနေနဲ့ ချက်ခြင်းပြန်လွှတ်ပေးသင့်တယ်လို့ တရုတ်နိုင်ငံခြားရေးဝန်ကြီးဌာနက ဆီလီယာ ဖလောရက်စ်တို့ကို ချက်ချင်းလွှတ်ပေးသင့်ကြောင်း တရုတ်နိုင်ငံခြားရေးဝန်ကြီးဌာနက ဇန်နဝါရီ ၄ ရက်စွဲနဲ့ သတင်းထုတ်ပြန်တောင်းဆိုထားပါတယ်။ အမေရိကန်အစိုးရအနေနဲ့ ဗင်နီဇွဲလားမှာ အစိုးရဖြုတ်ချက်ရေးအစီအစဥ်ကို ရပ်ဆိုင်းဖို့နဲ့ ဖြစ်ပေါ်နေတဲ့ ပြဿနာတွေကို ဆွေးနွေးညှိနှိုင်းမှုတွေနဲ့ပဲ အဖြေရှာဖို့ တောင်းဆိုကြောင်းလည်း ထုတ်ပြန်ချက်မှာ ဖော်ပြပါတယ်။ အမေရိကန်ရဲ့လုပ်ရပ်ဟာ နိုင်ငံတကာဥပဒေနဲ့ နိုင်ငံတကာဆက်ဆံရေး အခြေခံမူတွေကို ချိုးဖောက်တဲ့လုပ်ရပ်ဖြစ်တယ်လို့လည်း တရုတ်နိုင်ငံခြားရေးဝန်ကြီးဌာသတင်းထုတ်ပြန်ချက်မှာ ဖော်ပြထားပါတယ်။ ဗင်နီဇွဲလားသမ္မတ မာဒူရိုဟာ အမေရိကန်အထူးတပ်ဖွဲ့တွေရဲ့ ဖမ်းဆီးခြင်းမခံရခင် နာရီပိုင်းအလိုမှာ တရုတ်အစိုးရရဲ့ လက်တင် အမေရိကဆိုင်ရာ အထူးကိုယ်စားလှယ်နဲ့ သမ္မတအိမ်တော်မှာ တွေ့ဆုံ ခဲ့သလို အဆိုပါတွေ့ဆုံမှုကို ဗင်နီဇွဲလားအစိုးရရုပ်သံက တိုက်ရိုက် ထုတ်လွှင့်ပြခဲ့ပါသေးတယ်။ အဆိုပါ တွေ့ဆုံမှုဟာ မာဒူရိုအတွက် နိုင်ငံခြားဧည့်သည်တွေကို ဗင်နီဇွဲလားသမ္မတအိမ်တော်မှာ နောက်ဆုံး လက်ခံတွေ့ဆုံပွဲ ဖြစ်ခဲ့ပါတယ်။ တရုတ်ကိုယ်စားလှယ်နဲ့ သမ္မတအိမ်တော်မှာ တွေ့ဆုံ အပြီး ကာရာကတ်စ်မြို့ တော် စစ်အခြေစိုက်စခန်းထဲက လျှို့ဝှက်နေအိမ်မှာ ပြန်လည်အိပ်စက်အနားယူချိန်မှာ မာဒူရို ဖမ်းဆီးခံခဲ့ရတာဖြစ်ပါတယ်။

လွတ်ငြိမ်းချမ်းသာခွင့်နဲ့ နာမည်ကျော် မော်ဒယ် နန်းမွေစံ ပြန်လွတ်လာမှုမြင်ကွင်း #dvbtvnews #sexymodel #model #လွတ်ငြိမ်း #နန်းမွေစံ #အင်းစိန်ထောင် #Myanmar

အမေရိကန် သမ္မတထရမ့် “ဗင်နီဇွဲလားကို ယာယီစီမံအုပ်ချုပ်မည်” ဟု ကြေညာ PSM News ဇန်နဝါရီ ၄၊ ၂၀၂၆ ဗင်နီဇွဲလား သမ္မတ နီကိုလာစ် မာဒူရိုနှင့် ဇနီးဖြစ်သူ စီလီယာ ဖလိုရက်စ်တို့ကို အမေရိကန် စစ်ရေးလုပ်ဆောင်ချက်တစ်ရပ်အတွင်း ဖမ်းဆီးနိုင်ခဲ့ပြီးနောက် အမေရိကန်သမ္မတ ဒေါ်နယ်ထ် ထရမ့်က ဗင်နီဇွဲလားနိုင်ငံကို အာဏာလွှဲပြောင်းရေး အဆင်သင့်ဖြစ်လာချိန်အထိ အမေရိကန်က ယာယီ စီမံအုပ်ချုပ်သွားမည်ဟု ပြောကြားခဲ့သည်။ ဝါရှင်တန်တွင် ပြုလုပ်သည့် သတင်းစာရှင်းလင်းပွဲအတွင်း သမ္မတထရမ့်က “ဗင်နီဇွဲလားပြည်သူများအတွက် တည်ငြိမ်မှုနှင့် လုံခြုံရေးကို ပြန်လည်ရရှိစေရန် ယာယီစီမံအုပ်ချုပ်ရေး လိုအပ်နေသည်” ဟု ဆိုခဲ့သည်။ ထရမ့်က အမေရိကန်တပ်ဖွဲ့များသည် ဗင်နီဇွဲလား မြို့တော် ကာရာကာစ်အနီးရှိ စစ်ရေးအခြေစိုက်စခန်းအတွင်းမှ မာဒူရိုနှင့် ဖလိုရက်စ်တို့ကို ဖမ်းဆီးနိုင်ခဲ့ပြီး အမေရိကန်နိုင်ငံသို့ ခေါ်ဆောင်သွားပြီဖြစ်ကြောင်း အတည်ပြု ပြောကြားခဲ့သည်။ မာဒူရိုကို အမေရိကန်တရားရုံးများတွင် မူးယစ်ဆေးဝါးနှင့် ဆက်နွယ်သည့် ပြစ်မှုများဖြင့် တရားစွဲဆိုသွားမည်ဟုလည်း သိရသည်။ သမ္မတထရမ့်က လိုအပ်ပါက အမေရိကန်တပ်ဖွဲ့များကို ဗင်နီဇွဲလားအတွင်း မြေပြင်တပ်ဆင်ရေး (boots on the ground) ပြုလုပ်ရန် မကြောက်ရွံ့ကြောင်း ပြောကြားခဲ့သော်လည်း၊ အုပ်ချုပ်ရေးပုံစံနှင့် တပ်ဖွဲ့တည်နေရာများအပေါ် အသေးစိတ်ကို ထပ်မံမရှင်းလင်းခဲ့ပါ။ ထို့အပြင် ဗင်နီဇွဲလား၏ ရေနံလုပ်ငန်းကို ပြန်လည်ဖွံ့ဖြိုးစေရန် အမေရိကန်ဘက်မှ စီမံခန့်ခွဲရေးအဖွဲ့များ ချထားသွားမည်ဖြစ်ကြောင်းလည်း ထရမ့်က ထုတ်ဖော်ပြောကြားခဲ့သည်။ အမေရိကန်၏ လုပ်ဆောင်ချက်ကြောင့် ဗင်နီဇွဲလားအတွင်း သေဆုံးသူများရှိကြောင်း ဒေသခံအာဏာပိုင်များက ပြောဆိုထားသော်လည်း၊ အရေအတွက် အတိအကျကို မသိရသေးပါ။ နိုင်ငံတကာအသိုင်းအဝိုင်းအတွင်းတွင်လည်း အမေရိကန်၏ စစ်ရေးနှင့် အချုပ်အခြာအာဏာ ချိုးဖောက်မှုဆိုင်ရာ အငြင်းပွားမှုများ မြင့်တက်လာနေသည်။ ဗင်နီဇွဲလား၏ အနာဂတ်အုပ်ချုပ်ရေး ပုံစံနှင့် ဒေသတွင်းနိုင်ငံများအပေါ် သက်ရောက်လာနိုင်သည့် အကျိုးဆက်များကို ဆက်လက် စောင့်ကြည့်ရမည်ဖြစ်သည်။ ယင်းဖြစ်ရပ်နှင့် ပတ်သက်၍ အမေရိကန်ဘက်မှ သတင်းထုတ်ပြန်ချက်များ ဆက်တိုက် ထွက်ပေါ်နေသော်လည်း ဗင်နီဇွဲလားအစိုးရဘက်မှ သမ္မတ မာဒူရို၏ လက်ရှိအခြေအနေ၊ ဖမ်းဆီးခံထားရမှုနှင့် သေဆုံးသူ အရေအတွက်များကို တရားဝင် အတည်ပြုခြင်း မရှိသေးပါ။ နိုင်ငံတကာ မီဒီယာများကလည်း အချက်အလက်များကို သီးခြားစီ စစ်ဆေးအတည်ပြုနေဆဲဖြစ်သဖြင့် ယင်းကိစ္စနှင့် ပတ်သက်သည့် အသေးစိတ်အချက်အလက်များကို ဆက်လက် စောင့်ကြည့်ရမည် ဖြစ်သည်။ ကိုးကား - AP News #သတင်းစာရှင်းလင်းပွဲ #ဗင်နီဇွဲလား_သမ္မတ #ဖမ်းဆီး #အမေရိကန် #ယာယီစီမံအုပ်ချုပ် #PSM_News

နောက်ထပ် ၇၂ နာရီ- ကမ္ဘာ့အစီအစဉ်သစ်အတွက် အဆုံးအဖြတ်ပေးမယ့် အချိန်လား? ကမ္ဘာကြီးကအခု အရမ်းကိုအရေးကြီးတဲ့ အလှည့်အပြောင်းတစ်ခုထဲ ရောက်နေပါပြီ။ တကယ်လို့ အမေရိကန်က ကမ္ဘာ့ရေနံအများဆုံးထွက်တဲ့ ဗင်နီဇွဲလား ကိုသာ စိတ်ကြိုက်ထိန်းချုပ်နိုင်သွားမယ်ဆိုရင် ကမ္ဘာ့အာဏာချိန်ခွင်လျှာက အကြီးအကျယ် ပြောင်းလဲသွားမှာပါ။ ဒါက ဒီမိုကရေစီရေး ဒါမှမဟုတ် လူ့အခွင့်အရေးထက်စာရင် စွမ်းအင်နဲ့ ကမ္ဘာ့ကုန်သွယ်ရေး ကို ဘယ်သူကြီးစိုးမလဲဆိုတဲ့ တိုက်ပွဲပဲ ဖြစ်ပါတယ်။ အီရန်ဟာ နောက်ထပ်ပစ်မှတ် ဖြစ်လာနိုင်တယ် ဗင်နီဇွဲလားရဲ့ ရေနံကို အမေရိကန်က ထိန်းချုပ်လိုက်နိုင်ရင် ပင်လယ်ကွေ့နိုင်ငံတွေအပေါ် မှီခိုနေရတာကို လျှော့ချနိုင်သွားမယ်။ ဒါဆိုရင် -အီရန်နဲ့ စစ်ဖြစ်လာရင်ပဲဖြစ်ဖြစ်၊ ပါရှန်ပင်လယ်ကွေ့မှာ ရေနံလမ်းကြောင်း ပြတ်တောက်သွားရင်ပဲဖြစ်ဖြစ် အမေရိကန်အတွက် အထိနာမှာ မဟုတ်တော့ဘူး။စစ်ရေးအရ ဖိအားပေးဖို့ အမေရိကန်အတွက် ပိုပြီး လက်ရဲဇက်ရဲ ရှိလာစေမှာပါ။ ရေနံစီးဆင်းမှုကို ထိန်းချုပ်နိုင်တာဟာ ရေနံဈေးနှုန်းကို လွှမ်းမိုးနိုင်တာဖြစ်သလို၊ အမေရိကန်ဒေါ်လာနဲ့ပဲ ရေနံရောင်းဝယ်တဲ့စနစ် (Petrodollar) ကို ကာကွယ်ပြီး သူတို့ရဲ့ ဘဏ္ဍာရေးအာဏာကို ဆက်ထိန်းထားနိုင်မှာပါ။ စီးပွားရေးပိတ်ဆို့မှုနဲ့ စစ်ရေးဖိအားတွေ သုံးပြီး နိုင်ငံတစ်နိုင်ငံကို သူတို့အလိုကျ ဘယ်လိုပုံဖော်လို့ရလဲဆိုတာ ကမ္ဘာကို ပြလိုက်သလို ဖြစ်သွားပါလိမ့်မယ်။ တကယ်လို့ ဗင်နီဇွဲလားမှာ အမေရိကန်က ရေရှည် ခုခံမှုတွေနဲ့ ကြုံရမယ်ဆိုရင် - * သူတို့ရဲ့ ငွေကြေးနဲ့ စစ်အင်အားတွေ အများကြီး ကုန်ဆုံးသွားမယ်။ * အရှေ့အလယ်ပိုင်းမှာ အာဏာပြနိုင်စွမ်း လျော့နည်းသွားမယ်။ * အမေရိကန်ရဲ့ မဟာမိတ် အစ္စရေးရဲ့ မဟာဗျူဟာအစီအစဉ်တွေကိုပါ ထိခိုက်လာနိုင်ပါတယ်။ 🔚 အနှစ်ချုပ် သုံးသပ်ချက် ကာရာကတ်စ် (ဗင်နီဇွဲလားမြို့တော်) မှာ ဖြစ်ပျက်သမျှဟာ လက်တင်အမေရိကမှာတင် ပြီးသွားမှာမဟုတ်ပါဘူး။ ဒါဟာ ကမ္ဘာ့စွမ်းအင်ထိန်းချုပ်မှု၊ အမေရိကန်ရဲ့ အာဏာ အတိုင်းအတာနဲ့ နောက်ထပ်ဖြစ်လာမယ့်နိုင်ငံရေး တိုက်ပွဲတွေရဲ့ လားရာကို အဆုံးအဖြတ် ပေးသွားမှာပါ။ တကယ်တော့ အမေရိကန်ဟာ ထိုင်ဝမ်အတွက် တိုက်ပွဲကို ပုံစံတစ်မျိုးနဲ့ စတင်နေပြီလို့ ဆိုရမှာပါ။ ဗင်နီဇွဲလားရဲ့ ရေနံအများစုက တရုတ်ကို သွားနေတာပါ။ အမေရိကန်ကသာ ထိန်းချုပ်လိုက်ရင် တရုတ်ရဲ့ စွမ်းအင်ရရှိမှုကို ချက်ချင်း အဟန့်အတား ဖြစ်စေမှာပါ။ပင်လယ်နီ သင်္ဘောလမ်းကြောင်းကို ပိတ်ဆို့ခြင်း Somaliland နဲ့ South Yemen လို အဖွဲ့အစည်းတွေကို ထောက်ခံအားပေးတာဟာ ပင်လယ်နီကနေတစ်ဆင့် တရုတ်ရဲ့ သွင်းကုန်ထုတ်ကုန် လမ်းကြောင်းတွေကို ပိတ်ဆို့ဖို့ ရည်ရွယ်တာ ဖြစ်ပါတယ်။ ဒီအစီအစဉ်တွေအရ နောက်ထပ်ပစ်မှတ်ကတော့ အာရေဗျပင်လယ်ကွေ့ ဖြစ်လာနိုင်တယ်လို့ ခန့်မှန်းရပါတယ်။ ⚠️ တတိယကမ္ဘာစစ် (WW3) ဟာ လက်တွေ့မှာ အမေရိကန်က စတင်နေပြီလို့ ယူဆနိုင်ပါတယ်။အခု တစ်ကမ္ဘာလုံးက တရုတ်က ဘယ်လို တုံ့ပြန်မလဲဆိုတာကို အသက်ရှူအောင့်ပြီး စောင့်ကြည့်နေကြရပါပြီ။ အားလုံးပဲ ဒီလို ကမ္ဘာ့အခြေအနေ မတည်ငြိမ်တဲ့ကာလမှာ ဘေးကင်းအောင် ဂရုစိုက်ကြပါဦး Crd

"နဂါးနဲ့ ဝက်ဝံ ဘာဆက်လုပ်မလဲ? မာဒူရို မရှိတော့တဲ့နောက် အင်အားကြီးနိုင်ငံတွေရဲ့ စစ်တုရင်ပွဲ" ဗင်နီဇွဲလားသမ္မတ မာဒူရိုကို အမေရိကန်က ဝင်ရောက်ဖမ်းဆီးလိုက်တဲ့ ဖြစ်ရပ်ဟာ ကမ္ဘာ့နိုင်ငံရေး စားပွဲဝိုင်းကို မှောက်ချလိုက်သလို ဖြစ်သွားစေပါတယ်။ မာဒူရိုရဲ့ အဓိက ကျောထောက်နောက်ခံတွေဖြစ်တဲ့ ဝက်ဝံ နဲ့ အာရှနဂါး တို့အတွက် ဒါဟာ ကြီးမားတဲ့ ထိုးနှက်ချက်တစ်ခုပါ။ သူတို့ရဲ့ "မဟာမိတ်" တစ်ယောက် ရန်သူ့လက်ထဲ ပါသွားတဲ့အချိန်မှာ ဒီအင်အားကြီးနှစ်နိုင်ငံ ဘာဆက်လုပ်မလဲ။ စစ်ရေးအရ တုံ့ပြန်မလား၊ ငြိမ်ခံနေမလား ဆိုတာက စိတ်ဝင်စားဖို့ကောင်းပါတယ်။ ဒီဖြစ်ရပ်ဟာ အသစ်အဆန်း မဟုတ်ပါဘူး။ ၁၉၈၉ ခုနှစ်တုန်းကလည်း အမေရိကန်ဟာ ပနားမားနိုင်ငံ သမ္မတ "နိုရီဂါ" ကို မူးယစ်ဆေးမှုနဲ့ပဲ စွပ်စွဲပြီး ဝင်ရောက်ဖမ်းဆီးခဲ့ဖူးပါတယ်။ အမေရိကန်ရဲ့ သမိုင်းမှာ စစ်ရေးအရ ဝင်ရောက်စွက်ဖက်တဲ့ နိုင်ငံတော်တော်များများက ရေနံထွက်တဲ့ နိုင်ငံတွေ ဖြစ်နေလေ့ရှိပါတယ်။ ရုရှားသမ္မတ ပူတင်အတွက်တော့ ဒါဟာ စစ်ရေးနဲ့ ဂုဏ်သိက္ခာပိုင်းဆိုင်ရာ ရှုံးနိမ့်မှုတစ်ခုလို့ ပြောလို့ရပါတယ်။ ဒါပေမဲ့ ရုရှားမှာ ရွေးချယ်စရာ နည်းလမ်း သိပ်မရှိပါဘူး။ လက်ရှိရုရှားဟာ ယူကရိန်းစစ်ပွဲမှာ အင်အားအလုံးအရင်း သုံးစွဲနေရတာ ဖြစ်ပါတယ်။ ကမ္ဘာ့တစ်ဖက်ခြမ်းက ဗင်နီဇွဲလားအထိ စစ်သင်္ဘောတွေ လွှတ်ပြီး အမေရိကန်ကို ယှဉ်တိုက်ဖို့ဆိုတာ မဖြစ်နိုင်ပါဘူး။ ပူတင်အနေနဲ့ ကုလသမဂ္ဂလုံခြုံရေးကောင်စီမှာ ဗီတိုအာဏာသုံးပြီး ကန့်ကွက်တာ၊ အမေရိကန်ကို "ကျူးကျော်သူ" အဖြစ် နိုင်ငံတကာမှာ ဝါဒဖြန့်တာလောက်ပဲ လုပ်နိုင်ဖွယ် ရှိပါတယ်။ ရုရှားအနေနဲ့ ဗင်နီဇွဲလားမှာ ဆုံးရှုံးသွားတဲ့ ခြေကုပ်ကို အစားပြန်ရဖို့ ကျူးဘား (Cuba) လို နိုင်ငံမျိုးမှာ စစ်ရေးလှုပ်ရှားမှုတွေ ပိုလုပ်လာနိုင်ပါတယ်။ တရုတ်နိုင်ငံအတွက်တော့ "ဂုဏ်သိက္ခာ" ထက် "ပိုက်ဆံ" က ပိုအရေးကြီးပါတယ်။ တရုတ်ဟာ ဗင်နီဇွဲလားကို ဒေါ်လာ ဘီလီယံ (၆၀) ကျော် ထုတ်ချေးထားတာပါ။ အမေရိကန်ကျောထောက်နောက်ခံပြုတဲ့ အစိုးရသစ်တက်လာရင် "မာဒူရို ချေးခဲ့တဲ့ကြွေးတွေဟာ တရားမဝင်ဘူး၊ ပြန်မဆပ်နိုင်ဘူး" လို့ ငြင်းလိုက်မှာကို တရုတ်က အကြောက်ဆုံးပါပဲ။ တရုတ်ဟာ အမေရိကန်ကို စစ်ရေးအရ စိန်ခေါ်တာထက်၊ သူ့ပိုက်ဆံပြန်ရဖို့အတွက် နောက်ကွယ်ကနေ ညှိနှိုင်းမှု တွေ လုပ်ဆောင်လာနိုင်ပါတယ်။ တရုတ်ရဲ့ ပုံစံက "ဘယ်သူတက်တက် ကိုယ့်စီးပွားရေး မထိခိုက်ရင် ပြီးရော" ဆိုတဲ့ လက်တွေ့ဝါဒ (Pragmatism) ကို ကျင့်သုံးလေ့ရှိပါတယ်။ စာဖတ်သူကောဘယ်လိုမြင်ပါသလဲ?

[ ဘုရားရှိခိုးတဲ့အခါ ] ~~~~~~~~~~~~~~ ကမ္ဘာပေါ်မှာ ခရစ်ယာန်၊ အစ္စလမ်၊ ဗုဒ္ဓဘာသာနဲ့ ဟိန္ဒူဘာသာရယ်လို့ ဘာသာကြီးလေးခုရှိပါတယ်။ ဒီဘာသာကြီးလေးခုမှာ ကိုယ်ယုံကြည်၊ကိုးကွယ်တဲ့ဘုရားကို ကိုယ့်နည်းကိုယ့်ဟန်နဲ့ ရှိခိုးကြပါတယ်။ ဗုဒ္ဓဘာသာဝင် တို့ဒကာ၊ ဒကာမတွေလည်း ဘုရားဖြစ်ကြတယ်။ ဘုရားရှိတဲ့အခါ သိထားသင့်တဲ့ အချက် (၅)ချက်ကို မျှဝေချင်ပါတယ်။ အော်။ အရှင်ဘုရားရယ် ဘုရားခိုးတာပဲ အချက် (၅)တောင် သိဖို့လိုပါသလားလို့ မေးစရာရှိတာပေါ့။ ထေရဝါဒ ဗုဒ္ဓဘာသာဝင်တွေအဖို့တော့ မဖြစ်မနေ သိထားရမည့်အချက်မဟုတ်သည့်တိုင်အောင်၊ သိသင့်သိထိုက်တဲ့အချက်တွေဖြစ်ပါတယ်။ နံပါတ် (၁) အနေနဲ့၊ ဘုရား၊ တရား၊ သံဃာ၊ မိဘ၊ ဆရာတို့ကို အရင်ရှိခိုးဦးချကန်တော့ပါ။ နံပါတ် (၂) အနေနဲ့က အပါယ်ဖျက်ရပါတယ်။ ဒီအချက်က လူတိုင်းသိတာမျိုးမဟုတ်ပါဘူး။ အပါယ်ဖျက်တာက ဘယ်လိုမျိုးလဲဘုရား။ ဘယ်လိုဖျက်ရမလဲဘုရားဆိုရင်တော့၊ “ယခုဘဝ၊ ဘဝအဆက်ဆက်က တော်စပ်ခဲ့ကြသော မိဘ ဘိုးဘွားများ၊ ဆရာသမားများ၊ မပြစ်များသင့်တဲ့ ပုဂ္ဂိုလ်တွေကို ပြစ်မှားမိသည်ရှိသော် ရှိခိုးဝန်ချတောင်းပန်ပါ၏” လို့ ရှိခိုးတောင်းပန်ရင် လောလောဆယ် ပိတ်နေတဲ့ လာဘ်တွေပွင့်မယ်။ တောင်းပန်ရင်ဘာကြောင့်ကျေအေးလဲ? လို့ မေးစရာတစ်ခုတိုးလာတယ်။ နားလည်အောင်ပြောပြရရင်၊ မင်းသားကြီးကျော်ဟိန်း ရိုက်ထားတဲ့ “ဒေါင်းယောင်ဆောင်သောကျီး” ဇာတ်ကားမှာလိုပါပဲ၊ ရဟန္တာကို ပြစ်မှားလို့ ယောက်ျားကနေ မိန်းမအဖြစ်ပြောင်းသွားတာလေ။ မိန်းမဖြစ်တဲ့ဘဝမှာပဲ ရဟန္တာကိုတောင်းပန်လိုက်တော့ ယောက်ျားပြန်ဖြစ်သွားတယ်။ ဒီမှာ ပြောချင်တာက အဲဒီယောက်ျားပြစ်မှားတာကို ရဟန္တာတောင် မသိလိုက်ဘူး။ မနောကံလို့ခေါ်တဲ့ စိတ်ထဲကနေပဲ ပြစ်မှားမိတာပါ။ ဒါကြောင့် ကိုယ်က သိလို့ပဲဖြစ်စေ၊ မသိလို့ပဲဖြစ်စေ၊ ကာယကံ၊ ဝစီကံ၊ မနောကံ၊ ကံတစ်ခုခုနဲ့ ပြစ်မှားမိတာကို တောင်းပန်ရပါမယ်။ နံပါတ် (၃)က မိမိကိုယ်ကို မေတ္တာပို့ပါ။ ထေရဝါဒ ဗုဒ္ဓဘာသာဝင်တွေဖြစ်တဲ့ တို့ဒကာ၊ ဒကာမတွေ ကျန်းမာ၊ ချမ်းသာပါမှ၊ ဘုရားအလုပ် လုပ်နိုင်မယ်။ တရားအလုပ် လုပ်နိုင်မယ်။ အူမတောင့်မှ သီလ စောင့်နိုင်မယ် မဟုတ်လား။ နံပါတ် (၄) က တို့ဒကာ၊ ဒကာမတွေ လုပ်နေကျအတိုင်း ပုတီးစိပ်၊ ဘုရားစာရွတ်၊ မေတ္တာပွားပါ။ နံပါတ် (၅)က သစ္စာဆို အမျှဝေပါ။ ဒီနောက်ဆုံးအချက်က တို့ဒကာ၊ ဒကာမတို့ ပြုလုပ်လိုက်တဲ့ ကုသိုလ်ကောင်းမှုတိုင်းကို သစ္စာဆို အမျှဝေရပါတယ်။ ဥပမာ- ဘုရားပန်းလှူတာဖြစ်ဖြစ်၊ တိရစ္ဆာန်တွေကို အစာကျွေးတာဖြစ်ဖြစ် အလှူ သို့မဟုတ် ကောင်းမှုလုပ်တိုင်းလုပ်တိုင်းမှာ သစ္စာဆို အမျှဝေလို့ရပါတယ်။ ဘယ်လိုသစ္စာဆို အမျှဝေရမလဲဆိုတော့၊ တို့ဒကာ၊ ဒကာမတွေ ဘုရားပန်းကပ်တဲ့အခါ၊ ဘုရားတပြည့်တော်( ကျွန်တော်၊ ကျွန်မလို့ သုံးလည်းရပါတယ်။) ဘုရားပန်းကပ်လှူပါတယ်။ ဒီဘုရားပန်း ကပ်လှူတာ မှန်ပါတယ်ဆိုတာကို သစ္စာဆိုပါတယ်။ ဒီသစ္စာစကားမှန်ကန်ပါက ဘုရားပန်းကပ်လှူရတဲ့ ကုသိုလ်ကောင်းမှုကို အထက်ဘဝဂ် အောက်အဝီစိအထိ သုံးဆယ့်တစ်ဘုံ ကျင်လည်နေကြတဲ့ သုခိတ၊ ဒုက္ခိတ သတ္တဝါအပေါင်းတို့အား အမျှဝေပါ။ လို့ အမျှပေးဝေလိုက်ပါ။ ထေရဝါဒ ဗုဒ္ဓဘာသာဝင်တွေဝင်တွေဖြစ်တဲ့ တို့ဒကာ၊ ဒကာမတွေ ဘုရားရှိခိုးတဲ့အခါ ဒီအချက် (၅)ချက်နဲ့ ကန်တော့တတ်ကြစေဖို့ မျှဝေပေးလိုက်ပါတယ်။ ဒီနေ့ကစလို့ ဒီငါးချက်နဲ့ ဘုရားရှိခိုးကြလိမ့်မယ်လို့မျှော်လင့်ပါတယ်။ #ဓမ္မရသ #အားလုံးကျန်းမာ_ဘေးရန်ကွာ_ချမ်းသာကြပါစေ။ #အားလုံးကျန်းမာ_ဘေးရန်ကွာ_ဝမ်းသာကြပါစေ။

ခေါင်းမူးပြီး မိုက်ခနဲဖြစ်သွားရင် ဒါကို ချက်ချင်းလုပ်ပါ ............................ လမ်းလျှောက်နေရင်းပဲဖြစ်ဖြစ်၊ ထိုင်ရာကနေ ထလိုက်တာပဲဖြစ်ဖြစ် ရုတ်တရက် ခေါင်းမူးပြီး မျက်စိရှေ့မှာ မိုက်ခနဲဖြစ်သွားတာ (Blackout) မျိုး ကြုံဖူးပါသလား? ဒါဟာ ဦးနှောက်ဆီကို သွေးစီးဆင်းမှု ခဏတာ လျော့နည်းသွားလို့ ဖြစ်ရတာပါ။ ဒီလိုဖြစ်လာရင် လဲကျပြီး ခေါင်းထိခိုက်တာမျိုး မဖြစ်ရအောင် အောက်ပါအချက်တွေကို ချက်ချင်း လုပ်ဆောင်ရပါမယ်။ (၁) လုပ်လက်စ အလုပ်ကို ရပ်ပြီး ချက်ချင်း ထိုင်ချလိုက်ပါ အဓိကအချက်: မိုက်ခနဲ ဖြစ်တာနဲ့ "ခဏနေ သက်သာသွားမှာပါ" ဆိုပြီး ဆက်မလျှောက်ပါနဲ့။ ဘေးနားမှာ ဘာမှမရှိရင်တောင် ကြမ်းပြင်ပေါ်မှာ ချက်ချင်း ထိုင်ချလိုက်ပါ သို့မဟုတ် လှဲချလိုက်ပါ။ ရည်ရွယ်ချက်: မတော်တဆ လဲကျပြီး ဦးခေါင်းနဲ့ ခန္ဓာကိုယ် ထိခိုက်ဒဏ်ရာရတာကို ကာကွယ်ဖို့ပါ။ (၂) ခြေထောက်ကို မြှင့်ထားပါ (လှဲနေမယ်ဆိုရင်) လုပ်ဆောင်ရန်: အကယ်၍ လှဲချလိုက်တယ်ဆိုရင် ခြေထောက်အောက်ကို ခေါင်းအုံး (သို့မဟုတ်) တစ်ခုခုခံပြီး ခန္ဓာကိုယ်ထက် မြင့်အောင် မြှင့်ထားလိုက်ပါ။ ရည်ရွယ်ချက်: ခြေထောက်ဘက်ရောက်နေတဲ့ သွေးတွေက နှလုံးနဲ့ ဦးနှောက်ဆီကို ပြန်စီးဆင်းလာပြီး ခေါင်းမူးတာကို မြန်မြန် သက်သာစေပါတယ်။ (၃) ကြပ်နေတဲ့ အဝတ်အစားတွေကို လျှော့ပါ လုပ်ဆောင်ရန်: ကော်လာကြယ်သီး တပ်ထားရင် ဖြုတ်လိုက်ပါ။ ခါးပတ် (Belt) ပတ်ထားရင် လျှော့လိုက်ပါ။ လည်စည်း (Tie) ကို ဖြေလိုက်ပါ။ ရည်ရွယ်ချက်: အသက်ရှူရ လွယ်ကူစေဖို့နဲ့ သွေးလှည့်ပတ်မှု ကောင်းစေဖို့ ဖြစ်ပါတယ်။ (၄) လေကောင်းလေသန့် ရပါစေ လုပ်ဆောင်ရန်: လူအုပ်ကြားထဲမှာဆိုရင် လူခွဲခိုင်းပါ။ ပြတင်းပေါက်တွေ ဖွင့်ထားပါ။ ယပ်ခတ်ပေးပါ။ (၅) သတိပြန်လည်လာရင် ရေ သို့မဟုတ် ဓာတ်ဆားရည် တိုက်ပါ လုပ်ဆောင်ရန်: လူက သတိကောင်းကောင်းရပြီဆိုမှ ရေအေးအေးလေး သို့မဟုတ် ဓာတ်ဆားရည်ကို ဖြည်းဖြည်းချင်း သောက်ပါ။ သတိပေးချက်: သတိမကောင်းတကောင်း ဖြစ်နေချိန်မှာ ရေအတင်းတိုက်ရင် သီးပြီး အသက်ရှူလမ်းကြောင်း ပိတ်သွားနိုင်လို့ သတိပြုပါ။ ရှောင်ကြဉ်ရမည့် အချက်များ ------------------- ချက်ချင်း ပြန်မထပါနဲ့: သက်သာသလို ရှိသွားရင်တောင် ချက်ချင်း ဝုန်းခနဲ ပြန်မထပါနဲ့။ ဖြည်းဖြည်းချင်း အရင်ထိုင်ပါ၊ ပြီးမှ မတ်တတ်ရပ်ပါ။ ကား/ဆိုင်ကယ် ဆက်မမောင်းပါနဲ့: ခေါင်းမူးနေတုန်း ယာဉ်ယန္တရား မောင်းနှင်ခြင်းကို လုံးဝ ရှောင်ကြဉ်ပါ။ ဘယ်အချိန်မှာ ဆေးရုံ/ဆေးခန်း သွားသင့်လဲ? (Red Flags) ------------------------ သာမန် ခေါင်းမူးတာမဟုတ်ဘဲ အောက်ပါလက္ခဏာတွေ တွဲရှိနေရင် အရေးပေါ် ကုသမှု ခံယူရပါမယ်။ ✅ရင်ဘတ်ပါ အောင့်လာလျှင် (နှလုံးပြဿနာ ဖြစ်နိုင်သည်)။ ✅စကားပြောရ လေးလံလာလျှင်၊ မျက်နှာရွဲ့သွားလျှင် (လေဖြတ် လက္ခဏာ ဖြစ်နိုင်သည်)။ ✅ရင်တုန်တာ အရမ်းမြန်နေလျှင်။ ✅ခေါင်းကိုက်တာ အရမ်းပြင်းထန်လာလျှင်။ ✅မကြာခဏ မေ့လဲချင်သလို ဖြစ်နေလျှင်။ "သာမန် ပင်ပန်းလို့၊ အိပ်ရေးပျက်လို့ မူးတာဆိုရင် ခဏနားလိုက်ရင် သက်သာသွားနိုင်ပါတယ်။ ဒါပေမယ့် အထက်ပါ လက္ခဏာတွေ ပါလာရင်တော့ 'ခဏနေ သက်သာမှာပါ' ဆိုပြီး လုံးဝ အချိန်မဆွဲပါနဲ့ နီးစပ်ရာ ဆေးရုံကို ချက်ချင်းသွားပါ။" ဒေါက်တာခန့် (Dr နေလင်းအောင်) M.B.,B.S (Mdy), M.Med.Sc (Int.Med) MRCP (UK), MRCPE, FRCP (Glasg) Consultant physician အထူးကုသမားတော် #drkhant #blackout #dizziness #Myanmarhealth

ဗင်နီဇွဲလားက စီအိုင်အေလျှို့ဝှက်စစ်ဆင်ရေးတွေ ဘယ်ဆီဦးတည်နေလဲ ■ ၂၀၂၅ ခုနှစ် အောက်တိုဘာလ မှာ Connect Burma က ဖော်ပြခဲ့တဲ့ ဆောင်းပါးကို ပြန်လည်ဖော်ပြခြင်းဖြစ်ပါတယ်။ (ဘာသာပြန်ဆောင်းပါး) ဗင်နီဇွဲလားနိုင်ငံအတွင်းမှာ စီအိုင်အေလျှို့ဝှက်စစ်ဆင်ရေးတွေ လုပ်ဆောင်ခွင့်ပြုထားတယ်လို့ အမေရိကန်သမ္မတ ဒေါ်နယ်ထရမ့်က ပြီးခဲ့တဲ့ဗုဒ္ဓဟူးနေ့မှာ အတည်ပြုလိုက်ပါတယ်။ ဗင်နီဇွဲလားနဲ့ ပတ်သက်ပြီး လက်ရှိသမ္မတ နီကိုလပ်စ် မာဒူရိုကို ရာထူးက ဖယ်ရှားရေးအတွက် အမေရိကန်အာဏာပိုင်တွေရဲ့ မဟာဗျူဟာမြောက် ကြံစည်နေမှုကို New York Times က စတင်ဖွင့်ချခဲ့တာပါ။ မကြာသေးမီ သီတင်းပတ်တွေအတွင်း ကာရေဘီယံပင်လယ်ပြင်က ဗင်နီဇွဲလားပိုင် သင်္ဘောတွေကို အမေရိကန်က အကြိမ်ကြိမ် ပစ်ခတ်တိုက်ခိုက်ခဲ့ပြီးနောက် ထရမ့်က အဆိုပါ ရေပြင်မှာ အမေရိကန် စစ်အင်အား တိုးချဲ့ထားဖို့ အမိန့်ပေးခဲ့ပါတယ်။ အဲဒီနောက် နှစ်ဖက်စစ်ရေး တင်းမာနေချိန်မှာ ဗင်နီဇွဲလားနယ်မြေကိုပါ မြေပြင်တိုက်ခိုက်မှု စတင်ပြုလုပ်ဖို့ စဥ်းစားနေတယ်လို့ ထရမ့်က ပြောခဲ့ပါတယ်။ မာရူဒိုဘက်ကတော့ ဗုဒ္ဓဟူးနေ့ညက နိုင်ငံပိုင်ရုပ်သံကတဆင့် အခြေအနေတွေကို ဒီထက်ပို တင်းမာမလာအောင် ထိန်းထိန်းသိမ်းသိမ်း လုပ်ကိုင်ကြဖို့ ထည့်သွင်းပြောကြားသွားပါတယ်။ “အရှက်တကွဲ ကျဆုံးခဲ့တဲ့ အာဖဂန်နစ္စတန်၊ အီရတ်၊ လစ်ဗျားက စစ်ပွဲတွေကို ပြန်လည်အမှတ်ရစေမယ့် အုပ်ချုပ်ရေးစနစ်တွေကို ငြင်းဆိုပါတယ်။ စီအိုင်အေက အာဏာသိမ်းဖို့ ကြိုးပမ်းတာကို ငြင်းဆန်ပါတယ်။ လက်တင်အမေရိက က သူတို့ကို မလိုချင်ဘူး၊ မလိုအပ်ဘူး၊ သူတို့ကို ငြင်းပယ်ပါတယ်” လို့ ထရမ့်ရဲ့ ကြေညာချက်နဲ့ ပတ်သက်ပြီး ပြန်လည်ချေပခဲ့ပါတယ်။ ကြာသပတေးနေ့မှာလည်း ကာရေဘီယံရေပြင်က ဗင်နီဇွဲလား သင်္ဘောတစ်စင်းကို ပစ်ခတ်တိုက်ခိုက်ခဲ့တယ်လို့ အမေရိကန်အစိုးရက ထပ်မံ ကြေညာခဲ့ပါတယ်။ ဆိုတော့ ဒီလိုအခြေအနေတွေအရ ထရမ့်အနေနဲ့ ဘာဆက်လုပ်ဖို့ စီစဥ်နေတာလဲ။ သူ့လုပ်ရပ်တွေဟာ တရားဝင်ပါသလား။ ဗင်နီဇွဲလားက ဘယ်လို တုံ့ပြန်ခဲ့ပါသလဲ။ လက်တင်အမေရိကမှာ စီအိုင်အေရဲ့ လျှို့ဝှက်စစ်ဆင်ရေးပုံစံတွေ ဘယ်လိုရှိခဲ့တယ်ဆိုတဲ့ သမိုင်းကြောင်းက လက်ရှိ ကျွန်ုပ်တို့ကို ဘာတွေပြောနေသလဲ....စတာတွေနဲ့ ပတ်သက်ပြီး ဆွေးနွေးသွားပါမယ်။ ■ ထရမ့်က ဘာတွေ ကြေညာခဲ့သလဲ “စီအိုင်အေကို ဗင်နီဇွဲလားထဲ ဝင်ဖို့ ဘာကြောင့် ခွင့်ပြုခဲ့တာလဲ” လို့ သတင်းထောက်တစ်ဦးက အိမ်ဖြူတော် သတင်းစာရှင်းလင်းပွဲမှာ ထရမ့်ကို မေးပါတယ်။ ထရမ့်က အခုလို ပြန်ဖြေပါတယ်။ “တကယ်တော့ အကြောင်းအရင်း နှစ်ခုကြောင့် ခွင့်ပြုခဲ့တာပါ။ ပထမ အချက်က သူတို့ [ဗင်နီဇွဲလား] က သူတို့ရဲ့ အကျဉ်းထောင်တွေကို အမေရိကန်ပြည်ထောင်စုထဲ ထုတ်လွှတ်လိုက်လို့ပါ။ နောက်တစ်ချက်ကတော့ မူးယစ်ဆေးဝါး ပါ။ ဗင်နီဇွဲလားကနေ မူးယစ်ဆေးဝါး အများကြီး ဝင်လာနေတယ်။ ဗင်နီဇွဲလားက မူးယစ်ဆေးဝါး အများစုက ပင်လယ်ကနေ ဝင်လာတာ၊ အဲဒါကို မင်းတို့ မြင်ရမှာပဲ၊ ဒါပေမဲ့ မြေပြင်ကနေလည်း ရပ်တန့်သွားအောင် လုပ်တော့မှာပါ” လို့ ပြောခဲ့ပါတယ်။ အဲ့ဒီနောက် “စီအိုင်အေမှာ မာဒူရိုကို အာဏာကနေ ဖယ်ရှားပိုင်ခွင့်ရှိလား” ဆိုတဲ့မေးခွန်းကိုတော့ ထရမ့်က “အိုး...အဲဒီလိုမေးခွန်းကို ငါမဖြေချင်ဘူး။ ဒါက ငါ့အတွက် မေးဖို့ မသင့်တဲ့ မေးခွန်းပဲ။ အင်း...တကယ်တော့ မသင့်တော်တဲ့ မေးခွန်းတော့လည်း မဟုတ်ဘူး၊ ဒါပေမဲ့ ငါဖြေဖို့ မသင့်တော်တဲ့ မေးခွန်းပဲ။ ဒါပေမဲ့ အခုဆိုရင် ဗင်နီဇွဲလားက ဖိအားတွေ ခံစားနေရပြီလို့ ငါထင်တယ်” လို့ ဝေ့လည်ကြောင်ပတ် ဖြေပါတယ်။ ■ အမေရိကန်က ဘယ်လို စစ်ဆင်ရေးတွေ လုပ်ဆောင်ပြီးပြီလဲ။ မူးယစ်ဆေးဝါး မှောင်ခိုမှုမှာ ပါဝင်နေတယ်လို့ စွပ်စွဲပြီး ဗင်နီဇွဲလားရေပိုင်နက်ရှိ သင်္ဘောတွေကို ခြောက်ကြိမ် တိုင်အောင် အမေရိကန်ဘက်က ပစ်ခတ်တိုက်ခိုက်ခဲ့ပါတယ်။ အဆိုပါ စစ်ဆင်ရေးတွေကြောင့် အနည်းဆုံး (၂၇) ဦး သေဆုံးခဲ့တယ်လို့ သတင်းတွေမှာ ဖော်ပြထားပါတယ်။ အဆိုပါ စစ်ဆင်ရေး (၆) ခုက... - စက်တင်ဘာ ၂ ရက်။ ။ အမေရိကန်ရဲ့ ပထမဆုံး တိုက်ခိုက်မှုဖြစ်ပြီး လူ ၁၁ ဦး သေဆုံးခဲ့ပါတယ်။ - စက်တင်ဘာ ၁၅ ရက်။ ။ အမေရိကန်ရဲ့ ဒုတိယအကြိမ် တိုက်ခိုက်မှုဖြစ်ပြီး လူ ၃ ဦး သေဆုံးခဲ့ပါတယ်။ - စက်တင်ဘာ ၁၉ ရက်။ ။ အမေရိကန်ရဲ့ တတိယ တိုက်ခိုက်မှုဖြစ်ပြီး လူ ၃ ဦး ထပ်မံသေဆုံးပါတယ်။ - အောက်တိုဘာ ၃ ရက်။ ။ အမေရိကန်ရဲ့ စတုတ္ထမြောက် တိုက်ခိုက်မှုဖြစ်ပြီး သေဆုံးသူ ၄ ဦးအထိ ရှိခဲ့ပါတယ်။ - အောက်တိုဘာ ၁၄ ရက်။ ။ အမေရိကန်ရဲ့ ပဉ္စမအကြိမ်မြောက်တိုက်ခိုက်မှုဖြစ်ပြီး လူ ၆ ဦး သေဆုံးခဲ့ပါတယ်။ - အောက်တိုဘာ ၁၆ ရက်။ ။ အမေရိကန်ရဲ့ဆဋ္ဌမမြောက် တိုက်ခိုက်မှုဖြစ်ပြီး အသက်ရှင်ကျန်ရစ်သူ အချို့ရှိတယ်လို့ အမေရိကန်အာဏာပိုင်တွေက ဆိုပါတယ်။ ထရမ့်နဲ့ အစိုးရအဖွဲ့ကတော့ ဗုံးကြဲတိုက်ခိုက်ခံရတဲ့ သင်္ဘောတွေဟာ အမေရိကန်ကို တင်ပို့မယ့် မူးယစ်ဆေးဝါးတွေ တကယ်သယ်ဆောင်ထားတယ်ဆိုတဲ့ သက်သေအထောက်အထား တစ်စုံတရာကို ယနေ့အချိန်ထိ အတိအလင်း ပြသထားခြင်း မရှိပါဘူး။ ■ ကွန်ဂရက်ရဲ့ ခွင့်ပြုချက်မပါဘဲ လျှို့ဝှက် သို့မဟုတ် စစ်ရေးလှုပ်ရှားမှုတွေ စတင်နိုင်သလား အမေရိကန်က ဗင်နီဇွဲလားသင်္ဘောတွေအပေါ် အခုလို တိုက်ခိုက်မှုတွေဟာ နိုင်ငံတကာဥပဒေကို ချိုးဖောက်ရာရောက်နိုင်သလို အမေရိကန် ဖွဲ့စည်းပုံအခြေခံဥပဒေ ကိုလည်း ဆန့်ကျင်နေတယ်လို့ ကျွမ်းကျင်သူတွေက Al Jazeera ကို ပြောကြားခဲ့ဖူးပါတယ်။ စီအိုင်အေ ကပဲ လုပ်လုပ်၊ အမေရိကန်စစ်တပ်ကပဲ လုပ်လုပ် ဗင်နီဇွဲလားမြေမှာ စစ်ဆင်ရေးလုပ်ဖို့ အခုလို အတိအလင်း ကြေညာလိုက်တာဟာ သမ္မတတစ်ဦးရဲ့ တရားဝင်လုပ်ပိုင်ခွင့်အတိုင်းအတာကို ရေပြင်ကျူးကျော်စစ်ပွဲတွေမှာ စမ်းသပ်တာထက် အများကြီး ကျော်လွန်သွားမယ့် အလားအလာရှိပါတယ်။ အဆိုပါ အမေရိကန်ရဲ့ သေစေနိုင်တဲ့အင်အားသုံးပြီး ပင်လယ်ပြင်တိုက်ခိုက်မှုတွေနဲ့ ပတ်သက်ပြီး အခုလို စစ်ဆင်‌ရေးမျိုးဟာ အသက်ရှင်သန်ခွင့်ကို လေးစားရေးနဲ့ ဥပဒေ စိုးမိုးရေးကို ထည့်သွင်းစဥ်းစားမှုတွေ ရှိသင့်တယ်လို့ နယ်သာလန် Leiden University ရဲ့ တွဲဖက်ပါမောက္ခ ဆယ်လ်ဗာဒေါ ဆန်တီနို ရယ်ဂျီမဲ (Salvador Santino Regilme) က Al Jazeera မှာ ဝေဖန်ထောက်ပြထားပါတယ်။ “ကုလသမဂ္ဂ ပင်လယ်ပြင်ဥပဒေဆိုင်ရာ ကွန်ဗင်းရှင်း (United Nations Convention on the Law of the Sea-UNCLOS) နဲ့ ၁၉၈၈ ခုနှစ် ကုလသမဂ္ဂ မူးယစ်ဆေးဝါးမှောင်ခိုမှု ကွန်ဗင်းရှင်းတွေ အရဆိုရင် ကနဦး သိမ်းကျုံးဖျက်ဆီးပစ်တာမျိုးထက် ပင်လယ်ပြင်မှာ ပူးပေါင်းဆောင်ရွက်မှု၊ သင်္ဘောပေါ်တက်ရောက်စစ်ဆေးမှုနဲ့ လိုက်လျောမှု၊ သဘောတူညီမှုရအောင် ဆောင်ရွက်ရေးဆိုတဲ့ စည်းမျဥ်းတွေကို ဦးစားပေးလိုက်နာရမှာ ဖြစ်ပါတယ်။ မူးယစ်မှောင်ခိုမှု သံသယရှိသူတွေကို သေဆုံးစေတဲ့ ဘယ်လို တိုက်ခိုက်မှုမဆို လွတ်လပ်ပြီး ပွင့်လင်းမြင်သာတဲ့ စုံစမ်းစစ်ဆေးမှုကို ချက်ချင်းလုပ်ဆောင်ရမယ်” လို့ ရယ်ဂျီမဲက ဆိုပါတယ်။ ဖွဲ့စည်းပုံအခြေခံဥပဒေဆိုင်ရာ ရှေ့နေ Bruce Fein ကမူ အဆိုပါ အမေရိကန်ရဲ့ ပင်လယ်ပြင်စစ်ဆင်ရေးတွေကို ဒီထက်ပိုပြီး ပြင်းပြင်းထန်ထန် ဝေဖန်ခဲ့ပါတယ်။ “ကိုယ့်ကိုယ်ကိုယ်ကာကွယ်တာကလွဲလို့ ဘယ်လိုအခြေအနေမှာမဆို စစ်တပ်ကိုသုံးမယ်ဆိုရင် ကွန်ဂရက်ရဲ့ တရားဝင်ခွင့်ပြုချက်လိုအပ်တယ်။ ဗင်နီဇွဲလား မူးယစ်မှောင်ခိုသမားတွေလို့ စွပ်စွဲခံရသူတွေကို စစ်တပ်နဲ့ တိုက်ခိုက်တာဟာ ဖွဲ့စည်းပုံအခြေခံဥပဒေကို ဆန့်ကျင်တယ်” လို့ Fein က ပြီးခဲ့တဲ့လက Al Jazeera ကို ပြောခဲ့ပါတယ်။ ၁၉၇၃ ခုနှစ် စစ်အာဏာဆိုင်ရာ ဆုံးဖြတ်ချက် (War Powers Resolution) ဆိုတဲ့ ဖက်ဒရယ်ဥပဒေဟာ အမေရိကန်သမ္မတတစ်ဦးအနေနဲ့ စစ်ပွဲမစတင်ခင်မှာ ကွန်ဂရက်ရဲ့ ခွင့်ပြုချက်ရယူဖို့ လိုအပ်ကြောင်း ပြဌာန်းထားတာပါ။ ဒီဥပဒေအရ အမေရိကန်သမ္မတဟာ စစ်ရေးလှုပ်ရှားမှု တစ်ခုခုကို စတင်ချိန်ကနေ ၄၈ နာရီအတွင်း ကွန်ဂရက်ကို အကြောင်းကြားဖို့ လိုအပ်ပါတယ်။ ဒါပေမဲ့ ထရမ့်ကတော့ ကွန်ကရက်ရဲ့ အတည်ပြုမှုကို ရယူခဲ့ခြင်း မရှိပါဘူး။ သူ့ရဲ့ သက်တမ်းအစမှာကတည်းက ထရမ့်က ဗင်နီဇွဲလား မူးယစ်ဆေးဝါးဂိုဏ်းတွေကို ပြည်ပအကြမ်းဖက်အဖွဲ့တွေအဖြစ် သတ်မှတ်ခဲ့ပါတယ်။ ဒီလို သတ်မှတ်မှုကိုယ်တိုင်ကကို တရားမဝင်ဘူးလို့ Fein က ဆိုပါတယ်။ ဘာကြောင့်လဲဆိုတော့ “နိုင်ငံခြားအကြမ်းဖက်အဖွဲ့” အဖြစ် သတ်မှတ်တဲ့ စံချိန်စံညွှန်းတွေနဲ့ မကိုက်ညီတာကြောင့်ပါ။ အမေရိကန်ဖွဲ့စည်းပုံ အခြေခံဥပဒေအရ “နိုင်ငံခြားအကြမ်းဖက်အဖွဲ့” အဖြစ် သတ်မှတ်နိုင်ဖို့ စံနှုန်းတွေမှာ အကြမ်းဖက်မှုကျူးလွန်တဲ့ အဖွဲ့ဟာ အမေရိကန် ပြင်ပမှာ အခြေစိုက်ရမှာဖြစ်ပါတယ်။ ဒါ့အပြင် ဒီအဖွဲ့ရဲ့ လုပ်ရပ်တွေဟာ အမေရိကန် နိုင်ငံသားတွေရဲ့ လုံခြုံရေး ၊ ဒါမှမဟုတ် အမေရိကန်အမျိုးသားလုံခြုံ‌ရေးကို ခြိမ်းခြောက်နေတယ်ဆိုတဲ့ အချက် ခိုင်လုံမှ ရမှာပါ။ အထက်ပါ စွပ်စွဲချက်နဲ့ ပတ်သက်ပြီး အမေရိကန်ထောက်လှမ်းရေး အေဂျင်စီတွေကိုယ်တိုင်က သက်သေပြစရာ မရှိကြောင်း ပြောကြားထားပေမဲ့ ထရမ့်ကတော့ ဗင်နီဇွဲလား မူးယစ်ဂိုဏ်းတွေရဲ့ နောက်ကွယ်မှာ မာဒူရိုရဲ့ ယန္တရားရှိနေတယ်လို့ ထပ်တလဲလဲ စွပ်စွဲထားပါတယ်။ ■ ဗင်နီဇွဲလား ဘယ်လို တုံ့ပြန်ခဲ့သလဲ ဗင်နီဇွဲလားဘက်ကလည်း အမေရိကန်ဟာ နိုင်ငံတကာဥပဒေ၊ ကုလသမဂ္ဂပဋိညာဉ်စာတမ်း တို့ကို ချိုးဖောက်နေတယ်လို့ ပြန်လည်ပြောဆိုထားပါတယ်။ ဒါ့အပြင် ဗင်နီဇွဲလား သမ္မတ မာဒူရိုက စစ်သည်တစ်သန်း အင်အားရှိပြည်သူ့စစ်တပ်ကို နေရာချထားတယ်လို့ ကြေညာခဲ့ပါတယ်။ စက်တင်ဘာလအစောပိုင်းကတည်းက နိုင်ငံတစ်ဝန်းက စစ်နေရာ (၁၈၄) နေရာ မှာ စစ်တပ်၊ ရဲ၊ နဲ့ အရပ်သားကာကွယ်ရေးတပ်တွေကို နေရာဖြန့်ကျက်ချထားတယ်လို့ ဆိုခဲ့ပါတယ်။ အဲဒီတစ်လအတွင်းမှာပဲ “လိုအပ်ရင် စစ်တိုက်ဖို့ အသင့်ရှိတယ်” လို မာဒူရိုက Ciudad Caribia မှာ ကြေညာခဲ့ပြီး သူ့အစိုးရအနေနဲ့ “နာဇီ အစွန်းရောက်လှုပ်ရှားမှုတွေ” ကို “ရှေ့တန်းကနေ တိုက်ထုတ်မယ်။ ဗင်နီဇွဲလားကို နာဇီတွေက ၁၉၄၂ ခုနှစ်ကနေ ၁၉၄၄ ခုနှစ်အတွင်းမှာ ကာရေဘီယံကနေ ကျူးကျော်တိုက်ခိုက်ခဲ့ဖူးတယ်” လို့ ထပ်လောင်းပြောကြားခဲ့ပါတယ်။ ဆက်လက်ပြီး “ကျုပ်တို့ဟာ ဗြိတိသျှအင်ပါယာရဲ့ တိုက်ခိုက်ခြင်းကို ခံခဲ့ရတယ်။ သူတို့က သင်္ဘော ၂၁ စင်း စေလွှတ်ပြီး တိုက်ခိုက်တာကို လက်ဗလာနဲ့ ကျုပ်တို့လူတွေက တုတ်တွေ ဓားတွေ ကျောက်ခဲတွေနဲ့ ပြန်လည်ခုခံပြီး အနိုင်ရခဲ့တယ်။ ကျုပ်တို့ ငတုံးတွေမဟုတ်ခဲ့ဘူး။ ဘယ်တော့မှလည်း အဲ့လို ဖြစ်လာမှာ မဟုတ်ဘူး” လို့ ဆိုပါတယ်။ တချိန်တည်းမှာပင် သူ့ရဲ့ အစိုးရ ဝါဒဖြန့်ချိရေး လှုပ်ရှားမှုကို အရှိန်မြှင့်ခဲ့ပါတယ်။ စစ်သားတွေ အမျိုးသမီး၊ အမျိုးသားတွေ၊ သက်ကြီးရွယ်အိုတွေ စစ်ရေးလေ့ကျင့်တာ သေနတ်ပစ်ကျင့်တာ စတဲ့ ဗီဒီယိုဖိုင်တွေကို ထုတ်လွှင့်ပြသပါတယ်။ ဗင်နီဇွဲလား နိုင်ငံရေးသိပ္ပံပညာရှင် ကာလို့စ် ပီနာ Carlos Pina က ထရမ့်ရဲ့ ကြေညာချက်ဟာ ပြည်တွင်းက မာဒူရိုရဲ့ နိုင်ငံရေးအင်အားကို ပိုပေါင်းစည်းအောင် လုပ်ပေးလိုက်သလိုပဲလို့ သုံးသပ်ပါတယ်။ "ဒီနေ့မှာ ဗင်နီဇွဲလားသမ္မတက ဗင်နီဇွဲလားရဲ့ ပြည်တွင်းရေးမှာ အမေရိကန်ရဲ့ ဝင်ရောက်စွက်ဖက်မှုကို ထပ်မံ ရှုတ်ချခဲ့ပါတယ်။ အထူးသဖြင့် ဝါရှင်တန်ရဲ့ လွှမ်းမိုးမှုတွေကို ဆန့်ကျင်ဖို့အတွက် လက်ဝဲအစိုးရတွေနဲ့ ပါတီအများအပြား အတိတ်မှာ အသုံးပြုခဲ့တဲ့ ကိုလိုနီဆန့်ကျင်ရေး မိန့်ခွန်းမျိုးနဲ့ ဆင်တူပါတယ်။ ဒါကဘာဖြစ်စေလဲဆိုတော့ ထရမ့်ရဲ့ ကြေညာချက်ဟာ ဗင်နီဇွဲလားအစိုးရကို သူလက်ရှိလုပ်ဆောင်နေတဲ့ ပြည်တွင်း ဖိနှိပ်မှုတွေနဲ့ ထောက်လှမ်းရေး ယန္တရားကို ပိုအားကောင်းအောင် မြှင့်ပေးလိုက်သလိုပါပဲ။ ဒီတော့ ပြည်တွင်းမှာ လူ့အခွင့်အရေးချိုးဖောက်မှုအများအပြား ထပ်မံကြုံတွေ့လာဖို့သာရှိတော့တယ်” လို့ ပီနာက ဆိုပါတယ်။ ■ အခြား လက်တင်အမေရိက နိုင်ငံတွေက ဘယ်လိုတုံ့ပြန်ခဲ့သလဲ ကိုလံဘီယာသမ္မတ ဂူစတာဗို ပီထရို (Gustavo Petro) ဗုဒ္ဓဟူးနေ့က ထရမ့်ရဲ့ ကြေညာချက်ဟာ နောက်ဆက်တွဲ သူတို့နိုင်ငံကိုပါ ရိုက်ခတ်လာနိုင်တယ်လို့ သတိပေးခဲ့ပါတယ်။ "ရိုးရိုးသားသားပြောရရင် လက်ရှိဗင်နီဇွဲလားအစိုးရ ကျင့်သုံးနေတဲ့ မူဝါဒတွေကို ကျနော်မထောက်ခံပါဘူး... ဒါပေမဲ့ ကိုလံဘီယာအပေါ် သက်ရောက်လာနိုင်ခြေတွေရှိနေတယ်။ ဒီနေ့ကြေညာခဲ့တယ်လေ။ စီအိုင်အေအေးဂျင့်တွေ ဒါမှမဟုတ် အမေရိကန်မရိန်းတပ်သားတွေရဲ့ ရက်စက်ကြမ်းကြုတ်တဲ့ စစ်ဆင်ရေး ဒုံးကျည်တွေဟာ မူးယစ်ဆေးဝါးဂိုဏ်းသားတွေကို ဦးတည်ပစ်ခတ်နှိမ်နင်းနေတာပါလို့ ဘယ်လိုပဲ ဆိုဆို ကျ‌နော်တို့အားလုံး သိနေတာက ဒီလူတွေဟာ အရပ်သားလက်နက်မဲ့တွေ ဆိုတာပါပဲ။ ဒီတော့ ဒီကျည်ဆန်တွေ နယ်စပ်ဖြတ်ကျော်ပြီး ကိုလံဘီယာမြေပေါ် ကျလာရင်တော့ ကျုပ်တာဝန်ဖြစ်လာတော့မယ်” လို့တောင်ပိုင်း Putumayo ဌာနက ကျင်းပတဲ့ ပွဲမှာ ပြောခဲ့ပါတယ်။ ဆက်လက်ပြီး “ဒီလိုဖြစ်လာခဲ့ရင်တော့ ယခင်က ကာလရှည်ကြာ ပဋိပက္ခတွေ အဆုံးသတ်ရေးအတွက် ကုလသမဂ္ဂလူ့အခွင့်အရေးကော်မရှင်ရဲ့ ဆုံးဖြတ်ချက်အတိုင်းလုပ်ဆောင်ခဲ့တဲ့ ကိုလံဘီယာအစိုးရနဲ့ FARC-EP တို့အကြား 2016 က ထားရှိတဲ့ ငြိမ်းချမ်းရေးသဘောတူညီချက် (Colombian resolution) ကို ဆန့်ကျင်တဲ့ ဖြစ်ရပ်လို့ သတ်မှတ်ရမှာပဲ” လို့ သူက ဆိုပါတယ်။ ■ ဒုတိယကမ္ဘာစစ်အပြီး အမေရိကန် ကျူးကျော်မှုတွေနဲ့ CIA ရဲ့ စစ်ဆင်ရေးများ အမေရိကန် စီအိုင်အေဟာ လက်တင်အမေရိကမှာ လျှို့ဝှက်စစ်ဆင်ရေးများစွာ၊ အာဏာသိမ်းမှုများစွာ၊ လုပ်ကြံသတ်ဖြတ်မှုမျိုးစုံနဲ့ ဝါဒဖြန့်လှုပ်ရှားမှု အမြောက်အများကို ၁၉၄၀ ပြည့်နှစ်တွေကတည်းက လုပ်ဆောင်နေခဲ့တာပါ။ ဒီဒေသမှာ စီအိုင်အေက လမ်းဖွင့်ပေးခဲ့တဲ့ အမေရိကန်ကျူးကျော်မှု များစွာလည်း ရှိခဲ့ပါတယ်။ ■ လက်တင်အမေရိကမှာ စီအိုင်အေရဲ့ သမိုင်းကြောင်းက ဘာလဲ။ လက်ရှိမှာ အမေရိကန်က ဗင်နီဇွဲလားအပေါ် ဘယ်လို ကိုင်တွယ်မလဲဆိုတာ ရှင်းရှင်းလင်းလင်း မမြင်ရသေးပေမဲ့ သမိုင်းကြောင်းတလျှောက် ပြန်ခေါက်ကြည့်မယ်ဆိုရင် ကာရေဘီယံ၊ တောင်အမေရိကနဲ့ အမေရိကအလယ်ပိုင်းဒေသတွေမှာ စီအိုင်အေရဲ့ စစ်ဆင်ရေးပုံစံတွေက ရှေ့မှာဖြစ်လာနိုင်တဲ့ အလားအလာတချို့နဲ့ ပတ်သက်ပြီး သဲလွန်စရပါလိမ့်မယ်။ ၁၈၀၀ ပြည့်လွန်နှစ် နောက်ပိုင်းကနေ ၂၀ ရာစု အစောပိုင်း ကာလတွေမှာ အမေရိကန်အစိုးရဟာ Banana Wars လို့ ခေါ်ကြတဲ့ အမေရိကအလယ်ပိုင်းဒေသတွေကို စစ်ရေးအရဝင်ရောက်ကျူးကျော်မှုတွေ ဆက်တိုက်ပြုလုပ်ခဲ့ပါတယ်။ ဒီလိုလုပ်ရတဲ့ အဓိက အကြောင်းအရင်းကတော့ ဒီဒေသတွေမှာ လာရောက်လုပ်ကိုင်တဲ့ အမေရိက အရင်းရှင်ကော်ပိုရိတ်ကြီးတွေရဲ့ အကျိုးစီးပွားကို ကာကွယ်ပေးဖို့ပါ။ ၁၉၃၄ ခုနှစ်မှာ သမ္မတ Franklin D Roosevelt လက်ထက် “Good Neighbor Policy” (အိမ်နီးချင်းကောင်းမူဝါဒ) လို့ လူသိများတဲ့ မူဝါဒ တရပ်ရေးဆွဲခဲ့ပါတယ်။ ဒီမူဝါဒမှာ လက်တင်အမေရိကနိုင်ငံတွေကို ကျူးကျော်ခြင်း သို့မဟုတ် သိမ်းပိုက်ခြင်းမပြုဖို့နဲ့ ဒီနိုင်ငံတွေရဲ့ ပြည်တွင်းရေးကို ဝင်ရောက်စွက်ဖက်ခြင်းမပြုရေးဆိုတဲ့ ကတိကဝတ်တွေ ပြုခဲ့ကြပါတယ်။ ဒါပေမဲ့ ဒီကတိကဝတ်တွေကို အချိန်အတော်ကြာကြာ မတည်နိုင်ခဲ့သူက အမေရိကန်သာ ဖြစ်ပါတယ်။ အထူးသဖြင့် စစ်အေးကာလတလျှောက် လက်တင်အမေရိကနိုင်ငံတွေမှာ သူတို့ကိုယ်တိုင်ကိုယ်ကျ ရွေးကောက်တင်မြှောက်ခံထားတဲ့ လက်ဝဲယိမ်းခေါင်းဆောင်တွေကို သူတို့နေရာတွေကနေ ဖယ်ရှားဖို့ အမေရိကန်က ရန်ပုံငွေအမြောက်အများ သုံးစွဲပြီး စစ်ဆင်ရေးများစွာ လုပ်ခဲ့ပါတယ်။ ဒီလုပ်ဆောင်မှုတွေထဲက အချို့အဖြစ်အပျက်တွေကို သာဓက ပြပါမယ်။ ■ ဂွာတီမာလာ (၁၉၅၀ ပြည့်နှစ်များ) ဂွာတီမာလာမှာ ၁၉၅၄ ခုနှစ်အတွင်း ရွေးကောက်ခံ သမ္မတ ဂျက်ကော့ဘို အာဘန်ဇ် (Jacobo Arbenz) ကို ဒေသခံတိုက်ခိုက်ရေးအဖွဲ့တွေက ဖြုတ်ချခဲ့ပါတယ်။ ဒီအဖွဲ့တွေကို ထောက်ပံ့ပေးထားတာက အမေရိကန်သမ္မတ Dwight Eisenhower လက်အောက်က စီအိုင်အေ ပဲဖြစ်ပါတယ်။ ထိုစဥ်က လက်ဝဲယိမ်းသမ္မတဟောင်း အာဘန်ဇ် Arbenz ဟာ ကုမ္ပဏီတစ်ခုကို ပြည်သူပိုင်သိမ်းဖို့ ကြိုးပမ်းခဲ့တာပါ။ ဒီဖြစ်ရပ်ကြောင့် ဂွာတီမာလာမှာ ဆိုရှယ်လစ်လမ်းစဥ်တွေ ပေါ်ပေါက်လာမှာကို အမေရိကန်က အတော်လေး စိုးရိမ်ခဲ့ပြီး ဒါကိုတားဆီးဖို့ စီအိုင်အေက နောက်ကွယ်ကကြိုးကိုင်ခဲ့တာပါ။ CIA ရဲ့ Operation PBSuccess ဆိုတဲ့ စစ်ဆင်ရေးအောက်မှာ စစ်ဘက်အရာရှိ Carlos Castillo Armas ဦးဆောင်တဲ့ တိုက်ခိုက်ရေးသမားတွေကို အမေရိကန်စီအိုင်အေက သေချာလေ့ကျင့်ပေးခဲ့ပြီး အာဏာသိမ်းစေခဲ့ပါတယ်။ ဒီလိုနဲ့ ဂွါတီမာလာမှာ ၁၉၆၀ ကနေ ၁၉၉၆ ခုနှစ်အတွင်း ဂွာတီမာလာ အာဏာသိမ်းစစ်တပ်နဲ့ လက်ဝဲသူပုန်တို့အကြား ပြည်တွင်းစစ် ကာလကြာရှည်ဖြစ်ပွားခဲ့ပါတယ်။ ■ ကျူးဘား (၁၉၆၀ ပြည့်နှစ်များ) ကျူးဘားမှာ ၁၉၅၉ ခုနှစ်က ကျူးဘားကွန်မြူနစ်ပါတီခေါင်းဆောင် Fidel Castro ဟာ အာဏာရှင် Fulgencio Batista ကိုဖြုတ်ချပြီးနောက် အာဏာရလာတယ်။ ဒီအချိန်မှာ အမေရိကန်သမ္မတ Eisenhower လက်ထက်ဖြစ်ပြီး Castro ကို ဖြုတ်ချဖို့အတွက် ပြည်ပရောက် ကျူးဘားတွေကို စီအိုင်အေကပဲ စနစ်တကျ အစီအစဥ်ရေးဆွဲပြီး လေ့ကျင့်သင်တန်းပေးခဲ့ပါတယ်။ အမေရိကန်ရဲ့ ၁၉၆၀ ရွေးကောက်ပွဲမှာ အနိုင်ရခဲ့တဲ့ ဒီမိုကရက်တစ်သမ္မတ John F Kennedy က သူ့ရဲ့ ကျမ်းသစ္စာကျိန်ဆိုမှုမှာ အဆိုပါ အစီအစဉ်အကြောင်း အကျဉ်းချုံး ထည့်သွင်းပြောခဲ့ပါသေးတယ်။ အဆိုပါ စီအိုအေကျောထောက်နောက်ခံပြု စစ်စခန်းတွေကို ကျူးဘားထောက်လှမ်းရေးက တဆင့် Castro က သိခဲ့ပါတယ်။ ၁၉၆၁ ခုနှစ်မှာ Castro ကို ဖြုတ်ချဖို့အတွက် ကျူးဘားပြည်ပရောက် စီအိုင်အေလေ့ကျင့်ပေးလိုက်သူတွေအတွက် အစီအစဥ်တရပ်ဖြစ်တဲ့ Bay of Pigs Invasion ကို အမေရိကန်သမ္မတ Kennedy က လက်မှတ်ရေးထိုးခဲ့ပါတယ်။ ဒါပေမဲ့ တကယ်တမ်း ကျူးကျော်စစ်ဆင်နွှဲတဲ့အခါ မအောင်မြင်ခဲ့ပါဘူး။ ■ ဘရာဇီး (၁၉၆၀ ပြည့်နှစ်များ) ဘရာဇီးမှာ ၁၉၆၁ ခုနှစ်အတွင်း လူမှု-စီးပွား ပြုပြင်ပြောင်းလဲမှုတွေလုပ်ဆောင်ဖို့ ကြွေးကြော်ရင်း Joao Goulart သမ္မတဖြစ်လာပါတယ်။ သူဟာ ကျူးဘား လိုမျိုး ဆိုရှယ်လစ်နိုင်ငံတွေနဲ့ ဆက်ဆံရေးကောင်းမွန်ပြီး အမေရိကန်ပိုင် နိုင်ငံတကာ တယ်လီဖုန်းနဲ့ ကြေးနန်း (ITT) ရဲ့လုပ်ငန်းခွဲတစ်ခုကို နိုင်ငံပိုင်သိမ်းခဲ့ပါတယ်။ ဒီဖြစ်ရပ်ကို လက်တုံ့ပြန်တဲ့အနေနဲ့ အမေရိကန်စီအိုင်အေက အမေရိကန်လိုလားတဲ့ နိုင်ငံရေးသမားတွေနဲ့ ကွန်မြူနစ်ဆန့်ကျင်ရေးအုပ်စုတွေကို အထောက်အပံ့များစွာ ပေးအပ်ခဲ့ပါတယ်။ အဲဒီနောက် Goulart ရဲ့ ခေါင်းဆောင်မှု အားပျော့စေခဲ့ပြီး ၁၉၆၄ ခုနှစ်အရောက်မှာတော့ အမေရိကန်ကြည်ဖြူသော စစ်အာဏာသိမ်းမှုတစ်ခု အဖြစ် မှတ်တမ်းဝင်ခဲ့ပါတယ်။ ■ အီကွေဒေါ (၁၉၆၀ ပြည့်နှစ်များ) ၁၉၂၅ ခုနှစ်ကနေ ၁၉၄၇ ခုနှစ်အတွင်း (၂၂) နှစ်အတွင်း သမ္မတ (၂၇) ဦးပြောင်းခဲ့ရတဲ့ အီကွေဒေါဟာ အရှည်ကြာဆုံး နိုင်ငံရေးမတည်ငြိမ်တဲ့ နိုင်ငံတစ်နိုင်ဖြစ်ခဲ့ပါတယ်။ ၁၉၅၀ ပြည့်လွန်နှစ်တွေမှာတော့ တည်ငြိမ်မှု ရှိလာတဲ့ ကာလလို့ ပြောနိုင်ပါတယ်။ ဒါပေမဲ့ ဒီတည်ငြိမ်မှုက ကြာရှည်မခံခဲ့ပါဘူး။ ၁၉၆၀ အစောပိုင်းနှစ်ကာလတွေမှာ အမေရိကန်အစိုးရဟာ ဆိုဗီယက်အစုအဖွဲ့နဲ့ ပိုမိုနီးကပ်တဲ့ ဆက်ဆံရေးရှိတဲ့ သမ္မတ Jose Velasco Ibarra နဲ့ ဒုသမ္မတ Carlos Julio Arosemena တို့ရဲ့ကျူးဘားနည်းတူ မူဝါဒတွေကို စိုးရိမ်လာပါတယ်။ ဒီတော့ CIA က အမေရိကန် အလုပ်သမား အဖွဲ့အစည်းတွေကို ကြားခံအဖြစ်သုံးပြီး အီကွေဒေါနိုင်ငံအတွင်း ကွန်မြူနစ်ဝါဒဆန့်ကျင်ရေး စိတ်ဓာတ်တွေ သွတ်သွင်းဖို့ အဖွဲ့အစည်းတော်တော်များများကို ငွေကြေး‌ထောက်ပံ့ပေးခဲ့ပါတယ်။ “နောက်ဆုံးတော့ အီကွေဒေါက လူတိုင်းက စီအိုင်အေ အလိုကျ ဖြစ်လာရတာပါပဲ” လို့ CIA အေးဂျင့်တစ်ဦးက လက်တင်အမေရိကရှိ အေဂျင်စီရဲ့ လုပ်ဆောင်မှုတွေကို အကဲဖြတ်ဖို့ CIA ကခန့်ထားတဲ့ Roger Morris ကို ၂၀၀၄ ခုနှစ်က ပြောခဲ့ပါတယ်။ ဒုသမ္မတ Arosemena ဟာ သမ္မတ Ibarra ကို အာဏာသိမ်းဖို့ အရင်ဆုံး လုပ်ဆောင်ခဲ့ပြီးနောက် သူ့ရာထူးကို တည်ငြိမ်အောင်မလုပ်ခင်မှာ လက်ဝဲဘက်ကို သိသိသာသာ ယိမ်းခဲ့ပါတယ်။ အဲဒီနောက် ၁၉၆၃ ခုနှစ်မှာ စစ်တပ်က ထပ်မံ အာဏာသိမ်းခဲ့ပြီး ကွန်မြူနစ်ပါတီကို အာဏာနဲ့ ဖယ်ရှားလိုက်သလို ကျူးဘားနဲ့ အဆက်သွယ်ဖြတ်လိုက်ပါတယ်။ ပြီးတဲ့အခါမှာတော့ အမေရိကန် အကျိုးစီးပွားနဲ့ လိုက်လျောညီထွေဖြစ်‌အောင် လုပ်ဆောင်ခဲ့ပါတယ်။ ■ ဘိုလီးဗီးယား (၁၉၆၀၊ ၁၉၇၀ ပြည့်နှစ်များ) ဘိုလီးဗီးယားနိုင်ငံရေးမှာ အမေရိကန်ရဲ့ သြဇာလွှမ်းနိုင်ဖို့ ၁၉၆၃-၆၄ ခုနှစ်ကြားကာလတွေအတွင်း စီအိုင်အေ ကတဆင့် လျှို့ဝှက်ရန်ပုံငွေ အမြောက်အများ သုံးစွဲခဲ့ပါတယ်။ ရန်ပုံငွေတွေကို အမေရိကန်အကျိုးလိုလားတဲ့ ခေါင်းဆောင်တွေကိုပဲ ရွေးချယ်ထောက်ပံ့ခဲ့ပြီဂ ၁၉၆၄ ခုနှစ် နိုဝင်ဘာလမှာတော့ ရွေးကောက်ခံသမ္မတ Victor Paz Estenssoro ကို စစ်ဗိုလ်ချုပ်ကြီး Rene Barrientos Ortuno က စစ်အာဏာသိမ်းဖို့ အားပေးခဲ့ပါတယ်။ အမေရိကန်ကျောထောက်နောက်ခံပြုထားတဲ့ ဒီအာဏာသိမ်းမှု အထမြောက်ခဲ့ပြီး သမ္မတ Estenssoro လည်း ပြည်ပကို ထွက်ပြေးတိမ်းရှောင်ခဲ့ရတယ်။ ဒီအခြေအနေမှာတော့ ဘိုလီးဗီးယားအပေါ် အမေရိကန်တွေ ဝင်ရောက်စွက်ဖက်တာ မတွေ့ရတော့ပါဘူး။ ဒါပေမဲ့ ၁၉၇၀ ပြည့်လွန်နှစ် အစောပိုင်းကာလတွေမှာ ဝါရှင်တန်က ဘိုလီးဗီးယားမှာ နောက်ထပ်အစိုးရအပြောင်းအလဲဖြစ်ဖို့ တဖန်မျက်စိကျလာပြန်တယ်။ ဒီအကြိမ်မှာတော့ သူတို့ရဲ့ ပစ်မှတ်က ၁၉၇၀ ခုနှစ်မှာ အာဏာရလာပြီး ဘိုလီးဗီးယားက အမေရိကန်ကုမ္ပဏီတွေကို နိုင်ငံပိုင်လုပ်ခဲ့တဲ့ သမ္မတ Juan Jose Torres ဖြစ်ပါတယ်။ အမေရိကန်နိုင်ငံခြားရေးဌာနရဲ့ တရားဝင်မှတ်တမ်းအရ La Paz မှာရှိတဲ့ အမေရိကန်သံအမတ်က ၁၉၇၁ ခုနှစ် ဇွန်လမှာ လက်ရှိဘိုလီးဗီးယားသမ္မတ Torres ကို ဆန့်ကျင်နေသူတွေအပေါ် ထောက်ပံ့ပေးဖို့ ဝါရှင်တန်ကို တိုက်တွန်းခဲ့ပါတယ်။ အဲ့ဒီနောက်မှာတော့ အိမ်ဖြူတော်က ဒေါ်လာ ၄၁၀,၀၀၀ ကို Torres ကို ဆန့်ကျင်တဲ့နိုင်ငံရေးခေါင်းဆောင်တွေနဲ့ စစ်ခေါင်းဆောင်တွေအတွက် လျှို့ဝှက်ထောက်ပံ့ပေးခဲ့ပါတယ်။ အမေရိကန် အစိုးရအုပ်ချုပ်ရေးရဲ့ အဆိုပါ လျှို့ဝှက်ထောက်ပံ့မှုတွေကို ဝေဖန်ကြသူတွေကတော့ ဒီငွေတွေကို “အာဏာသိမ်းကြေး” (coup money) အဖြစ် သမုတ်လေ့ရှိပါတယ်။ အဆိုပါ ထောက်ပံ့မှု ပေးအပ်ပြီး ၂ လအကြာမှာတော့ သမ္မတ Torres ကို စစ်ခေါင်းဆောင် Hugo Banzer က အာဏာသိမ်းလိုက်ပါတယ်။ အဆိုပါ အာဏာသိမ်းမှုက အောင်မြင်ခဲ့ပြီး အာဏာသိမ်းစစ်ခေါင်းဆောင်ကို အမေရိကန်က ဆက်လက်ထောက်ပံ့ပေးခဲ့ပြီး ၁၉၇၈ ခုနှစ်အထိ Banzer က အာဏာရယူခဲ့ပါတယ်။ နောက်ထပ် ဆယ်စုနှစ် နှစ်ခုနီးပါးအကြာမှာ Banzer က ၁၉၉၇ ခုနှစ် ရွေးကောက်ပွဲမှာ ထပ်မံအနိုင်ရပြီး အာဏာတစ်ခါ ပြန်ရခဲ့ပါတယ်။ ■ ချီလီ (၁၉၇၀ ပြည့်နှစ်များ) ချီလီမှာ ရွေးကောက်ခံသမ္မတ လက်ဝဲခေါင်းဆောင် Salvador Allende ကို ဖြုတ်ချဖို့အတွက်လည်း စီအိုင်အေက ထောက်ပံ့မှုတွေ လုပ်ခဲ့ပါတယ်။ သမ္မတ Allende ဟာ ချီလီကြေးနီကုမ္ပဏီတွေကို လက်ဝါးကြီးအုပ်ထားတဲ့ အမေရိကန်ပုဂ္ဂလိက ကုမ္ပဏီတွေကို နိုင်ငံပိုင်လုပ်ဖို့ ပြင်ဆင်ခဲ့တာကြောင့် စီအိုင်အေက ကွန်မြူနစ်ဆန့်ကျင်ရေးစိတ်ဓာတ်တွေ စနစ်တကျ ပြန့်ပွားစေဖို့ ငွေအမြောက်အများ သုံးစွဲခဲ့တာပါ။ စီအိုင်အေရဲ့ ထောက်ပံ့မှုနဲ့ ၁၉၇၃ ခုနှစ် စစ်အာဏာသိမ်းမှုကို စစ်ဗိုလ်ချုပ်ကြီး Augusto Pinochet ဦးဆောင်ခဲ့ပြီး သမ္မတ Allende လည်း အဖမ်းမခံရမီ သူ့ကိုယ်သူ AK-47 ရိုင်ဖယ်သေနတ်သုံးပြီး သတ်သေခဲ့ပါတယ်။ သူသေဆုံးရတဲ့ အကြောင်းရင်းမှန်နဲ့ ပတ်သက်ပြီး နှစ်ပေါင်းများစွာ အတည်ပြုဖို့ ခက်ခဲခဲ့ပါတယ်။ အမေရိကန်ကျောထောက်နောက်ခံပြုထားတဲ့ Augusto Pinochet ရဲ့ ရက်စက်ကြမ်းကြုတ်တဲ့ စစ်အာဏာရှင်စနစ်ဟာ ချီလီမှာ ၁၇ နှစ်ကြာ မွှေနှောက်ဖျက်ဆီးခဲ့ပါတယ်။ ■ Operation Condor (၁၉၇၀ ပြည့်နှစ်များ) 1975 ခုနှစ်မှာ CIA က လက်တင်အမေရိက နိုင်ငံ (၆) နိုင်ငံမှာ လက်ယာစွန်း စစ်အာဏာရှင်စနစ်ကို ထောက်ခံအားပေးပြီး Operation Condor (ကွန်ဒေါစစ်ဆင်ရေး) လို့ ခေါ်တဲ့ နိုင်ငံဖြတ်ကျော်အကြမ်းဖက်ကွန်ရက်ကြီး တစ်ခု စနစ်တကျ တည်ထောင်ခဲ့ပါတယ်။ အမေရိကန်သမ္မတ Gerald Ford လက်ထက်မှာ စတင်ခဲ့တာပါ။ ဒီ ၆ နိုင်ငံဟာ အာဂျင်တီးနား၊ ဘိုလီးဗီးယား၊ ဘရာဇီး၊ ချီလီ၊ ဥရုဂွေး၊ ပါရာဂွေး စတဲ့ နိုင်ငံတွေ ဖြစ်ပါတယ်။ ဒီစစ်ဆင်ရေးရဲ့ အဓိက ရည်ရွယ်ချက်က အမေရိကန်နဲ့ နိုင်ငံရေးသဘောထား ဆန့်ကျင်သူတွေ၊ လက်ဝဲအယူမြင်ရှိသူတွေ၊ ကွန်မြူနစ်လမ်းစဥ်ကို ယုံကြည်သူတွေကို အမြစ်ဖြတ်ချေမှုန်းရေး ဖြစ်ပါတယ်။ ဒီစစ်ဆင်ရေးကို အဓိက ထောက်ပံ့ပေးခဲ့တာက လက်တင်အမေရိကနိုင်ငံတွေရဲ့ စစ်အာဏာရှင်တွေပါတယ်။ သူတို့က နိုင်ငံဖြတ်ကျော်ကွန်ရက်ကတဆင့် ဆန့်ကျင်သူတွေနဲ့ သူတို့ရဲ့ မိသားစုတွေကို စောင့်ကြည့်ထိန်းချုပ်ဖို့နဲ့ သတင်းအချက်အလက်တွေကို တနေရာတည်းမှာ ထည့်သွင်းပြီး လိုသလို အသုံးပြုဖို့ အပြန်အလှန် သဘောတူခဲ့ကြပါတယ်။ ဒီနယ်စပ်ဖြတ်ကျော်အကြမ်းဖက်မှုကွန်ရက် Operation Condor မှာ သုံးခဲ့တဲ့ နည်းလမ်းတွေမှာ ထောက်လှမ်းရေးသတင်းတွေ အပြန်အလှန်ဖလှယ်မှု၊ သတင်းအချက်အလက် မျှဝေမှု၊ အကျဥ်းသားတွေနဲ့ ညှဉ်းပန်းနှိပ်စက်မှုနည်းနာ စတဲ့ ရက်စက်ကြမ်းကြုတ်မှုလုပ်ငန်းစဥ်တွေကို ဝေမျှတာတွေ ပါဝင်ပါတယ်။ ဒီစစ်ဆင်ရေးကြောင့် အနည်းဆုံး လူ (၉၇) ဦး မတရားနှိပ်စက်သတ်ဖြတ်ခံခဲ့ရတယ်လို့ လက်တင်အမေရိကအဖွဲ့အစည်းတွေနဲ့ အောက်စဖို့ဒ်တက္ကသိုလ်တို့ ပူးတွဲလေ့လာချက်အရ သိရပါတယ်။ ■ အယ်ဆာဗေဒေါ (၁၉၈၀ ပြည့်နှစ်များ) ၁၉၈၁ ခုနှစ် ဒီဇင်ဘာလမှာ Salvadoran စစ်တပ်ရဲ့ ထိပ်တန်း Atlacatl တပ်ရင်းက ကလေးငယ်တွေနဲ့ အမျိုးသမီးတွေ အပါအဝင် ရွာသား ၁၀၀၀ ကျော် နေထိုင်တဲ့ အယ်မိုဇုတ်ရွာ တစ်ရွာလုံးကို အစုလိုက်အပြုံလိုက် သတ်ဖြတ်ခဲ့ပါတယ်။ ၁၉၈၀ ခုနှစ်ကနေ ၁၉၉၂ ခုနှစ်အကြား အယ်ဆာဗေဒေါမှာ ၁၂ နှစ်တာ ပြည်တွင်းစစ်ဖြစ်ခဲ့တာပါ။ Atlacatl တပ်ရင်းကို အဓိက လေ့ကျင့်ပေး၊ ထောက်ပံ့ပေးထားတာက အမေရိကန်အစိုးရပါ။ လက်တင်အမေရိကမှာရှိတဲ့ လက်ဝဲတော်လှန်ရေးသမားတွေကို နှိမ်နှင်းဖို့အတွက် အမေရိကန်ရဲ့ စစ်အေးတိုက်ပွဲ မူဝါဒတွေရဲ့ အစိတ်အပိုင်းတစ်ခုအဖြစ် လက်ယာစွန်းစစ်အာဏာရှင်တွေကို သေသေချာချာ လေ့ကျင့်ပျိုးထောင်ခဲ့ပါတယ်။ ဒီနည်းနဲ့ ၁၉၈၀ ကနေ ၁၉၈၂ ခုနှစ်အကြား အယ်ဆာဗေဒေါ နိုင်ငံရဲ့ စစ်အာဏာရှင်တွေကို အမေရိကန်အစိုးရက အကြီးစားထောက်ပံ့ပေးခဲ့တာ ဖြစ်ပါတယ်။ ■ ဂရီနေဒါ (၁၉၈၀ ပြည့်နှစ်များ) ကာရေဘီယံကျွန်းငယ်လေးတစ်ခုရဲ့ ၀န်ကြီးချုပ် Maurice Bishop ဟာ ၁၉၇၉ ခုနှစ် အာဏာစရလာချိန်မှာ မာ့က်စ်-လီနင်ဝါဒ လမ်းစဥ်တွေကို စတင်ခဲ့ပါတယ်။ ၁၉၈၀ အစောပိုင်းနှစ်ကာလတွေမှာ ဂရီနေဒါ နိုင်ငံအပေါ် ကျူးဘားရဲ့ လွှမ်းမိုးမှုကို အမေရိကန်က စိုးရိမ်စပြုလာတယ်။ ၁၉၈၃ ခုနှစ် အောက်တိုဘာလမှာတော့ Bishop ရဲ့ ပါတီတွင်း ခေါင်းဆောင်နေရာ ပဋိပက္ခတွေကို အခွင့်ကောင်းယူပြီး အမေရိကန်စစ်တပ်က ဂရီနေဒါကို ကျူးကျော်ဝင်ရောက်ပြီး ကျူးဘားနိုင်ငံသားတွေကို ဖမ်းဆီးခဲ့သလို ဂရီနေဒါရဲ့ နိုင်ငံရေးမူဝါဒအားလုံးဟာ အမေရိကန်လမ်းစဥ်နဲ့ ကိုက်ညီဖို့ ဖိအား‌ပေးခဲ့ပါတယ်။ ■ ပနားမား (၁၉၈၀ ပြည့်လွန်နှစ်များ) အမေရိကန်ရဲ့ ရီပတ်ပလီကန် သမ္မတ George HW Bush လက်ထက် ၁၉၈၉ ခုနှစ်မှာ ပနားမားကို အမေရိကန်စစ်တပ်က ကျူးကျော်ခဲ့ပါတယ်။ ဒီကျူးကျော်မှုကို Operation Just Cause လို့ အမည်တပ်ခဲ့ပါတယ်။ ဆိုးဝါးပြင်းထန်တဲ့ ကျူးကျော်မှုတွေနဲ့ ပနားမား သမ္မတ Manuel Noriega ကို ဖယ်ရှားခဲ့ပြီး နောက်မှာတော့ မူးယစ်ဆေးဝါး မှောင်ခိုမှုလို့ စွပ်စွဲခဲ့ပါတယ်။ ■ နောက်ထပ် ဗင်နီဇွဲလားနဲ့ ဒေသတွင်းနိုင်ငံတွေ ကြုံလာနိုင်မယ့် အမေရိကန်ရဲ့ အန္တရာယ် အခုလက်ရှိ ဗင်နီဇွဲလား ကြုံနေရတဲ့ ကိစ္စနဲ့ပတ်သက်ပြီး လက်တင်အမေရိက နိုင်ငံတွေအနေနဲ့လည်း ထရမ့်ရဲ့ အမိန့်အာဏာနဲ့ ခြိမ်းခြောက်မှုတွေကို သတိကြီးကြီးထား တုံ့ပြန်နေရတယ်လို့ ဗင်နီဇွဲလားလေ့လာသုံးသပ်သူ ပီနာက Al Jazeera ကို ပြောပါတယ်။ ဒီအထဲမှာ ကိုလံဘီယာနဲ့ ကျူးဘား၊ နီကာရာဂွါ၊ ဘိုလီဗီးယား၊ ဟွန်ဒူးရပ်စ်နဲ့ ကာရေဘီယံကျွန်းတွေ ပါဝင်ဖွဲ့စည်းထားတဲ့ ဒေသတွင်း အစုအဖွဲ့ ALBA (Bolivarian Alliance for the Peoples of Our America) တို့ကတော့ ခြွင်းချက်ဖြစ်တယ်လို့ ဆိုပါတယ်။ ပုံမှန်အခြေအနေမှာ အမေရိကန်ရဲ့ စွက်ဖက်မှုတွေ‌ဟာ လက်တင်အမေရိကအစိုးရတွေနဲ့ အမေရိကန်နိုင်ငံအကြား တင်းမာမှုကို ဦးတည်စေမှာ ဖြစ်ပေမဲ့ လက်ရှိ ဗင်နီဇွဲလားသမ္မတ မာဒူရိုရဲ့ ၂၀၂၄ ခုနှစ် ဇူလိုင်လက အငြင်းပွားဖွယ် ရွေးကောက်ပွဲကတဆင့် အာဏာဆက်လက်ရယူမှုအပေါ် အခြားလက်တင်အမေရိက နိုင်ငံအတော်များများက သတိထားဆက်ဆံတဲ့ ပုံစံတွေ ပြခဲ့ကြပါတယ်။ မာဒူရိုဘက်က ၂၀၂၄ ခုနှစ် ဇူလိုင်လ ၂၈ ရက်နေ့ သမ္မတ ရွေးကောက်ပွဲပြီးနောက် အခြားနိုင်ငံတွေနဲ့ သံတမန်ဆက်ဆံရေးတွေကို ဖြတ်တောက်ခဲ့မှုဟာလည်း အခုလို အခြေအနေကို ဖြစ်စေတဲ့ အကြောင်းရင်းတရပ်လို့ ပီနာက သုံးသပ်ပါတယ်။ ဗင်နီဇွဲလားရဲ့ ၂၀၂၄ ရွေးကောက်ပွဲဟာ မသမာမှု အများအပြားရှိခဲ့တယ်လို့ ပြည်တွင်းပြည်ပက ဝေဖန်သံတွေစုံခဲ့ပါတယ်။ ၂၀၁၉ ခုနှစ်ကတည်းက ဗင်နီဇွဲလားနဲ့ သံတမန်ဆက်ဆံရေး ပြတ်တောက်ခဲ့တဲ့ အမေရိကန်အပါအဝင် အမေရိကန်ရဲ့ မဟာမိတ်နိုင်ငံတွေက ရွေးကောက်ပွဲရလဒ်ကို လက်မခံခဲ့ပါဘူး။ ၂၀၂၄ ခုနှစ် ဇူလိုင်လမှာ Carter Center နဲ့ UN တို့က ဗင်နီဇွဲလား ရွေးကောက်ပွဲ ရလဒ်တွေဟာ မျှတမှုနဲ့ ဒီမိုကရေစီ စံချိန်စံညွှန်းတွေ မရှိခဲ့တာကြောင့် အတည်မပြုနိုင်ဘူးလို့ ဆိုခဲ့ပါတယ်။ အမေရိကန်လိုလားတဲ့ လက်တင်အမေရိက ၉ နိုင်ငံကလည်း လွတ်လပ်တဲ့ ရွေးကောက်ပွဲစောင့်ကြည့်လေ့လာသူတွေရဲ့ သုံးသပ်အကဲဖြတ်မှု လုပ်ပေးဖို့ တောင်းဆိုခဲ့ကြပါတယ်။ ဒီတော့ လက်ရှိဖြစ်ပွားနေတဲ့ တင်းမာမှုတွေနဲ့ ပတ်သက်ပြီး ဗင်နီဇွဲလားနဲ့ အမေရိကန်တို့အကြား ငြိမ်းချမ်းရေးလက္ခဏာဆောင်တဲ့ စကားဝိုင်းဆွေးနွေးပွဲနဲ့ အဖြေရှာဖို့ ကြားဝင်ဖျန်ဖြေတဲ့ နိုင်ငံတွေ ရှိလာနိုင်တယ်လို့ ပီနာက ယူဆပါတယ်။ ဒါပေမဲ့ ဒီအခြေအနေထိ ရောက်ဖို့ နှစ်ဖက်စလုံးရဲ့ အပြုအမူက ဝေးကွာနေဆဲ ဆိုတာ ပြနေတယ်လို့ ဆိုပါတယ်။ ဖြစ်နိုင်တာက အမေရိကန်စစ်တပ်နဲ့ ရေတပ်အင်အားကို ထပ်မံတိုးချဲ့ချထားပြီး မာဒူရိုကို ရာထူးကနေ ဆင်းပေးဖို့ အမေရိကန်အစိုးရက ဆက်လက်ဖိအားပေးနေနိုင်ပါတယ်။ မာဒူရိုဘက်ကလည်း အစွမ်းကုန် ခုခံတွန်းလှန်မယ့်ပုံပါ။ တကယ်လို့ စစ်ပွဲဖြစ်ခဲ့ရင်တော့ အခြားလက်တင်အမေရိက နိုင်ငံတွေအပေါ်လည်း အကျိုးသက်ရောက်မှုတွေ ရှိလာမှာ ဖြစ်ပါတယ်။ ဗင်နီဇွဲလားကို အမေရိကန်ရဲ့ ပိတ်ဆို့အရေးယူမှုတွေနဲ့ ရေနံနိုင်ငံတွေအပေါ် နှစ်ပေါင်းများစွာ ချုပ်ကိုင်ထားတဲ့ အမေရိကန်စီးပွားရေး အကျပ်အတည်းကြောင့်၂၀၁၄ ခုနှစ်ကစလို့ ပြည်သူ ၈ သန်းကျော် နိုင်ငံပြည်ပကို ရွှေ့ပြောင်းထွက်ခွာပြီး ဖြစ်ပါတယ်။ “တကယ်လို့ နှစ်ဖက်စလုံးက ထိပ်တိုက်ရင်ဆိုင်ဖို့ လုပ်မယ်ဆိုရင်တော့ နောက်ထပ် ရွှေ့ပြောင်းမှု လှိုင်းကြီး ပေါ်လာဦးမှာပါ။ ဘယ်လောက်များတဲ့ ရွှေ့ပြောင်းမှုဖြစ်မလဲဆိုတာကတော့ မခန့်မှန်းနိုင်သေးပါဘူး” လို့ ပီနာက ဆိုပါတယ်။ ဘာသာပြန်သူ- အက္ခရာ (Al Jazeera သတင်းဌာနမှာ ဖော်ပြခဲ့တဲ့ Elizabeth Melimopoulos နဲ့ Sarah Shamim တို့ ပူးပေါင်းရေးသားတဲ့ “Trump approves CIA operations in Venezuela: What we know, and what’s next” ကို ဘာသာပြန်ဖော်ပြလိုက်ခြင်း ဖြစ်ပါတယ်။ )

◾မာဒူရိုနှင့် ဇနီးအား အိပ်ခန်းအတွင်းမှ ဖမ်းခဲ့၊ အမေရိကန်တွင် တရားရင်ဆိုင်ရမည် ဗင်နီဇွဲလားသမ္မတ နီကိုလပ်စ်မာဒူရိုနှင့် ဇနီး စီလီယာဖလော်ရက်စ်တို့အား ဖမ်းမိခဲ့သော စီးနင်းမှုအအတွင်း အမေရိကန်တပ်ဖွဲ့များက ၎င်းတို့ကို အိပ်ခန်းအတွင်းမှ ဆွဲထုတ်ဖမ်းဆီးခဲ့သည်ဟု CNN သတင်းတစ်ရပ်အရ သိရသည်။ မာဒူရိုတို့ လင်မယားအိပ်နေချိန် ည သန်းခေါင်တွင် ဖမ်းဆီးခဲ့သည်ဟု သတင်းရင်းမြစ်များက ဆိုသည်။ အမေရိကန် ဒယ်လ်တာအထူးတပ်ဖွဲ့များက လုပ်ဆောင်ခဲ့သည့် စစ်ဆင်ရေးတွင် အမေရိကန်ဘက်မှ မည်သည့်ထိခိုက်သေဆုံးမှုမှ မရှိခဲ့ကြောင်း ကန်အရာရှိကြီးတစ်ဦးက ပြောသည်။ ဗင်နီဇွဲလားသမ္မတမာမာဒူရိုအား ဖမ်းဆီးခဲ့သော စစ်ဆင်ရေးတွင် အထူးတပ်ဖွဲ့များနှင့်အတူအက်ဖ်ဘီအိုင်အရာရှိများလည်း လိုက်ပါခဲ့ကာ ယခုအခါ မာဒူရိုအား ၎င်းတရားရင်ဆိုင်ရမည့် နယူးယောက်မြို့သို့ ပို့ဆောင်ရန် စီစဥ်နေပြီဟု သိရသည်။ မာဒူရိုနှင်နှင့် ဗင်နီဇွဲလား ထိပ်တန်းစစ်ဘက် အရာရှိကြီးများအား တရားစွဲဆိုနိုင်ရန် အမေရိကန်မူးယစ်ဆေးဝါးဖမ်းဆီးနှိမ်နင်းရေးအဖွဲ့က နှစ်ပေါင်းများစွာ လုပ်ဆောင်ခဲ့သည်ဟု ကန်ဥပဒေစည်းကြပ်ရေးအရာရှိများက ဆိုသည်။ အဆိုပါ ပြင်ဆင်မှုများမှာ နောက်ပိုင်းတွင် လူသိရှင်ကြားထုတ်ပြန်မည့် စွဲချက်များအတွက် အခြေခံလည်း ဖြစ်သည်။ ဗင်နီဇွဲလားတွင် ဖမ်းဆီးခံခဲ့ရပြီးနောက် မာဒူရိုသည် အမေရိကန်မြေပေါ်မှ အမေရိကန်တရားရုံးများတွင် အမေရိကန် တရားရေးစနစ်၏ အမျက်ဒေါသအပြည့်အဝနှင့်ရင်ဆိုင်ရလိမ့်မည်ဟု ကန်တရားသူကြီးချုပ် မစ္စ်ပမ်ဘွန်ဒီက ပြောကြားခဲ့သည်။ သတင်း - ရဲမင်း ကိုးကား - CNN #နိုင်ငံတကာသတင်း

သွေ;ပျစ်တာ၊ ခြေလက်တွေ ထုံကျင်တာ၊ ခေါင်းတစ်ခြမ်းကိုက်တာ (Migraine)၊ ခေါင်းမူးဝေတာမျိုး ခဏခဏ ဖြစ်ရင်... အဘွားတို့ ရှေးလူကြီးမိဘတွေကတော့ အိမ်နောက်ဖေးက ပူစီနံ (Mint) နဲ့ ဆွမ်းမွှေး (Pandan) အရွက်မွှေးမွှေးလေးတွေကိုပဲ ခူး၊ ဆေးကြောပြီး ဆေးဖက်ဝင်ရေနွေးကြမ်းအဖြစ် ကျိုသောက်ခိုင်းတာပဲ မြေးရဲ့။ ဒါကို သောက်လိုက်ရင် ခေါင်းကြည်သွားမယ်၊ သွေးလေလည်ပတ်မှု ကောင်းပြီး တစ်ကိုယ်လုံး ပေါ့ပါးလန်းဆန်းသွားမယ်လို့ အဘွားက ပြောတယ်။ ​🌿🍃 ပူစီနံနဲ့ ဆွမ်းမွှေးရွက်ရည် ကျိုသောက်ခြင်းရဲ့ အကျိုးကျေးဇူးများ.... • ​သွေးလေလည်ပတ်မှု - သွေးပျစ်ခြင်းကို သက်သာစေပြီး သွေးလည်ပတ်မှုကို အားကောင်းစေတယ်။ • ​ထုံကျင်မှုကင်းဝေး - ခြေဖျားလက်ဖျားတွေ ထုံတာ၊ ကျင်တာတွေကို သက်သာစေတယ်။ • ​သွေးကြောကျန်းမာရေး - သွေးခဲပိတ်ခြင်းနဲ့ သွေးကြောထဲ အဆီပိတ်ခြင်းအန္တရာယ်ကို သဘာဝအတိုင်း ကာကွယ်ပေးတယ်။ • ​ဝေဒနာပျောက်ကင်း - ခေါင်းတစ်ခြမ်းကိုက်တာ (Migraine) နဲ့ ခေါင်းကိုက်ဝေဒနာတွေကို သက်သာစေတယ်။ • ​မူးဝေမှုသက်သာ - ခေါင်းမူးတာ၊ မျက်စိပြာတာနဲ့ ရုတ်တရက် မူးလဲချင်သလို ဖြစ်တာတွေကို သက်သာစေတယ်။ • ​အတွင်းပိုင်းသန့်စင် - ခန္ဓာကိုယ်ထဲက ရောင်ရမ်းမှုတွေကို လျှော့ချပေးပြီး လေပွတာ၊ ရင်ပြည့်တာတွေကို ဖယ်ရှားပေးတယ်။ • ​စိတ်ရောကိုယ်ပါ လန်းဆန်း - အသက်ရှူရတာ ချောမွေ့စေပြီး အာရုံကြောတွေကို ပြေလျော့စေလို့ ညဘက်ဆိုလည်း အိပ်ပျော်ရတာ သိပ်ကောင်းတာ။ • ​နှလုံးနဲ့ ကိုယ်ခံအား - နှလုံးခုန်နှုန်းကို မှန်စေသလို၊ ကိုယ်ခံအားကို မြှင့်တင်ပေးလို့ ဖျားနာတာတွေလည်း နည်းသွားတာပေါ့။ • ​နုပျိုလန်းဆန်း - အသက်အရွယ်ကြောင့် ဖြစ်တတ်တဲ့ ပင်ပန်းနုံးချည့်မှုတွေကို ပြန်လည်အားဖြည့်ပေးတယ်။ ​🍵 အဘွားရဲ့ လွယ်ကူသော ပူစီနံ-ဆွမ်းမွှေးရည် ကျိုနည်း 1. ​ပူစီနံရွက်လတ်လတ်ဆတ်ဆတ် တစ်ဆုပ်ခန့် (သန့်စင်အောင် ဆေးကြောပါ)။ 2. ​ဆွမ်းမွှေးရွက် ၂-၃ ရွက် (အနံ့လေးထွက်အောင် အတုံးလေးများ လှီးထားပါ)။ 3. ရေသန့် ၁ လီတာ။ ပြုလုပ်ပုံ အိုးထဲ ရေထည့်ပြီး ဆူအောင်အရင်တည်ပါ။ ရေဆူပြီဆိုမှ ပူစီနံနဲ့ ဆွမ်းမွှေးရွက်တွေ ထည့်လိုက်ပါ။ မီးအေးအေးလေးနဲ့ ၅ မိနစ်ကနေ ၁၀ မိနစ်လောက် ဆက်ထားလိုက်ရင် မွှေးပျံ့တဲ့ ဆေးရည်လေး ရလာပြီ။ အရည်ကို စစ်ထုတ်ပြီး နွေးနွေးလေး သောက်ပေးရုံပဲ။ ​🥄 သောက်သုံးရန် အညွှန်း • ​တစ်နေ့လျှင် ၁ ဖန်ခွက် (မနက် သို့မဟုတ် ညနေ) သောက်ပါ။ • ​၅ ရက်မှ ၇ ရက် ဆက်တိုက်သောက်ပြီးလျှင် ခဏနားပေးပါ။ ​👵 အဘွားက မြေးကို မှာချင်တာလေးကတော့... "မြေးရေ... သဘာဝဆေးဖက်ဝင်အပင်ဆိုတာ တော်ရုံတန်ရုံပဲ သောက်ရတယ်၊ အလွန်အကျွံ မလုပ်ရဘူး။ ရှေးလူကြီးတွေကတော့ ဒီလိုပဲ ရိုးရိုးရှင်းရှင်းလေး နေထိုင်ရင်း ကိုယ့်ကျန်းမာရေးကို ဂရုစိုက်ကြတာ။ မီးဖိုချောင်ထဲက သာမန်အရွက်လေးတွေပေမဲ့ အသုံးပြုတတ်ရင်တော့ တစ်အိမ်လုံးအတွက် ဘေးကင်းတဲ့ ဆေးကောင်းလေးတွေ ဖြစ်လာနိုင်တာပေါ့ မြေးရဲ့။" ❤️🌿 MON SOUNG #MONSOUNG

Venezuela သမ္မတ Nicolás Maduro ကို အမေရိကန်စစ်တပ်မှာ ဖမ်းပြီးနောက် ပထမဆုံး ထွက်လာတဲ့ ဓါတ်ပုံပါ #venezuela #usa

Maduro ကို ဖမ်းဆီးခဲ့ပုံ ---------------------- အမေရိကန်ဟာ လနဲ့ချီပြီး ဗင်နီဇွဲလားကို ပိတ်ဆို့ထားခဲ့ပါတယ်။ တရုတ်နဲ့ ရုရှားက ဗင်နီဇွဲလားဘက်က ထောက်ခံတယ်လို့ ပြောနေပေမယ့် လက်တွေ့အကူအညီ မပေးခဲ့ပါဘူး။ နောက်ပိုင်းမှာ တရုတ်က အမေရိကန်ရဲ့ လုပ်ရပ်ကို လက်မခံနိုင်ဘူးလို့ ပြောခဲ့သလို ဗင်နီဇွဲလားကို ရှီကျင့်ပင်က သူ့ရဲ့ အထူးကိုယ်စားလှယ် စေလွှတ်ခဲ့ပါတယ်။ အထူးကိုယ်စားလှယ်နဲ့ ဗင်နီဇွဲလားသမ္မတ Maduro တို့ တွေ့ဆုံကြပြီး စွမ်းအင်နဲ့ အခြေခံအဆောက်အအုံလိုအပ်ချက်တွေကို ဆွေးနွေးကြတယ်လို့ သတင်းထုတ်ပြန်ပါတယ်။ ဒီ့နောက်မှာ CIA က Maduro ရဲ့ တည်နေရာကို အတည်ပြုပေးခဲ့ပါတယ်။ အမေရိကန်ဟာ ဗင်နီဇွဲလားနိုင်ငံထဲကို Jamming တွေနဲ့ စနစ်တွေကို နှောင့်ယှက်ခဲ့သို ကိုယ်ပျောက်ရဟတ်ယာဉ်တွေသုံးခဲ့ပါတယ်။ ရုရှားကပေးတဲ့ ရေဒါစနစ်တွေမှာ အမေရိကန်လေယာဉ်တွေ တစီးမှ ပေါ်မလာခဲ့ပါဘူး။ အဲဒါပြီးတဲ့နောက် ဗင်နီဇွဲလား စံတော်ချိန် ည ၂ နာရီမှာ အမေရိကန်စစ်တပ်က Black Hawk အပါဝင် ရဟတ်ယာဉ်တွေဟာ မြို့တော် Caracas ထဲ ဝင်လာပြီး စစ်စခန်းတွေကို ပစ်ခတ်တိုက်ခိုက်ခဲ့ပါတယ်။ အဲဒါနဲ့ တပြိုင်နက်မှာပဲ ရဟတ်ယာဉ်ပေါ်ကနေ အမေရိကန်ရဲ့ Delta Force အဖွဲ့ဝင်တွေက ဆင်းလာပြီး သမ္မတနန်းတော်ထဲကို ပစ်ခတ်ပြီး ဝင်ရောက်သွားပါတယ်။ အိုစမာဘင်လာဒင်ကို သုတ်သင်တုန်းက သုံးခဲ့တဲ့ ရဟတ်ယာဉ်တွေဖြစ်ပြီး အသံတိုးလွန်းတာကြောင့် နန်းတော်ပေါ်ကို ရောက်နေတာတောင် ဗင်နီဇွဲလားစစ်တပ်က မသိပါဘူး။ ဒီဖြစ်စဉ်တွေကို Trump တို့က အမေရိကန်ကနေ Live ကြည့်နေတာပါ။ နောက်တော့ သမ္မတအိပ်ခန်းထဲကို ဝင်ရောက်ပြီး အိပ်နေတဲ့ Maduro နဲ့ သူ့မိန်းမကို အတင်းဆွဲခေါ်ပြီး ရဟတ်ယာဉ်ပေါ် တင်ပြီး ကာရေဘီယံပင်လယ်ထဲမှာ ရပ်ထားတဲ့ USS Iwo Jima သင်္ဘောကြီးပေါ် ခေါ်ဆောင်သွားပါတယ်။ အဲဒီကနေပြီး အမေရိကန်ကို ထပ်မံ ခေါ်ဆောင်ခဲ့တာဖြစ်ပြီး New York မှာ အချုပ်ချထားပြီး အမှုရင်ဆိုင်ရမှာဖြစ်ပါတယ်။ ဗင်နီဇွဲလား ဒုသမ္မတကတော့ အခု မော်စကိုကို ထွက်ပြေးနေပြီလို့ သိရပါတယ်။ ဒီလို အထူး Military Operation မျိုးကို အမေရိကန်ကပဲ လုပ်ဆောင်နိုင်ပါတယ်။ ပူတင်ရဲ့ အထူးစစ်ဆင်ရေးကတော့ ၄ နှစ်ကျော်ကြာလာပြီး ရုရှားစစ်သား ၁.၆ သန်း သေဆုံးကာ ဒေါ်လာ ဘီလီယံ ၈၀၀ လောက် ကုန်နေပေမယ့် အကျိုးမထူးသေးပါဘူး။ အမေရိကန်ကတော့ ၂ နာရီထဲနဲ့ လူတယောက်မှ မသေပဲ အပြတ်ရှင်းနိုင်ခဲ့ပါတယ်။ တနည်းအားဖြင့် တရုတ်နဲ့ ရုရှားကို ပြင်းထန်တဲ့ မက်ဆေ့တခု ပို့လိုက်တာလဲ ဖြစ်ပါတယ်။

ဗင်နီဇွဲလား ကာကွယ်ရေးဦးစီးချုပ် သတိပေး - "ကျွန်ုပ်တို့ ဘယ်တော့မှ လက်နက်ချမှာ မဟုတ်ဘူး" ကာရာကတ်စ်၊ ဇန်နဝါရီ ၃၊ ၂၀၂၆ ဗင်နီဇွဲလား ကာကွယ်ရေးဝန်ကြီး ဗလာဒီမာ ပါဒရီနို (Vladimir Padrino) သည် စနေနေ့ နံနက်အစောပိုင်းက မြို့တော်ကာရာကတ်စ်တွင် ဖြစ်ပွားခဲ့သော အမေရိကန်၏ စစ်ရေးစစ်ဆင်မှုကို ပြင်းပြင်းထန်ထန် ရှုတ်ချလိုက်ပြီး ၎င်းတို့အစိုးရအနေဖြင့် ဝါရှင်တန်၏ ဖိအားပေးမှုကို အရှုံးပေးမည်မဟုတ်ကြောင်း ကြေညာလိုက်သည်။ #အဓိကပြောကြားချက်များ * ကျူးကျော်မှုကို ရှုတ်ချခြင်း: ပါဒရီနိုက ယခုစစ်ဆင်ရေးသည် ဗင်နီဇွဲလားနိုင်ငံ၏ သမိုင်းတစ်လျှောက် အကြီးမားဆုံးသော စော်ကားမှုဖြစ်ပြီး "ရွံရှာဖွယ်ကောင်းသော ရာဇဝတ်မှု" ဖြစ်သည်ဟု ဗီဒီယိုသတင်းစကားမှတစ်ဆင့် ပြောကြားခဲ့သည်။ * အရပ်သားထိခိုက်မှု: အမေရိကန် ရဟတ်ယာဉ်များသည် လူနေထူထပ်သော မြို့ပြဧရိယာများအတွင်း ဒုံးကျည်များဖြင့် ပစ်ခတ်ခဲ့ကြောင်း၊ လက်ရှိတွင် သေဆုံးနှင့် ဒဏ်ရာရရှိသူစာရင်းကို ကောက်ယူနေဆဲဖြစ်ကြောင်း ၎င်းက စွပ်စွဲပြောဆိုသည်။ * #ခုခံစစ်ဆင်နွှဲမည်: "ကျွန်ုပ်တို့ ဘယ်တော့မှ ညှိနှိုင်းမှာမဟုတ်ဘူး၊ လက်နက်ချမှာလည်း မဟုတ်ဘူး၊ အောင်ပွဲရအောင် တိုက်ထုတ်သွားမယ်" ဟု ပါဒရီနိုက ဆိုပြီး နိုင်ငံသားများနှင့် စစ်သည်တော်များအားလုံး ကျူးကျော်သူများကို တွန်းလှန်ရန် တိုက်တွန်းခဲ့သည်။ #နောက်ခံအခြေအနေ အမေရိကန်သမ္မတ ဒေါ်နယ်ထရန့်က ဗင်နီဇွဲလားသမ္မတ နီကိုးလပ်စ်မာဒူရိုနှင့် ၎င်း၏ဇနီးကို ဖမ်းဆီးရမိပြီး နိုင်ငံပြင်ပသို့ ခေါ်ဆောင်သွားပြီဖြစ်ကြောင်း Truth Social မှတစ်ဆင့် ကြေညာခဲ့ပြီးနောက် ကာကွယ်ရေးဝန်ကြီး၏ ယခုတုံ့ပြန်မှု ထွက်ပေါ်လာခြင်းဖြစ်သည်။ သို့သော် ပါဒရီနို၏ မိန့်ခွန်းတွင် မာဒူရို ဖမ်းဆီးခံရသည့်ကိစ္စကို တိုက်ရိုက်ရည်ညွှန်းပြောဆိုခြင်း မရှိဘဲ "မာဒူရို၏ အမိန့်အရ" စစ်တပ်တစ်ခုလုံးကို ဖြန့်ကြက်ထားကြောင်းသာ ပြောကြားခဲ့သည်။ #MwoGoldWTICurrency #VenezuelaResistance #PadrinoLopez #USInvasion2026 #GoldMarketUpdate #OilTrend #BreakingNews

ဗင်နီဇွဲလားကို အမေရိကန် အုပ်ချုပ်မယ်လို့ ဒေါ်နယ်ထရမ့် ပြော အေတီ/BVJ_ဒီဇင်ဘာ၃၊၂၀၂၆ ဗင်နီဇွဲလားနိုင်ငံ မြို့တော် ကရာကက်စ် ထဲကို ရဟတ်ယာဥ်နဲ့ဝင်ပြီး သမ္မတ နီကိုလစ်မာဒူရို ကို ဖမ်းဆီးခဲ့ပြီးနောက် အမေရိကန်က ဗင်နီဇွဲလားကို အုပ်ချုပ်မယ်လို့ ‌ဒေါ်နယ်ထရမ့်က ပြောလိုက်ပါတယ်။ "ဘေးကင်းလုံခြုံပြီး သင့်လျော်တဲ့၊ တရားမျှတတဲ့ အသွင်ကူးပြောင်းရေး လုပ်ဆောင်နိုင် တဲ့အချိန်အထိ ဗင်နီဇွဲလားနိုင်ငံကို ကျွန်တော်တို့ အုပ်ချုပ်သွားမှာပါ" လို့ ဖလော်ရီဒါပြည်နယ် မာ-အာ-လာဂိုမှာပြုလုပ်တဲ့ သတင်းစာရှင်းလင်းပွဲမှာ ဒေါ်နယ်ထရမ့်က ပြောကြားခဲ့တာဖြစ်ပါတယ်။ ဗင်နီဇွဲလားနိုင်ငံက အခြေခံအဆောက်အအုံတွေ “ပြုပြင်”ဖို့နဲ့ နှင့် “ငွေရှာရန်”အတွက် အမေရိကန် ရေနံကုမ္ပဏီတွေ ဗင်နီဇွဲလားနိုင်ငံကို စေလွှတ်မယ်လို့လဲ သူ့မိန့်ခွန်းထဲမှာ ထည့်ပြောခဲ့ပါတယ်။ ပြီးတော့ လိုအပ်လာရင်လဲ ဗင်နီဇွဲလားကို ဒုတိယအကြိမ်တိုက်ခိုက်မှုလုပ်မယ်လို့ ဒေါ်နယ်ထရမ့်က ပြောခဲ့ပါသေးတယ်။ "အာဏာရှင်နဲ့ အကြမ်းဖက်သမား မာဒူရိုရဲ့ အချန်က ပြီးဆုံးသွားပြီ။ နောက်ဆုံးတော့ ဗင်နီဇွဲလား ပြည်သူတွေ လွတ်မြောက်သွားပြီ။အမေရိကန်နိုင်ငံကလဲ ပိုလုံခြုံတဲ့နိုင်ငံဖြစ်သွားပြီ "လို့လည်း သူ့မိန့်ခွန်းထဲမှာထည့်ပြောခဲ့ပါတယ်။ ဗင်နီဇွဲလားကို တိုက်ခိုက်မယ့် စစ်ဆင်ရေးကို လ‌နဲ့ချီ စီစဥ်ထားတာဖြစ်ကြောင်း ပူးတွဲစစ်ဦးစီးချုပ်များအဖွဲ့ ဥက္ကဋ္ဌ ဗိုလ်ချုပ်ကြီး Dan Caine က အထက်ပါသတင်း စာရှင်းလင်းပွဲမှာပြောခဲ့ပါတယ်။ အမေရိကန် မရိမ်းတပ်က ဟယ်လီကော်ပတာတွေက ဒေသစံတော်ချိန် မနက်၁နာရီမှာ ကရာကက်စ်မြို့က မာဒူရိုရဲ့ ခြံဝင်းထဲကို ဆင်းပြီး မာဒူရိုတို့လင်မယားကို ဖမ်းခေါ်ခဲ့တာဖြစ်ပါတယ်။ မာဒူရိုရဲ့ ခြံထဲ ဟယ်လီကော်ပတာတွေဆင်းတဲ့အချိန်ကနေ သူတို့လင်မယားကို အမေရိကန်စစ် သင်္ဘော USS Iwo Jima ပေါ်ခေါ်လာတဲ့အချိန်က ၂နာရီခွဲမကြာဘူးလို့ ဗိုလ်ချုပ်ကြီး Dan Caine က သတင်းစာရှင်းလင်းပွဲမှာပြောပါတယ်။

သမ္မတ မာဒူရို နဲ့ ဇနီးဖြစ်သူ အသက်ရှင်သေးကြောင်း အထောက်အထားပြဖို့ ဒုသမ္မတ ဒယ်လ်ဆီ ရိုဒရီဂွက်ဇ်ပြော Connect Burma၊ ဇန်နဝါရီ ၃ သမ္မတ မာဒူရို နဲ့ ဇနီးဖြစ်သူ လက်ရှိမှာ ဘယ်နေရာကို ရောက်မှန်း မသိရသေးကြောင်း နဲ့ အမေရိကန် က ဖမ်းထားတယ်ဆိုရင် အသက်ရှင်သေးကြောင်း အထောက်အထားပြဖို့ ဗင်နီဇွဲလား ဒုသမ္မတ ဒယ်လ်ဆီ ရိုဒရီဂွက်ဇ်ပြောကြားလိုက်ပါတယ်။ ဗင်နီဇွဲလား နိုင်ငံပိုင်ရုပ်သံလိုင်းက တစ်ဆင့် ဒုတိယသမ္မတ ဒယ်လ်ဆီ ရိုဒရီဂွက်ဇ်မာဒူရို နဲ့ ဇနီးဖြစ်သူ ဖလောရက်စ်တို့ကို အမေရိကန် ဖမ်းဆီးသွားကြောင်း တိုက်ရိုက်အတည်မပြုပေမယ့် လက်ရှိအချိန်ထိ သမ္မတ နဲ့ ဇနီးဖြစ်သူ ဘယ်နေရာမှာ ရှိတယ်ဆိုတာ မသိကြောင်း ပြောဆိုခဲ့ပါတယ်။ မာဒူရိုရဲ့ အရင်းနှီးဆုံး မဟာမိတ်တစ်ဦးဖြစ်သူ ရိုဒရီဂွက်ဇ်က “ သူတို့ ဇနီးမောင်နှံကို ဖမ်းဆီးထားတာ မှန်ရင် အသက်ရှင်သေးကြောင်း အထောက်အထားကိုချက်ချင်းပြပါ” လို့ လည်းပြောဆိုခဲ့ပါတယ်။ ဒါ့အပြင် ရိုဒရီဂွက်ဇ်က အမေရိကန် စစ်တပ်ဟာ အပြစ်မဲ့ ဗင်နီဇွဲလား ပြည်သူတွေ ဖြစ်တဲ့ အမျိုးသား၊ အမျိုးသမီး နဲ့ ကလေးငယ်တွေကို သတ်ဖြတ်နေတယ်လို့ ပြောပါတယ်။ အလားတူပဲ ကျူးကျော်စစ်ရဲ့ နောက်ဆက်တွဲ အခြေအနေတွေကို သုံးသပ်သွားမယ်လို့ သူက ဆက်လက်ပြောကြားခဲ့ပါတယ်။ အမေရိကန် စစ်တပ်ဟာ ဗင်နီဇွဲလား နိုင်ငံကို အာရုက်မတက်မီ မနက်အစောပိုင်း စတင်တိုက်ခိုက်မှုတွေ ပြုလုပ်ခဲ့ပြီး သမ္မတ မာဒူရိုနဲ့ ဇနီးဖြစ်သူကို ဖမ်းဆီးကာနိုင်ငံပြင်ပကို ခေါ်ဆောင်သွားပြီဖြစ်ကြောင်း အမေရိကန် သမ္မတ ဒေါ်နယ်ထရမ့်က သူ့ရဲ့ လူမှုကွန်ရက်မှာရေးသားထားခဲ့ပါတယ်။ ဗင်နီဇွဲလားအစိုးရရဲ့ ထုတ်ပြန်ချက်ထဲ မှာ ဒါဟာ ဝါရှင်တန်ရဲ့ အလွန်ပြင်းထန်တဲ့ စစ်ရေးကျူးကျော်မှုလို့ ပြောဆိုထားပြီး လက်တင်အမေရိက ဒေသတစ်ခုလုံးကို ပရမ်းပတာဖြစ်အောင် လုပ်ဆောင်နေတာလို့ ထုတ်ပြန်ထားပါတယ်။ "ဒီနယ်ချဲ့ကျူးကျော်မှုကို ကျော်လွှားအနိုင်ယူဖို့ တစ်နိုင်ငံလုံး အင်အားစုစည်းရပါမယ်"လို့လည်း ဒုသမ္မတ ဒယ်လ်ဆီ ရိုဒရီဂွက်ဇ်ပြောကြား ဗင်နီဇွဲလားအစိုးရရဲ့ ထုတ်ပြန်ချက်မှာ ကရာကတ်စ်မြို့အပြင် မီရန်ဒါ (Miranda)၊ လာဂွိုင်ရာ (La Guaira) နဲ့ အာရာဂွာ (Aragua) ပြည်နယ်သုံးခုတို့ပါ တိုက်ခိုက်ခံခဲ့ရကြောင်း အတည်ပြုခဲ့ပါတယ်။ ဗင်နီဇွဲလား ရဲ့ အိမ်နီးချင်း ကိုလံဘီယာနိုင်ငံရဲ့ သမ္မတ ဂူစတာဗို ပက်ထရိုက ဗင်နီဇွဲလားနိုင်ငံသည် တိုက်ခိုက်ခံနေရပြီဖြစ်ကြောင်း လူမှုကွန်ရက်စာမျက်နှာမှတစ်ဆင့် ပြောကြားခဲ့ပါတယ်။ "အခုအချိန်မှာ သူတို့ဟာ ကရာကတ်စ်မြို့ကို ဗုံးကြဲနေကြပြီ၊ ဒုံးကျည်တွေနဲ့ ပစ်ခတ်တိုက်ခိုက်နေတာပါ" လို့ ဂူစတာဗို ပက်ထရိုက X လူမှုကွန်ရက်ရေးသားခဲ့ပြီး ကုလသမဂ္ဂ လုံခြုံရေးကောင်စီကို အရေးပေါ်အစည်းအဝေး ချက်ချင်းခေါ်ယူရန် တောင်းဆိုထားပါတယ်။ #ConnectBurma #Explosions #Venezuelan #Caracas #USArmy

ထရမ့် ထုတ်ပြလာတဲ့ ဗင်နီဇွဲလား သမ္မတ ဓာတ်ပုံ ဇန်နဝါရီ - ၃ ၊၂၀၂၆ ဗင်နီဇွဲလားနိုင်ငံထဲ အထူးတပ်ဖွဲ့သုံးပြီး ဝင်ရောက်ဖမ်းဆီးခေါ်ဆောင်လာတဲ့ သမ္မတနစ်ကိုလက်စ် မာဒူရို ရဲ့ ဓာတ်ပုံကို အမေရိကန်သမ္မတ ဒေါ်နယ်ထရမ့်က သူတည်ထောင်ထားတဲ့ လူမှုကွန်ရက် Truth က နေထုတ်ပြလာပါတယ်။ "အမေရိကန်စစ်ရေယာဉ် USS Iwo Jima ပေါ်က နစ်ကိုလက်စ်မာဒူရို" ဆိုပြီး ထရမ့်က ဓာတ်ပုံဖော်ပြလာတာပါ။ ပုံမှာတော့ ခဲရောင် အနွေးထည်ဝတ်ထားပြီး မျက်လုံးကို ဖုံးထားကာ လက်ထိပ်ခတ်ခံထားရတဲ့ ဗင်နီဇွဲလားသမ္မတနစ်ကိုလက်စ်မာဒူရိုကို တွေ့ရပါတယ်။ လက်ထဲမှာတော့ သောက်စရာ ရေတစ်ဘူးထည့်ပေးထားပါတယ်။ အမေရိကန်ရဲ့ ဖမ်းဆီးခြင်းကို ခံခဲ့ရတဲ့ ဗင်နီဇွဲလား သမ္မတနဲ့ ဇနီးဖြစ်သူတို့ အသက်ရှင်နေသေးကြောင်း အထောက်အထား ပြသဖို့ ဗင်နီဇွဲလား အစိုးရက တောင်းဆိုထားတာပါ။ အမေရိကန်ဟာ လအတော်ကြာ အချိန်ယူ ပြင်ဆင်ခဲ့တဲ့ စစ်ဆင်ရေးအပြီး ဇန်နဝါရီ ၃ ရက် မနက်အစောပိုင်းမှာ ဗင်နီဇွဲလားနိုင်ငံ၊ ကရာဆက်စ်မြို့ကို စစ်ဆင်ရေးတစ်ခု ဆင်နွှဲ တိုက်ခိုက်ပြီး မာဒူရိုနဲ့ ဇနီးဖြစ်သူ စီလီယာ ဖလောရက်စ်တို့ကို ဖမ်းဆီးသွားခဲ့ပါတယ်။ အမေရိကန် သမ္မတ ဒေါ်နယ်လ်ထရမ့်က မာဒူရိုနဲ့ ဖလောရက်စ်တို့ကို အောင်အောင်မြင်မြင် ဖမ်းဆီးပြီး ဗင်နီဇွဲလား ပိုင်နက် အပြင်ဖက်ကို ခေါ်ထုတ်နိုင်ခဲ့ပြီလို့ လူမှုကွန်ရက် မီဒီယာ Truthမှာ ကြေညာခဲ့ပါတယ်။ အဲဒီ စစ်ဆင်ရေးကို အမေရိကန်ရဲ့ တရားဥပဒေ စိုးမိုးရေး အဖွဲ့အစည်းတွေနဲ့ပါ ပူးပေါင်း ဆောင်ရွက်ခဲ့ကြောင်း၊ နောက်ဆက်တွဲ အခြေအနေတွေကို ဆက်ပြီး ထုတ်ပြန်မှာဖြစ်ကြောင်း ထရမ့်က ရေးသားထားခဲ့ပါတယ်။ နောက်တော့ New York Times သတင်းဌာနရဲ့ ဖုန်းဆက် မေးမြန်းမှုကို ထရမ့်က ခပ်တိုတို ပြန်ဖြေခဲ့ရာမှာ မာဒူရိုကို လက်ရ ဖမ်းဆီးခဲ့တဲ့ စစ်ဆင် ရေးအတွက် ထူးကဲကောင်းမွန်တဲ့ ပြင်ဆင်မှုတွေ လုပ်ဆောင်ခဲ့သလို လူတော်တွေ၊ ထက်မြက်တဲ့ တပ်ဖွဲ့ဝင်တွေက ပူးပေါင်း အကောင်အထည် ဖော်ခဲ့တယ်လို့ ပြောကြားထားပါတယ်။ ထရမ့်ဟာ သမ္မတ နစ်ကိုလက်စ် မာဒူရိုရဲ့ အစိုးရကို မူးယစ်ဆေးဝါး မှောင်ခို လုပ်ငန်းတွေနဲ့ ဆက်နွှယ်ကြောင်း စွပ်စွဲထားပြီး မာဒူရိုကတော့ ငြင်းဆိုထားပါတယ်။ အမေရိကန်ဟာ ဗင်နီဇွဲလားနဲ့ ပတ်သက်တဲ့ ရေနံတင် သင်္ဘောတွေကို စီးနင်းသိမ်းယူတာ၊ မူးယစ်မှောင်ခို လှေတွေအဖြစ် စွပ်စွဲထားတဲ့ ရေယာဉ်တွေကို တိုက်ခိုက်နှစ်မြှုပ်တာတွေ လုပ်ဆောင်ခဲ့ပါတယ်။ နောက်ဆုံးမှာတော့ ဗင်နီးဇွဲလားနိုင်ငံထဲထိ အထူးတပ်ဖွဲ့သုံးကာ သမ္မတ နစ်ကိုလက်စ် မာဒူရို ကို ဝင်ရောက်ဖမ်းဆီးခဲ့တာလည်းဖြစ်ပါတယ်။

အသက်အရွယ်ကြောင့်ပဲဖြစ်ဖြစ်၊ အလုပ်ထဲမှာ မတ်တပ်ရပ်တာ များလို့ပဲဖြစ်ဖြစ် ခြေသလုံးနဲ့ ပေါင်တွေမှာ အကြောစိမ်းတွေ ထောင်တက်လာတာ၊ အကြောတွေ ထုံးလာတာ (Varicose Veins) တွေဟာ ကြည့်ရဆိုးရုံတင်မကဘဲ ခြေထောက်ကိုလည်း လေးလံ နာကျင်စေပါတယ်။ အခုဖော်ပြပေးမယ့် နည်းလမ်းလေးကတော့ "အကြောထုံး အဖျက်ဆေး" လို့တောင် တင်စားရလောက်အောင် ထိရောက်တဲ့ သဘာဝနည်းလမ်းကောင်းတစ်ခုပဲ ဖြစ်ပါတယ်။ ခွဲစိပ်စရာမလို၊ ငွေကုန်ကြေးကျ အများကြီးမရှိဘဲ ခဲဖျက်နဲ့ ဖျက်လိုက်သလိုမျိုး ဖောင်းကြွနေတဲ့ အကြောတွေကို တဖြည်းဖြည်း မှေးမှိန်ပျောက်ကွယ်သွားစေမှာပါ။ လိုအပ်တဲ့ ပစ္စည်းများ- 1. ကြက်သွန်ဖြူ - ၆ တက် (ပါးပါးလှီးထားပါ) 2. သံပရာရည် သို့မဟုတ် လိမ္မော်ရည် - အနည်းငယ် 3. သံလွင်ဆီ - စားပွဲတင်ဇွန်း ၂ ဇွန်း ပြုလုပ်ပုံအဆင့်ဆင့်- • ဖန်ပုလင်းသန့်သန့်တစ်ခုထဲကို လှီးထားတဲ့ ကြက်သွန်ဖြူ၊ သံလွင်ဆီနဲ့ သံပရာရည်တို့ကို ထည့်လိုက်ပါ။ • ပုလင်းကို သေချာပိတ်ပြီး (၁၂) နာရီခန့် နှပ်ထားပေးပါ။ • အသုံးမပြုခင် ပုလင်းကို သေချာလှုပ်ပြီး ဆေးရည်ကို လက်ချောင်းလေးတွေနဲ့ ယူပါ။ • အကြောထုံးနေတဲ့ နေရာတွေကို စက်ဝိုင်းပုံစံအတိုင်း (၁၅) မိနစ်ခန့် ညင်သာစွာ နှိပ်နယ်ပေးပါ။ • ပြီးရင်တော့ ပတ်တီး သို့မဟုတ် အဝတ်သန့်သန့်လေးနဲ့ ပတ်ထားပြီး တစ်ညသိပ်ထားနိုင်ရင် ပိုကောင်းပါတယ်။ ဒီနည်းလမ်းကို နေ့စဉ်ပုံမှန် လုပ်ဆောင်ပေးမယ်ဆိုရင် ရက်သတ္တပတ် အနည်းငယ်အတွင်းမှာပဲ ဖောင်းကြွနေတဲ့ အကြောတွေ မှေးမှိန်သွားပြီး ခြေထောက်တွေ ပေါ့ပါးလာတာကို ခံစားရမှာပါ။ သဘာဝနည်းလမ်းဖြစ်လို့ ဘေးထွက်ဆိုးကျိုးလည်း ကင်းဝေးစေပါတယ်နော်။ ဒီဆေးနည်းလေးက အသုံးဝင်တယ်ဆိုရင် ကိုယ့်ရဲ့ မိသားစုဝင်တွေနဲ့ သူငယ်ချင်းတွေကိုပါ မျှဝေပေးလိုက်ပါဦးရှင်။ 🥰 #yoyocooking #ကျန်းမာရေး #ဆေးနည်း #အကြောထုံး #အကြောပြတ် #သဘာဝဆေးနည်း

ဗင်နီဇွဲလားအပေါ် အမေရိကန်ရဲ့ တိုက်ခိုက်မှုကို စိုးရိမ်သလို ကန့်ကွက်ရှုတ်ချဟု ရုရှားပြော ၃ ဇန်နဝါရီ ၂၀၂၆ လွတ်လပ်တဲ့ အချုပ်အခြာ အာဏာပိုင် နိုင်ငံတနိုင်ငံဖြစ်တဲ့ ဗင်နီဇွဲလားအပေါ် အမေရိကန်ရဲ့ စစ်ရေးအရ ဝင်ရောက်တိုက်ခိုက်မှုကို စိုးရိမ်မိသလို ကန့်ကွက်ရှုတ်ချကြောင်း ရုရှား နိုင်ငံခြားရေးဝန်ကြီးဌာနက ဇန်နဝါရီ ၃ ရက်စွဲနဲ့ သတင်းထုတ်ပြန်ပါတယ်။ စစ်ရေးအရ ဝင်ရောက်တိုက်ခိုက်ဖို့ ခိုင်လုံတဲ့ အကြောင်းတရား မရှိဘဲ အမေရိကန်က တိုက်ခိုက်ခဲ့တာလို့ ထုတ်ပြန်ချက်မှာ ဖော်ပြပါတယ်။ ဗင်နီဇွဲလား ပြည်သူတွေနဲ့အတူ စည်းလုံးညီညွတ်စွာ ရပ်တည်သလို ကုလသမဂ္ဂ လုံခြုံရေးကောင်စီ အရေးပေါ်အစည်းအဝေး ခေါ်ဖို့ တောင်းဆိုချက်တွေကိုလည်း ထောက်ခံတယ်လို့ ထုတ်ပြန်ချက်က ဆိုပါတယ်။ ဗင်နီဇွဲလား ပြည်တွင်းရေးကို ပြည်ပက ဝင်ရောက်စွက်ဖက်တာမျိုး မလုပ်သင့်သလို လက်တင်အမေရိကန်ဟာ ငြိမ်းချမ်းရေးဇုန်တခုအဖြစ် ဆက်လက် တည်ရှိနေရေးဟာ ရုရှား အစိုးရရဲ့ မူဝါဒဖြစ်တယ်လို့လည်း သတင်း ထုတ်ပြန်ချက်မှာ ဖော်ပြထားပါတယ်။ အမေရိကန်က ဖမ်းဆီးသွားတဲ့ ဗင်နီဇွဲလား သမ္မတ နီကိုလပ်စ် မာဒူရိုနဲ့ ပတ်သက်လို့တော့ ရုရှား နိုင်ငံခြားရေးဝန်ကြီးဌာန သတင်းထုတ်ပြန်ချက်မှာ တစုံတရာ ဖော်ပြမထားပါဘူး။ #BNN

နီကိုလက်စ် မာဒူရိုဖမ်းဆီးခံရသည့်အတွက် လမ်းမများပေါ်တက်က ပျော်ရွှင်အောင်ပွဲခံနေသော ဗင်နီဇွဲလားပြည်သူများ။ Sar K

သမ္မတ ပျောက်သွားပြီလို့ ဗင်နီဇွဲလား ဒုသမ္မတ Delcy Rodríguez က ကြေညာလိုက်ပါတယ်။ မာဒူရို အသက်ရှင်တယ်ဆိုတာကို သက်သေပြဖို့လည်း သူက တောင်းဆိုပါတယ်။ အမေရိကန်က ဘင်လာဒင်ကို ပင်လယ်ထဲပစ်ချခဲ့တဲ့ သာဓကလည်း ရှိဖူးပါတယ်။

မာဒူရို ဖမ်းခံရပြီးနောက် အောင်ပွဲခံနေသည့် ဗင်နီဇွဲလားနိုင်ငံသားများ ******************* ဗင်နီဇွဲလားသမ္မတ နီကိုးလပ်စ် မာဒူရို ဖမ်းဆီးခံရပြီဆိုသည့်သတင်း ပြန့်နှံ့သွားပြီးနောက် မြို့တော်ကာရာကတ်စ် အပါအဝင် နိုင်ငံအနှံ့အပြားတွင် အစိုးရကို ဆန့်ကျင်သူ ထောင်ပေါင်းများစွာ လမ်းမပေါ်ထွက်ကာ အောင်ပွဲခံခဲ့ကြသည်။ ပြည်သူများသည် နိုင်ငံတော်အလံများကို ဝှေ့ယမ်းကာ ကခုန်ခြင်း၊ ကားဟွန်းများတီးခြင်းနှင့် "လွတ်လပ်ပြီ" ဟု ကြွေးကြော်ခြင်းများဖြင့် ဆယ်စုနှစ်တစ်ခုကျော်ကြာ ခံစားခဲ့ရသည့် စီးပွားရေးပျက်သုဉ်းမှုနှင့် ဖိနှိပ်ချုပ်ချယ်မှုများအဆုံးသတ်ရန် မျှော်လင့်ချက်ဖြင့် ဝမ်းသာမျက်ရည်ကျနေကြသည်။ ဗင်နီဇွဲလား ပြည်တွင်း၌သာမက အမေရိကန်နိုင်ငံ မိုင်ယာမီမြို့နှင့် ကိုလံဘီယာနိုင်ငံတို့တွင် ရောက်ရှိနေကြသည့် ဗင်နီဇွဲလား စစ်ပြေးဒုက္ခသည်များနှင့် ရွှေ့ပြောင်းအခြေချသူများသည်လည်း လမ်းမပေါ်ထွက်ကာ အောင်ပွဲခံခဲ့ကြသည်။ နှစ်ပေါင်းများစွာ မိသားစုနှင့် ဝေးကွာနေရသည့် ပြည်ပရောက် ဗင်နီဇွဲလားသားများအတွက် ဤဖမ်းဆီးမှုသည် ၎င်းတို့၏ နေရပ်ဌာနေသို့ ပြန်နိုင်တော့မည့် အခွင့်အလမ်းတစ်ခုအဖြစ် ရှုမြင်နေကြပြီး နိုင်ငံတကာအသိုက်အဝန်းသို့လည်း အားတက်သရော သတင်းစကားများ ပါးခဲ့ကြသည်။ လက်ရှိတွင် အာဏာရှင်ဟောင်း မာဒူရို ဖမ်းဆီးခံရမှုကြောင့် ပြည်သူများ အောင်ပွဲခံနေကြသော်လည်း နိုင်ငံ၏ ရှေ့ဆက်ရမည့် အနာဂတ်အတွက် စိုးရိမ်မှုအချို့ ရှိနေဆဲဖြစ်သည်။ အောင်ပွဲခံနေသည့် လူအုပ်ကြီးက နိုင်ငံအတွင်း ကျန်ရှိနေသေးသည့် မာဒူရို၏ လက်ပါးစေများနှင့် အစိုးရသစ္စာခံတပ်ဖွဲ့များ၏ အန္တရာယ်ကို သတိပြုနေကြသလို၊ အမြန်ဆုံး ကြားဖြတ်အစိုးရတစ်ရပ် ဖွဲ့စည်းကာ ဒီမိုကရေစီနည်းကျ ရွေးကောက်ပွဲများ ပြန်လည်ကျင်းပပေးရန် တောင်းဆိုမှုများလည်း မြင့်တက်လျက်ရှိသည်။ ဓာတ်ပုံ- ရိုက်တာ Live MPA 03-01-2026

ဗင်နီဇွဲလားကို အမေရိကန်က စတင်တိုက်ခိုက်ပြီး သမ္မတကိုလည်း ဖမ်းဆီးလိုက်ပြီလို့ ထရမ့်ပြော ဇန်နဝါရီ ၃၊ ၂၀၂၆။ ကျော်ကျော်လွင် / Think Media ဗင်နီဇွဲလား သမ္မတ နီကိုလပ်စ်မာဒူရိုနဲ့ ဇနီးကို ဖမ်းဆီးထိန်းသိမ်းလိုက်ပြီး တိုင်းပြည်ထဲက ခေါ်ထုတ်သွားပြီလို့ အမေရိကန်သမ္မတ ဒေါ်နယ်ထရမ့်က ပြောပါတယ်။ ဗင်နီဇွဲလားနိုင်ငံရဲ့ မြို့တော် ကားရကက်စ်မှာ ဒီကနေ့ ပေါက်ကွဲသံ ၇ ချက် ထွက်ပေါ်ခဲ့ပြီး နိမ့်နိမ့်ပျံလာတဲ့ ရဟတ်ယာဉ်တွေကိုလည်း တွေ့ရှိခဲ့ပြီးတဲ့နောက် ဗင်နီဇွဲလားသမ္မတ နီကိုလပ်စ် မာဒူရိုက ဗင်နီဇွဲလားတနိုင်ငံလုံးကို အရေးပေါ်အခြေအနေ ကြေညာခဲ့ပါတယ်။ တိုက်ခိုက်ခံရတဲ့နေရာဟာ ဗင်နီဇွဲလားစစ်စခန်းတခုဖြစ်ပြီး လက်ရှိမှာတော့ တိုက်ခိုက်ခံရတဲ့နေရာနဲ့ အနီးတဝိုက်မှာ လျှပ်စစ်မီးတွေ ပြတ်တောက်သွားပြီလို့ သိရပါတယ်။ ပေါက်ကွဲမှုတွေကို ဒီကနေ့ ဇန်နဝါရီ ၃ ရက်နေ့ ဗင်နီဇွဲလားစံတော်ချိန် မနက် ၂ နာရီခွဲမှာ ကြားခဲ့ရတာဖြစ်ပြီး တိုက်ခိုက်ခံရတဲ့နေရာဟာလည်း ဗင်နီဇွဲလားသမ္မတအိမ်တော်နဲ့ မဝေးလှတဲ့နေရာမှာ ရှိနေတာပါ။ ဗင်နီဇွဲလားဟာ အမေရိကန်ကို စစ်ရေးအရ ကျူးကျော်တိုက်ခိုက်တယ်လို့ စွပ်စွဲထားပါတယ်။ ပြီးခဲ့တဲ့ ကြာသပတေးနေ့ကပဲ မာဒူရိုဟာ မူးယစ်ကုန်သွယ်မှုကို တိုက်ဖျက်ဖို့အတွက်ဆိုရင် ဗင်နီဇွဲလားအနေနဲ့ ညှိနှိုင်းဖို့အတွက် အမြဲအသင့်ရှိကြောင်း ကမ်းလှမ်းနေတဲ့ကြားကပဲ အခုလိုအခြေအနေတွေ ဖြစ်ပေါ်ခဲ့တာပါ။ နီကိုလပ်စ်မာဒူရိုကို မူးယစ်ဆေးဝါးကုန်သွယ်မှုနဲ့ပတ်သက်နေတယ်လို့ အမေရိကန်ဖက်က စွပ်စွဲထားပေမယ့် ဗင်နီဇွဲလားရဲ့ ရေနံလုပ်ကွက်တွေကို လိုချင်တာကြောင့်ရော လက်တင်အမေရိကားမှာ တရုတ်ဩဇာကြီးလာတာကို မလိုလားတဲ့အတွက်ကြောင့်ရော အခုလိုလုပ်တာဖြစ်တယ်လို့ ပထဝီနိုင်ငံရေးသုံးသပ်သူတွေက ပြောဆိုကြပါတယ်။

ဗင်နီဇွဲလားသမ္မတနှင့်ဇနီးကို ဖမ်းဆီးသွားသော Delta Force အကြောင်း သိကောင်းစရာ NDTV ဗင်နီဇွဲလားနိုင်ငံတွင် အမေရိကန်က စစ်ဆင်ရေးကြီးတခု ဆောင်ရွက်ခဲ့ပြီး ဗင်နီဇွဲလားသမ္မတ နီကိုးလပ်စ် မာဒူရို နှင့် ၎င်း၏ဇနီးဖြစ်သူ ဆီလီယာ ဖလောရက်စ် တို့ကို ဖမ်းဆီးကာနိုင်ငံပြင်ပသို့ လေယာဉ်ဖြင့် ခေါ်ဆောင်သွားပြီဖြစ်ကြောင်း သမ္မတ ဒေါ်နယ်ထရမ့်က အတည်ပြုပြောကြားခဲ့သည်။ စစ်ဆင်ရေးအတွင်း ဗင်နီဇွဲလားမြို့တော် ကာရာကပ်စ် နှင့် အခြားဒေသများတွင် ပေါက်ကွဲသံများ ကြားခဲ့ရပြီး အမေရိကန်တပ်ဖွဲ့ဝင်များက အခရာကျသောပစ်မှတ်များကို တိုက်ခိုက်ခဲ့ကြောင်း ညွှန်ပြနေသည်။ အဆိုပါမစ်ရှင်ကို အမေရိကန်စစ်တပ်၏ ထိပ်တန်း အထူးစစ်ဆင်ရေးတပ်ဖွဲ့ဖြစ်သော Delta Force က လုပ်ဆောင်ခဲ့ခြင်းဖြစ်ကြောင်း CBS News က ဖော်ပြခဲ့သည်။ Delta Force ဆိုသည်မှာ အဘယ်နည်း။ ၁၉၇၇ ခုနှစ်တွင် စတင်တည်ထောင်ခဲ့ပြီး မြောက်ကာရိုလိုင်းနားပြည်နယ် ဖို့တ်ဘရက်တွင် အခြေစိုက်သည့် Delta Force သည် ကမ္ဘာပေါ်တွင် အတော်ဆုံးနှင့် လျှို့ဝှက်ချက်အရှိဆုံး စစ်ဘက်ဆိုင်ရာ တပ်ဖွဲ့ဖြစ်သည်။ ၎င်းသည် အမေရိကန်ကြည်းတပ် အထူးစစ်ဆင်ရေးကွပ်ကဲမှုဌာနအောက်တွင် လုပ်ဆောင်ပြီး ပူးတွဲအထူးစစ်ဆင်ရေးကွပ်ကဲမှုဌာန (JSOC) သို့ တိုက်ရိုက်အစီရင်ခံရသည်။ ၎င်းကို 1st Special Forces Operational Detachment–Delta (1st SFOD-D)ဟုလည်း ခေါ်ဆိုကြသည်။ ယင်း၏ဖွဲ့စည်းပုံကို Delta Force တည်ထောင်သူ ဗိုလ်မှူးကြီး ချားလ်စ် ဘတ်ဝစ်သ်အား စိတ်ကူးစိတ်သန်းပေးခဲ့သည့် ဗြိတိသျှ SAS (22nd Special Air Service Regiment) ၏ ပုံစံကို နမူနာယူထားခြင်းဖြစ်သည်။ စစ်ဆင်ရေးများ၏ အရေးပါမှုနှင့် အလွန်အမင်းလျှို့ဝှက်လွန်းမှုတို့ကြောင့် ၎င်းတို့အား Army Compartmented Elements (ACE)၊ Combat Applications Group (CAG) သို့မဟုတ် Delta စသည့် အမည်အမျိုးမျိုးဖြင့် ခေါ်ဝေါ်ကြသည်ဟု သတင်းများထွက်ပေါ်လေ့ရှိသည်။ Delta Force ၏ အဓိကတာဝန်များ ဤတပ်ဖွဲ့သည် အန္တရာယ်ကြီးမားပြီး တန်ဖိုးရှိသော မစ်ရှင်များကို အထူးပြုလုပ်ဆောင်ကာ အဓိကအားဖြင့် အကြမ်းဖက်မှုတိုက်ဖျက်ရေး၊ ဓားစာခံကယ်ဆယ်ရေး၊ အကြမ်းဖက်ခြိမ်းခြောက်မှုများကို ဖယ်ရှားခြင်းနှင့် ဖမ်းဆီးခြင်း နှင့် အထူးကင်းထောက်လုပ်ငန်းများကို တာဝန်ယူရသည်။ ထို့အပြင် လူသိများသော ပုဂ္ဂိုလ်ကြီးများကို အနီးကပ်အစောင့်အရှောက်ပေးခြင်းနှင့် ပုံမှန်မဟုတ်သော စစ်ဆင်ရေးများအတွက်လည်း လေ့ကျင့်ထားသည်။ တပ်ဖွဲ့ဝင်များသည် လက်ဖြောင့်စနိုက်ပါပစ်ခတ်ခြင်း၊ အနီးကပ်တိုက်ခိုက်ခြင်း ၊ ဖောက်ခွဲရေးနှင့် လျှို့ဝှက်ဝင်ရောက်ခြင်း အတတ်ပညာများတွင် ကျွမ်းကျင်ကြသည်။ ၎င်းတို့သည် လေယာဉ် ၊ ရထား၊ သင်္ဘောနှင့် မော်တော်ယာဉ်များပေါ်တွင် စစ်ဆင်ရေးများ ဆောင်ရွက်နိုင်ရန် လေ့ကျင့်ထားသဖြင့် မည်သည့်ပတ်ဝန်းကျင်၊ မည်သည့်အခြေအနေတွင်မဆို ကြားဖြတ်ဝင်ရောက် ထိန်းချုပ်နိုင်စွမ်းရှိသည်။ Delta Force ၏ ဖွဲ့စည်းပုံ Delta Force ကို ပင်မတပ်ခွဲ လေးခုဖြင့် ဖွဲ့စည်းထားပြီး တပ်ခွဲတခုစီတွင် တပ်စု သုံးခုစီ ခွဲထားသည်။ Recce/Sniper Troop- ထောက်လှမ်းရေးသတင်းစုဆောင်းခြင်းနှင့် စနိုက်ပါမစ်ရှင်များကို တာဝန်ယူသည်။ Direct Action/Assault Troops နှစ်ခု- ပစ်မှတ်များကို တိုက်ခိုက်ခြင်း၊ စီးနင်းခြင်းနှင့် အန္တရာယ်ကြီးသော မစ်ရှင်များကို အဓိကလုပ်ဆောင်သည်။ Delta Force ၏ စစ်ဆင်ရေးများ Delta Force လုပ်ဆောင်သော မစ်ရှင်အများစုမှာ လျှို့ဝှက်အဆင့်သတ်မှတ်ထားပြီး အချို့သောစစ်ဆင်ရေးများသာ အချိန်ကြာလာမှ လူသိရှင်ကြားဖြစ်လာလေ့ရှိသည်။ ထင်ရှားသော စစ်ဆင်ရေးအချို့မှာ Operation Prime Chance၊ ၂၀၀၁ ခုနှစ် ဘင်လာဒင်ကို ရှာဖွေမှု၊ ဘဂ္ဂဒက် လေကြောင်းတိုက်ခိုက်မှု၊ အီရတ်ဓားစာခံကယ်ဆယ်ရေး၊ ဆိုမာလီတွင် Operation Gothic Serpent ၊ ဂရီနေဒါတွင် Operation Urgent Fury နှင့် ISIS ခေါင်းဆောင် အဘူဘာကာ အယ်လ်-ဘဂ္ဂဒါဒီကို စီးနင်းတိုက်ခိုက်မှုတို့ ဖြစ်ကြသည်။ ဘယ်သူတွေ Delta Force သို့ ဝင်ရောက်ခွင့်ရသနည်း Delta Force သည် အစွမ်းဆောင်နိုင်ဆုံးနှင့် စိတ်ဓာတ်အကြံ့ခိုင်ဆုံး ပုဂ္ဂိုလ်များကိုသာ လူသစ်စုဆောင်းသည်။ များသောအားဖြင့် အမေရိကန်ကြည်းတပ် အထူးတပ်ဖွဲ့ (Green Berets) နှင့် 75th Ranger Regiment တို့မှ စစ်သည်များကို ရွေးချယ်လေ့ရှိသည်။ ရွေးချယ်မှုလုပ်ငန်းစဉ်မှာ သုံးပတ်မှ လေးပတ်အထိ ကြာမြင့်သည်။ ရွေးချယ်မှုပုံစံမှာ အလွန်ပင်ပန်းခက်ခဲလွန်းသဖြင့် လျှောက်ထားသူ အရေအတွက်အနည်းငယ်သာ အောင်မြင်ကြသည်။ ကိုယ်ကာယစစ်ဆေးမှုများတွင် ၃၅ ပေါင်လေးသော ကျောပိုးအိတ်ကို လွယ်ကာ ၁၈ မိုင် ညဘက် ချီတက်ခြင်း (သတ်မှတ်ချိန်အတွင်း) သို့မဟုတ် ၄၅ ပေါင်လေးသော ကျောပိုးအိတ်ဖြင့် မတ်စောက်ပြီး ကြမ်းတမ်းသောမြေပြင်တွင် ၄၀ မိုင် ချီတက်ခြင်းတို့ ပါဝင်သည်။ ဤစစ်ဆေးမှုများကို အောင်မြင်သူများသည် ကမ္ဘာ့အန္တရာယ်အရှိဆုံး မစ်ရှင်များအတွက် အဆင်သင့်ဖြစ်စေရန် ခြောက်လကြာမြင့်သည့် အော်ပရေတာ လေ့ကျင့်ရေးသင်တန်း (OTC) ကို တက်ရောက်ရသည်။ ဓါတ်ပုံ - Delta Force ကို ဗြိတိသျှ SAS ၏ ပုံစံကို နမူနာယူ၍ ဖွဲ့စည်းထားခြင်း ဖြစ်သည်။ #ဗင်နီဇွဲလား #US #ထရမ့် #Delta_Force #နိုင်ငံတကာ #မဇ္ဈိမသတင်းဌာန #MizzimaBurmeseNews -----------------------------------------------

ဗဟုသုတရဖို့ ဖတ်ကြည့်ပါ အမေရိကန်က ဖမ်းဆီးလိုက်တဲ့ မာဒူရို ဆိုတာ ၂၀၂၆ ခုနှစ်၊ ဇန်နဝါရီလ ၃ ရက်နေ့မှာ အမေရိကန်အထူးတပ်ဖွဲ့ Delta Force ရဲ့ ဝင်ရောက်ဖမ်းဆီးခြင်းကို ခံလိုက်ရတဲ့ ဗင်နီဇွဲလားသမ္မတ နီကိုးလပ်စ် မာဒူရို (Nicols Maduro) ဟာ ခေတ်သစ်ကမ္ဘာ့နိုင်ငံရေးမှာ အငြင်းပွားဖွယ်ရာ အကောင်းဆုံး ခေါင်းဆောင်တစ်ဦး ဖြစ်ပါတယ်။ ရေနံသယံဇာတ အကြွယ်ဝဆုံးနိုင်ငံကို အဆင်းရဲဆုံးနိုင်ငံအဖြစ် ရောက်ရှိအောင် အုပ်ချုပ်ခဲ့သူ၊ အာဏာရှင်တစ်ဦးအဖြစ် စွပ်စွဲခံရသူ၊ တော်လှန်ရေးသမားတစ်ဦးအဖြစ် ခံယူထားသူ... မာဒူရိုဆိုတာ တကယ်တော့ ဘယ်သူလဲ။ မာဒူရိုရဲ့ ဘဝအစဟာ အလွန်ရိုးရှင်းပါတယ်။ သူဟာ နိုင်ငံရေးမျိုးရိုးက ဆင်းသက်လာသူ မဟုတ်ပါဘူး။ ၁၉၉၀ ပြည့်နှစ်တွေတုန်းက သူဟာ ကာရာကပ်စ်မြို့တော်မှာ ဘတ်စ်ကားမောင်းသမား တစ်ဦးအဖြစ် အသက်မွေးခဲ့သူပါ။ ဒါပေမဲ့ သူဟာ သာမန်ကားဆရာမဟုတ်ဘဲ စကားပြောကောင်းပြီး စည်းရုံးရေးစွမ်းရည်ရှိတဲ့ အလုပ်သမားသမဂ္ဂ ခေါင်းဆောင် တစ်ဦး ဖြစ်ပါတယ်။ ဒီအရည်အချင်းတွေကပဲ သူ့ကို ဗင်နီဇွဲလားရဲ့ ဆိုရှယ်လစ်ခေါင်းဆောင်ကြီး Hugo Chvez နဲ့ ဆုံတွေ့စေခဲ့ပါတယ်။ ချာဗက်ဇ် ထောင်ကျနေစဉ်ကာလမှာ မာဒူရိုရဲ့ ဇနီးဖြစ်လာမယ့် ရှေ့နေ Cilia Flores (ယခု ဖမ်းဆီးခံရသူ) နဲ့အတူ ချာဗက်ဇ်လွတ်မြောက်ရေးအတွက် ကြိုးပမ်းခဲ့ရာကနေ လူယုံတော် ဖြစ်လာခဲ့ပါတယ်။ ချာဗက်ဇ် အာဏာရလာတဲ့အခါ မာဒူရိုဟာ နိုင်ငံခြားရေးဝန်ကြီး၊ ဒုသမ္မတအထိ အဆင့်ဆင့် ရာထူးတက်လာခဲ့ပါတယ်။ ၂၀၁၃ ခုနှစ်မှာ ချာဗက်ဇ် ကွယ်လွန်ခါနီးအချိန်မှာ မာဒူရိုကို သူ့ရဲ့ ဆက်ခံသူ အဖြစ် လူထုကို မိတ်ဆက်ပေးခဲ့ပါတယ်။ ချာဗက်ဇ်ကွယ်လွန်ပြီးနောက် ၂၀၁၃ ရွေးကောက်ပွဲမှာ မာဒူရိုဟာ မဲအနည်းငယ်အသာနဲ့ အနိုင်ရပြီး သမ္မတ ဖြစ်လာခဲ့ပါတယ်။ မာဒူရို သမ္မတဖြစ်ပြီး မကြာခင်မှာပဲ ဗင်နီဇွဲလားရဲ့ ကံကြမ္မာဟာ ဇောက်ထိုးကျသွားခဲ့ပါတယ်။ ဒီအချိန်ဟာ ရေနံတွင်းကြီး ဖင်ခုထိုင်ထားတဲ့ ဗင်နီဇွဲလားရဲ့ အမှောင်မိုက်ဆုံး ကာလတွေဖြစ်ပါတယ်။ ကမ္ဘာ့ရေနံဈေးကျဆင်းမှုနဲ့ စီမံခန့်ခွဲမှုအမှားတွေကြောင့် နိုင်ငံစီးပွားရေး ပြိုလဲခဲ့ပါတယ်။ ငွေကြေးအလွန်အမင်းဖောင်းပွမှု ဟာ ရာခိုင်နှုန်း သန်းနဲ့ချီ မြင့်တက်ခဲ့ပြီး ပိုက်ဆံ၁အိတ်နဲ့ ဈေးဝယ်ထွက်မှ ကြက်ဥတစ်လုံးရတဲ့ အခြေအနေထိ ဆိုးရွားခဲ့ပါတယ်။ ဒီအခြေအနေမှာ အစားအစာနဲ့ ဆေးဝါးပြတ်လပ်မှုကြောင့် ဗင်နီဇွဲလားပြည်သူ ၇ သန်းကျော် (လူဦးရေရဲ့ ၄ ပုံ ၁ ပုံ) ဟာ နိုင်ငံကို စွန့်ခွာထွက်ပြေးခဲ့ရပါတယ်။ စီးပွားရေးကျဆင်းလာတာနဲ့အမျှ ဆန္ဒပြပွဲတွေ ပေါ်ပေါက်လာတဲ့အခါ မာဒူရိုဟာ အကြမ်းဖက်ဖြိုခွင်းတဲ့ နည်းလမ်းကို သုံးခဲ့ပါတယ်။ ၂၀၁၈ နဲ့ ၂၀၂၄ ရွေးကောက်ပွဲတွေမှာ မသမာမှုတွေရှိတယ်လို့ နိုင်ငံတကာက စွပ်စွဲခဲ့ပေမယ့် သူကတော့ စစ်တပ်ရဲ့ ထောက်ခံမှုနဲ့ အာဏာကို ဆက်လက်ဆုပ်ကိုင်ထားခဲ့ပါတယ်။ အမေရိကန်က သူ့ကို ဖမ်းဆီးရတဲ့ အဓိကအကြောင်းရင်းကတော့ နိုင်ငံရေးသက်သက် မဟုတ်ဘူးလို့ ဆိုပါတယ်။ မာဒူရိုနဲ့ သူ့ရဲ့အစိုးရအဖွဲ့ဝင်တွေဟာ "Cartel of the Suns" လို့ခေါ်တဲ့ နိုင်ငံတော်အဆင့် မူးယစ်ဆေးဝါးမှောင်ခိုဂိုဏ်းကြီးကို ဦးဆောင်ပြီး ကိုကင်းမူးယစ်ဆေးဝါးတွေကို အမေရိကန်ဆီ တင်ပို့နေတယ်လို့ စွပ်စွဲခံထားရပါတယ်။ ၂၀၂၀ ခုနှစ်မှာ အမေရိကန်တရားရေးဌာနက သူ့ကို "Narco-terrorism" (မူးယစ်အကြမ်းဖက်မှု) နဲ့ တရားစွဲဆိုခဲ့ပြီး ဆုကြေးငွေ ၁၅ သန်း (နောက်ပိုင်း သန်း ၅၀) ထုတ်ပြန်ခဲ့တာ ဖြစ်ပါတယ်။ မာဒူရိုဟာ အမေရိကန်ရဲ့ ကြံစည်မှုတွေ၊ အာဏာသိမ်းကြိုးပမ်းမှုတွေနဲ့ ၂၀၁၉ ခုနှစ်က အတိုက်အခံခေါင်းဆောင် Juan Guaid ရဲ့ စိန်ခေါ်မှုတွေကို နှစ်ပေါင်းများစွာ ကြံ့ကြံ့ခံနိုင်ခဲ့ပါတယ်။ သူဟာ "ငါ့ကို ဘယ်တော့မှ ဖြုတ်ချလို့မရဘူး" လို့ မကြာခဏ ကြွေးကြော်လေ့ရှိပါတယ်။ ဒါပေမဲ့ ၂၀၂၆ ခုနှစ်၊ ဇန်နဝါရီလ ၃ ရက်နေ့မှာတော့ အမေရိကန် Delta Force ရဲ့ စစ်ဆင်ရေးနဲ့အတူ သူ့ရဲ့ "ဆိုရှယ်လစ်တော်လှန်ရေး" ခရီးလမ်းဟာ အဆုံးသတ်သွားခဲ့ရပြီ ဖြစ်ပါတယ်။ ဘတ်စ်ကားမောင်းသမားဘဝကနေ သမ္မတဖြစ်လာသူဟာ အခုအခါမှာတော့ အမေရိကန်တရားရုံးမှာ တရားရင်ဆိုင်ရမယ့် အကျဉ်းသားတစ်ဦး ဖြစ်လာခဲ့ပါပြီ။ Crd:- - -

ဗင်နီဇွဲလားသမ္မတနဲ့ ဇနီးကို ဖမ်းဆီးလိုက်ပြီလို့ အမေရိကန်သမ္မတ ထရမ့်ပြော ၃ ဇန်နဝါရီ ၂၀၂၆ ဗင်နီဇွဲလားကို အမေရိကန်တိုက်ခိုက်ပြီးနောက် ဗင်နီဇွဲလားသမ္မတ နီကိုလပ်စ် မာဒူရိုနဲ့ ဇနီးကို အမေရိကန်က ဖမ်းဆီးရရှိထားပြီး လို့ သမ္မတထရမ့်က သူ့ရဲ့လူမှုကွန်ရက်ကနေ ပြောဆိုလိုက်ပါတယ်။ ဖမ်းဆီးရခဲ့တဲ့ ဗင်နီဇွဲလားသမ္မတနဲ့ ဇနီးကိုလေယာဉ်နဲ့ ဗင်နီဇွဲလားအပြင်ဘက်ကို ထုတ်လာခဲ့ပြီလို့ဆိုပါတယ်။ ဗင်နီဇွဲလားနိုင်ငံအတွင်းက မူးယစ်ဆေးဝါးမှောင်ခိုမှုတွေအပါအဝင် ရာဇဝတ်မှုတွေကို အကြောင်းပြပြီးအမေရိကန်နိုင်ငံက ဒေသစံတော်ချိန် ဇန်နဝါရီလ၃ ရက်မနက်အစောပိုင်းမှာ တိုက်ခိုက်ခဲ့တာဖြစ်ပါတယ်။ ဒေသစံတော်ချိန် ဇန်နဝါရီလ၃ ရက်မနက်အစောပိုင်းမှာ ဗင်နီဇွဲလားနိုင်ငံရဲ့မြို့တော် ကာရာကပ်စ်နဲ့ မီရန်ဒါနဲ့ အာရာဂွါပြည်နယ်တို့မှာ ပေါက်ကွဲသံတွေ အဆက်မပြတ်ကြားခဲ့ရပါတယ်။ အမေရိကန်သမ္မတထရမ့်ဟာ ဗင်နီဇွဲလားနိုင်ငံအတွင်းက စစ်ဘက်ဆိုင်ရာအဆောက်အဦတွေကို ပစ်မှတ်ထားတိုက်ခိုက်ဖို့အတွက် အမိန့်ပေးခဲ့တာလို့ သိရပါတယ်။ ဗင်နီဇွဲလာနိုင်ငံက အမေရိကန်ရဲ့တိုက်ခိုက်လာမှုအ ပေါ် အလွန်ဆိုးဝါးတဲ့ စစ်ရေးကျူးကျော်မှုတွေကို လုပ်ဆောင်ခဲ့ဖြစ်ပြီး ဗင်နီဇွဲလားအနေနဲ့ လက်မခံဘဲ ကန့်ကွက်ရှုတ်ချပြီး အမေရိကန်အနေနဲ့ ဗင်နီဇွဲလားမှာရှိတဲ့ ရေနံနဲ့ သတ္တုသယံဇာတများကို သိမ်းပိုက်ဖို့ စွပ်စွဲရှုတ်ချထားတယ်လို့ သိရပါတယ်။ #NewDayMyanmar #အမေရိကန် #ဗင်နီဇွဲလား

🔥 ကမ္ဘာ့နိုင်ငံရေးကို တုန်လှုပ်သွားစေတဲ့ ကြေညာချက်တစ်ခု 🔥 ယနေ့ ဇန်နဝါရီ ၃ ရက်နေ့မှာ အမေရိကန်သမ္မတ ဒိုနယ်ထရမ့်က လူတိုင်း မျှော်လင့်မထားတဲ့ ကြေညာချက်တစ်ခုကို သူ၏ လူမှုကွန်ရက်စာမျက်နှာမှတစ်ဆင့် ရုတ်တရက် ထုတ်ပြန်လိုက်ပါတယ်။ 👉 ဗင်နီဇွဲလား သမ္မတ နီကိုလပ်စ် မာဒူရို နှင့် ၎င်း၏ ဇနီးဖြစ်သူ တို့ကို အမေရိကန်က ဖမ်းဆီးရရှိထားပြီး လေယာဉ်ဖြင့် တိုင်းပြည်ပြင်ပသို့ ခေါ်ထုတ်ခဲ့ပြီးဖြစ်ကြောင်း ထရမ့်က အတိအလင်း ပြောကြားခဲ့တာပါ။ အဲ့ဒီကြေညာချက်ထွက်လာချိန်နဲ့ အချိန်ကိုက်ပဲ ဗင်နီဇွဲလား မြို့တော် ကာရာကတ်စ် မှာ နံနက်အစောပိုင်း ပေါက်ကွဲသံများ ဆက်တိုက်ကြားရပြီး အမေရိကန်က စစ်ရေးပစ်မှတ်များကို တိုက်ခိုက်ခဲ့ကြောင်း သတင်းများ ထွက်ပေါ်လာပါတယ်။ ဒီဖြစ်ရပ်က အမေရိကန်နဲ့ ဗင်နီဇွဲလားအကြား နှစ်ရှည်လများတင်းမာနေခဲ့တဲ့ နိုင်ငံရေး၊ စစ်ရေး အငြင်းပွားမှုတွေ အမြင့်ဆုံးအဆင့်ကို ရောက်ရှိသွားပြီလားဆိုတဲ့ မေးခွန်းကြီးကိုလည်း ကမ္ဘာလုံးဆိုင်ရာ မီဒီယာတွေကြားမှာ ထပ်မံ ပေါ်ထွက်လာစေခဲ့ပါတယ်။ ဒါပေမယ့် အခုအချိန်အထိ ဗင်နီဇွဲလားအစိုးရဘက်က မာဒူရို ဖမ်းဆီးခံရခြင်းအပေါ် တရားဝင် အတည်ပြုချက် မထုတ်ပြန်သေးပါဘူး။ နိုင်ငံတကာ သတင်းဌာနအများစုကလည်း အချက်အလက်တွေကို စိစစ်နေဆဲဖြစ်ပြီး “အတည်မပြုနိုင်သေးတဲ့ သတင်း” အဖြစ် ဖော်ပြထားကြပါတယ်။ 👉 ဒါဟာ သမိုင်းဝင် ပြောင်းလဲမှုတစ်ခု ဖြစ်လာမလား 👉 ဒါမှမဟုတ် နိုင်ငံရေး စစ်ရေးဖိအားပေးမှုတစ်ခုသာ ဖြစ်မလား အဖြေကတော့ လာမယ့် နာရီများ၊ ရက်များအတွင်း တရားဝင် ကြေညာချက်အသစ်တွေ ထွက်လာမှသာ အမှန်တကယ် သိနိုင်ပါလိမ့်မယ်။ 📌 သတင်းအခြေအနေကို ဆက်လက်စောင့်ကြည့်ပြီး Update သတင်းများကို ထပ်မံဖော်ပြသွားပါမယ်။ ပုံ ကိုးကားးAI photo by Trump statement #အမေရိကန် #ဗင်နီဇွဲလား #သမ္မတ #နိုင်ငံတကာ #သတင်းစုံ #ဘာသာပြန် #သတင်း

မာဒူရိုကို အမေရိကန်က ဖမ်းဆီးသွားသဖြင့် ဗင်နီဇွဲလားပြည်သူများ လမ်းမပေါ် ထွက်ကာ အောင်ပွဲခံ #ဗင်နီဇွဲလား #ပြည်သူများ #အောင်ပွဲခံ

အခုမြင်နေကြရတာကတော့ အမေရိကန်က ဗင်နီဇွဲလားနိုင်ငံအတွင်းက စစ်ဘက်ဆိုင်ရာ အဆောက်အအုံတွေကိုလေကြောင်းကနေ တိုက်ခိုက်နေတဲ့ ပုံတွေဖြစ်ပါတယ်။ #venezuela #NicolasMaduro #USStrike #Update #Newzy

သွားကိုက်၊ သွားနဲ့၊ သွားဖုံးရောင်တာတွေကြောင့် စားမရအိပ်မရ ဖြစ်နေပါသလား? 😫 ဆေးသောက်စရာမလိုဘဲ အိမ်မှာရှိတဲ့ ပစ္စည်းလေးတွေနဲ့တင် ချက်ချင်းသက်သာစေမယ့် နည်းလမ်းလေး ရှိပါတယ်။ ✨ လိုအပ်တဲ့ပစ္စည်း- ၁။ ကွမ်းရွက် - ၁ ရွက် ၂။ ဆား - လက်ဖက်ရည်ဇွန်း ၁ ဇွန်း 🌿 ပြုလုပ်နည်း- • ကွမ်းရွက်ထဲမှာ ဆားကိုထည့်ပြီး အထုပ်လေးဖြစ်အောင် ထုပ်လိုက်ပါ။ • ပြီးရင် ပါးစပ်ထဲထည့်ဝါးပြီး သွားကိုက်နေတဲ့ဘက်မှာ ၃ မိနစ်ခန့် ဖိကိုက်ထားပေးပါ။ • ၃ မိနစ်ပြည့်လို့ ပြန်ထွေးထုတ်လိုက်ရင် ထိုနေရာလေး ထုံသွားပြီး ကိုက်ခဲနေတာတွေ ချက်ချင်းယူပစ်သလို ပျောက်ကင်းသွားပါလိမ့်မယ်။ ✅ သွားကိုက်တာအပြင် ခံတွင်းနံ့နံတာတွေအတွက်လည်း အရမ်းကောင်းပါတယ်။ ကိုယ်တိုင်ပဲဖြစ်ဖြစ်၊ ဘေးနားကလူတွေပဲဖြစ်ဖြစ် သွားကိုက်နေရင် ဒီနည်းလမ်းလေးကို လက်တို့ပေးလိုက်ကြဦးနော်။ ✨ #yoyocooking

ဘယ်သူရရ၊ ဝမ်းသာပါတယ်။ နခေါ့ဖနုန်မြို့က၊ အဒေါ်ကြီး၊ ၁ဦး၊ မထင်မှတ်ပဲ ထီပေါက်သွားလို့၊ အရန်းပျော်နေတာ၊ အဒေါ်ကြီးက 2.01.2026၊နေ့မှာ ထွက်တဲ့၊ အမြင့်ဆုံး ထီဆုကြီးဖြစ်တဲ့၊ ( 837706)၊ ဆုကြီးကို၊ 1စောင် ၊ဘတ် 6သန်း ကံထူးသွား ပါတယ်ရှင့်။ နှစ်သစ်မှာ၊ ကံကောင်းကြလို့၊ ထပ်တူဝမ်းသာ ပါတယ်။ (မှတ်ချက်။ ကံယကံရှင်၊ ခွင့်ပြုချက်ဖြင့် ဓာတ်ပုံဖော်ပြခြင်း၊ ဖြစ်ပါတယ်။ ) #ขอบคุณข่าวสด #นานปียะ #ThailandNews Thailand News ထိုင်း-မြန်မာမူရင်းဘာသာပြန် Nanpiya

၁၉၉၈ ခုနှစ်တွင် ဟွန်ဒူးရပ်စ်နိုင်ငံသည် Choluteca မြစ် အပေါ်တွင် ခေတ်မီသော တံတားတစ်စင်းကို တည်ဆောက်ခဲ့သည်။ ထိုတံတားကို ပြင်းထန်သော မိုးလေဝသအခြေအနေများကို ခံနိုင်ရည်ရှိပြီး မျိုးဆက်များအတွက် ကြာရှည်အသုံးခံနိုင်စေရန် ဒီဇိုင်းရေးဆွဲထားခြင်းဖြစ်သည်။ Archyde အရ ထိုတံတားကို ဂျပန် အင်ဂျင်နီယာကုမ္ပဏီတစ်ခုမှ တည်ဆောက်ခဲ့ပြီး ဟွန်ဒူးရပ်စ်နိုင်ငံအတွက် ဖွံ့ဖြိုးတိုးတက်မှုနှင့် ခံနိုင်ရည်ရှိမှု၏ သင်္ကေတတစ်ခုအဖြစ် ယူဆခံခဲ့ရသည်။ တံတားသည် ခိုင်ခံ့ကောင်းမွန်စွာ ဆောက်လုပ်ထားပြီး သဘာဝဘေးအန္တရာယ်များကို ရင်ဆိုင်နိုင်ရန် အဆင်သင့်ဖြစ်နေခဲ့သည်။ သို့သော် ထိုနှစ်အတွင်းပင် Hurricane Mitch မုန်တိုင်းကြီးသည် အလယ်အမေရိကဒေသကို ပြင်းထန်စွာ ဝင်ရောက်တိုက်ခတ်ခဲ့သည်။ NewsBreak အရ မုန်တိုင်းကြောင့် စံချိန်တင် မိုးရွာသွန်းမှုများနှင့် ရေလွှမ်းမိုးမှုများ ဖြစ်ပွားခဲ့ပြီး လူဦးရေ တစ်သန်းကျော်ကို အိုးအိမ်စွန့်ခွာရစေခဲ့သလို ဟွန်ဒူးရပ်စ်နိုင်ငံတစ်ဝှမ်းတွင် ကြီးမားသော ပျက်စီးဆုံးရှုံးမှုများ ဖြစ်ပေါ်စေခဲ့သည်။ Choluteca တံတား ကိုယ်တိုင်ကတော့ မပျက်စီးဘဲ ကျန်ရှိနေခဲ့သော်လည်း မုန်တိုင်း၏ သက်ရောက်မှုကြောင့် မြစ်၏ လမ်းကြောင်းသည် လုံးဝ ပြောင်းလဲသွားခဲ့သည်။ Detective Tiger အရ မြစ်သည် တံတားဘေးတွင် လမ်းကြောင်းအသစ်တစ်ခုကို ကိုယ်တိုင် ဖောက်လုပ်သွားခဲ့ပြီး တံတားကိုတော့ လမ်းမများနှင့် ချိတ်ဆက်မှုမရှိသော ခြောက်သွေ့နေရာပေါ်တွင် ကျန်ရစ်စေခဲ့သည်။ ယခင်က ဂုဏ်ယူဖွယ် အောင်မြင်မှုတစ်ခုဖြစ်ခဲ့သော ထိုတံတားသည် နောက်ပိုင်းတွင် “ဘယ်နေရာမှ မသွားတဲ့ တံတား (Bridge to Nowhere)” ဟု ခေါ်ဝေါ်ခံရလာခဲ့သည်။ အသုံးမဝင်တော့သော်လည်း လူသားတို့၏ အစီအစဉ်ကောင်းများကိုပါ သဘာဝအင်အားက ကျော်လွန်နိုင်ကြောင်း ပြသသော အားကြီးသင်္ကေတတစ်ခုအဖြစ် ဆက်လက်တည်ရှိနေဆဲဖြစ်သည်။ #fblifestyle #smartscope

ဘယ်လို ဖခ၊င်မျိုးပါလဲနော် ကို၊ယ့်သ၊ား သမီ၊: အရ၊င်းကြီးကိုလု၊ပ်ရ၊က်တယ် အပြ၊င်လ၊က်တွေ့မှာ မမြ၊င်ဖူးကြလား🥹🥲

Sony နဲ့ Honda တို့ရဲ့ အိမ်မက်ကား "AFEELA" စမ်းသပ်ထုတ်လုပ်မှု စတင်ပြီ! ​နည်းပညာချစ်သူတွေ စောင့်မျှော်နေကြတဲ့ Sony နဲ့ Honda တို့ရဲ့ ပထမဆုံး လျှပ်စစ်ကား (EV) "AFEELA" ဟာ ဒီနေ့ (ဇန်နဝါရီ ၂၊ ၂၀၂၆) မှာပဲ အမေရိကန်နိုင်ငံ၊ Ohio ပြည်နယ်မှာ Trial Production (စမ်းသပ်ထုတ်လုပ်မှု) စတင်လိုက်ပါပြီ။ ​ဒီကားရဲ့ စိတ်ဝင်စားစရာအကောင်းဆုံးအချက်တွေကတော့ - Sony ရဲ့ အဆင့်မြင့် ဖျော်ဖြေရေးနဲ့ အာရုံခံ (Sensor) နည်းပညာတွေ ပါဝင်မယ်။ Sensor ပေါင်း (၄၀) ကျော်နဲ့ AI စနစ်တွေ အပြည့်သုံးထားမယ်။ ကားမောင်းရင်း ရုပ်ရှင်ကြည့်၊ ဂိမ်းဆော့နိုင်မယ့် အတွေ့အကြုံသစ်။ ​၂၀၂၆ ခုနှစ်အတွင်းမှာပဲ တရားဝင် စတင်ဖြန့်ချိသွားမယ်လို့ သိရပါတယ်။ Sony ရဲ့ နည်းပညာနဲ့ Honda ရဲ့ ကားထုတ်လုပ်မှု အရည်အသွေး ပေါင်းစပ်လိုက်တဲ့အခါ ဘယ်လိုအမိုက်စား EV တစ်စီး ထွက်လာမလဲဆိုတာ ရင်ခုန်စရာပါပဲ။ ​#SonyHondaMobility #AFEELA #EV #TechNews #MyanmarTech

အဆီဗိုက်ကြီးပိန်သွားစေလိုလျှင်အလွယ်ဆုံးနည်း ဖတ်ချိန်တမိနစ် အသက်ကြီးလို့ ဗိုက်ကြီးပူလာခြင်းကို မပူပါနဲ့ ငွေမကုန်ပဲ သက်ရင်းကြီးမြစ်နဲ့ဒီလိုရှင်းလို့ရတယ်။ အသက်ကြီးလာလျှင် ယောက်ျား မိန်းမ ဝဖြိုးလာပြီး ဗိုက်ကြီးပူလာခြင်းမှာ သဘာဝဟုဆိုနိုင်ပါသည်။ အဆီမ်ား၍ ပူလာသောဗိုက်ကို သက်ရင်း ကြီးမြစ်နှင့် စမ်းသပ်လိုက်ပါ။ သက်ရင်းကြီးမြစ်ကို လေးလက်မ ငါးလက်မခန့်ဖြတ်၍ ရေစင်စင်ဆေ:ပါ။ ဘက္တီးရီးယား ပို:များကင်းစင်စေရန်နှင့် မွိုမ်ား မကျရောက်စေရန် အျမစ္မ်ားကို ထမင်းပေါင်းအိုးထဲထည့်ပြီး ပေါင်းပါ။ သုံးနာရီပေါင်းပြီးမှ ခြောက်သွေ့စေရန် နေလှန်းပါ။ဆေ:သွေ:ကျောက်ပျဉ်ပေါ်မှာ သွေ:ပြီး သောက်ပါ။ ၁၀-ရက်လောက် သောက်ပြီးနောက် ပူနေသောဗိုက်ကြီး တနေ့တခြား ပိန်သွားပါလိမ့်မည်။ အဆီရှိသောနေရာ ပိန်သွားခြင်းဖြစ်ပါသည်။ လူပိန်သွားခြင်း မဟုတ်ပါ။ ဆေ:သောက်နည်းမှာ နေ့စဉ် နံနက်စောစော (၆)နာရီမှာဖြစ်စေ၊ (၇)နာရီမှာဖြစ်စေ နံနက္စာ (Break Fast) မစားမီဆေးကိုသွေ:ပြီး သောက်ပါ။ တစ်ကြိမ်ပဲ သောက်ပါ။ (Zebra) စတီးဇွန်းဖြင့် ဆေ:ရည်ကို ဆားအနည်းငယ် ထည့်သောက်ပါ။ ဝမ်းလွယ်ပါက လျှော့သောက်ပြီး ဝမ်းချုပ်တတ်ပါက နည်းနည်းပိုသောက်ပါ။ (Zebra) စတီးဇွန်းသည် စံချိန်တစ်ခု ယူထားခြင်း ဖြစ်ပါသည်။ ဆေ:သောက်ပြီး တစ်နာရီအကြာမှာ ဝမ်းသွားပါမည်။ ပထမတစ်ကြိမ် ဝမ်းသွားပြီးလျှင် နံနက်စောစောအစာကို စားသောက်နိုင်ပါသည်။ အဝအလင်စားသောက်နိုင်ပါတယ်ခင်ဗျာ.. နောက်ထပ် တစ္နာရီ သို့-နာရီဝက်ခန့်ကြာတိုင်း ဝမ်းသွားပါဦးမည်။ ပထမတစ်ကြိမ် ဝမ်းသွားပြီးကတည်းက ဝမ်းထဲမှာရှိသော အစာဟောင်းများ ကုန်သွားပါမည်။ နောက်ထပ်သွားသော ဝမ်း၏အနံ့သည် အမဲသား ဝမ်းတွင်းသား အနံ့ကဲ့သို့ နံလာပါမည်။ မစင်ကိုရေဖြင့်သန့်စင်သည့်အခါ စအိုဝတွင် ဆီများရွှဲနေသည့် အထိအတွေ့မျိုးကို သိရှိရပါလိမ့်မည်။ ဝမ်းသွား၍ အားအင်ကုန်ခန်းခြင်း မရွိပါ။ ဆေ:များများ သောက်မိပါက အော့ချင် အန်ချင်သလို ဖြစ်တတ်ပါသည်။ စိုးရိမ္စရာ မရွိပါ။ သက်ရင်းကြီးမြစ် သောက်ပြီးနောက် ရရှိလာမည့် အကျိုးများ 1⃣ ခန္ဓာကိုယ်တွင်းရှိ ပိုနေသော အဆီမ်ား (Cholesterol)ကို ကျစေသည်မှာ သိသာပါသည်။ 2⃣ ခန္ဓာကိုယ် ပူနွေးပြီး နေထိုင်ကောင်းပြီး ပေါ့ပါးလာပါမည်။ 3⃣ မ်က္စိမ်ား ကြည်လင်လာပါမည်။ 4⃣ ထုံကျဉ် ကို-က်ခဲနေသော ရောဂါများ သက်သာသွားပါမည်။ 5⃣ လေထို:လေအောင့် ရောဂါများရှိလျှင် သက်သာလာမည်။ 6⃣ ဝမ်းမှန် ဆီးမှန်ပြီး သွေ:သားကို စင်ကြယ်စေပါသည်။ 7⃣ ဆီးချိုရောဂါကိုလည်း သက်သာစေပါသည်။ ငွေကုန်ကြေးကျ မမ်ားဘဲ ဆေ:မြစ်တစ်ခုတည်းနှင့် အသုံးပြုပုံကို လက်တွေ့စမ်းသပ်ပြီးတင်ပြလိုက်ရပါသည်။ ကျေးဇူးပြုပြီး မျှဝေပေးကြပါ ဂရုစိုက်ကြပါမိတ်ဆွေများခင်ဗျာ..တစ်ဆင့်ပြပြန်လည်မျှဝေခြင်းဖြစ်ပါသည် #KnowledgeVillage #crd_to_owner_with_respect #health #ကျန်းမာရေး #fypシ゚ #အိမ်တွင်းကုထုံး #HealthTips #HomeRemedy

အမျိုးသမီးတစ်ဦးကို ရေတပ်အရာရှိတစ်ဦးက မု-ဒိမ်းကျင့်ပြီး ကားနောက်မှာ ကိုယ်လုံးတီး ပစ်ထားခဲ့လို့ လျော်ကြေးပေးပြီး ကျေအေးလိုက်ရ ထိုင်းရေတပ်အရာရှိတစ်ဦးဟာ အသက် ၂၃ နှစ်အရွယ် အမျိုးသမီးတစ်ဦးကို မု-ဒိမ်းကျင့်ပြီးနောက် ထရပ်ကားအသေးစားရဲ့ နောက်ခန်းမှာ အဝတ်ဗလာနဲ့တင်ကာ အိမ်ပြန်လိုက်ပို့ခဲ့တဲ့ ဖြစ်စဉ်တစ်ခု ချွန်ဘူရီ မှာ ဖြစ်ပွားခဲ့ပါတယ်။ ဒီကိစ္စနဲ့ပတ်သက်ပြီး နစ်နာသူအမျိုးသမီးက ဒီဇင်ဘာ ၃၀ ရက်နေ့မှာ Sattahip ရဲစခန်းမှာ အမှုဖွင့်တိုင်ကြားခဲ့ပါတယ်။ ဖြစ်စဉ်ကတော့ အမျိုးသမီးဟာ သူငယ်ချင်းတွေနဲ့အတူ ဆိုင်တစ်ဆိုင်မှာ သောက်စားနေစဉ် အဲဒီအမျိုးသားက အိမ်လိုက်ပို့ပေးမယ်လို့ ပြောဆိုပြီး ခေါ်ဆောင်သွားခဲ့တာပါ။ ဒါပေမယ့် သူမရဲ့နေအိမ်ကိုမပို့ဘဲ ရေတပ်၀န်ထမ်းအိမ်ရာကို ခေါ်သွားပြီး အခန်းထဲခေါ်မရတဲ့အဆုံး ရပ်ထားတဲ့ ကားပေါ်မှာပဲ အဓမ္မပြုကျင့်ခဲ့တယ်လို့ ဆိုပါတယ်။ ကျူးလွန်ပြီးနောက်မှာတော့ အမျိုးသမီးကို ကားနောက်ခန်းမှာ အဝတ်ဗလာနဲ့တင်ပြီး ၅၊ ၆ ကီလိုမီတာလောက်ဝေးတဲ့ သူမရဲ့အိမ်အထိ မောင်းနှင်ပို့ဆောင်ခဲ့တယ်လို့ သတင်းတွေက ဖော်ပြပါတယ်။ ထိုင်းရေတပ် ပြောရေးဆိုခွင့်ရှိသူ Parat Rattanachaiphan က သံသယရှိသူဟာ ရေတပ်အရာရှိမှန်ကန်ကြောင်း အတည်ပြုခဲ့ပြီး စုံစမ်းစစ်ဆေးမှုတွေ လုပ်ဆောင်သွားမယ်လို့ ပြောပါတယ်။ ပြစ်မှုထင်ရှားရင် ဥပဒေအရ အရေးယူမှာဖြစ်ပြီး ရေတပ်အနေနဲ့ ဘယ်လိုအကာအကွယ်မျိုးမှ ပေးမှာမဟုတ်ဘူးလို့လည်း သူက အလေးအနက် ပြောကြားခဲ့ပါတယ်။ ဒါပေမယ့် နောက်ဆုံးမှာတော့ ကျူးလွန်သူဘက်က နစ်နာကြေးငွေ ဘတ် ၁ သိန်း ၈ သောင်း ပေးလျော်ဖို့ သဘောတူခဲ့တာကြောင့် နစ်နာသူအမျိုးသမီးက အမှုပြန်ရုပ်သိမ်းသွားခဲ့တယ်လို့ Matichon သတင်းဌာနက ဖော်ပြထားပါတယ်။ Ref : Thethaiger #ဘန်ကောက်လမ်းညွှန်ကိုစိုင်း #မု-ဒိမ်းမှု

ပိုင်နက်ထဲကျူးလာတဲ့ တရုတ်တိုက်လေယာဉ်တစင်းကို တိုင်ဝမ် F-16 တွေက လိုက်လံမောင်းထုတ်နေပုံ 🙄 photo: screenshot @ZA

တရုတ် AI Agent ကုမ္ပဏီကို Meta ဝယ်ယူ ရှားရှားပါးပါး တရုတ်နည်းပညာကုမ္ပဏီကို အမေရိကန်က ဝယ်သွားတာပါ။ ဝယ်သွားတဲ့ ကုမ္ပဏီက Facebook လုပ်ငန်းစု Meta ဖြစ်ပြီး သူဝယ်လိုက်တာ တရုတ်မှာ ထောင်ခဲ့တဲ့ အခု စင်ကာပူက Manus ဆိုတဲ့ AI agent ကုမ္ပဏီ ဖြစ်နေပါတယ်။ တရုတ်နဲ့ အမေရိကန် နည်းပညာပြိုင်ဆိုင်မှု ဒီရေအမြင့်ဆုံးအချိန်မှာ ဝယ်သွားလို့ သတင်းတွေ ကြီးနေတာပါ။ Meta က Manus ရဲ့ AI agent လုပ်ငန်းပိုင်းကို လက်လွှဲယူပြီး သူ့ထုတ်ကုန်တွေမှာ ဒီနည်းပညာ ပေါင်းစည်းပါလိမ့်မယ်။ Manus ရဲ့ AI agent က လုပ်ငန်းတစ်ခုလုံးကို အစအဆုံး အစီအစဉ်ဆွဲတာကနေ အလုပ်အပ်တဲ့အထိ လုပ်နိုင်တဲ့ "ပုံရိပ်ယောင် လုပ်ဖော်ကိုင်ဖက်" လို့တောင် ပြောပါတယ်။ ဒီဘက်စုံသုံး AI agent က ဈေးကွက်သုတေသန ၊ coding နဲ့ ဒေတာခွဲခြမ်းစိတ်ဖြာတဲ့အလုပ်တွေကို လုပ်နိုင်ပါတယ်။ ဒီနှစ်ဆန်းကပဲ ထွက်ထားတာ ဖြစ်ပြီး ဒီ Agent ထွက်ပြီးတဲ့နောက် ၈ လအတွင်းမှာ ကုမ္ပဏီဝင်ငွေ သန်း ၁၀၀ ကျော် ရထားပြီး အခုဆို ဝင်ငွေဒေါ်လာ ၁၂၅ သန်းအထက် ရှိနေပြီလို့ ပြောပါတယ်။ Manus ကို ရှောင်ဟုန်ဆိုတဲ့ CEO က ၂၀၂၂ ခုနှစ်က တရုတ်မှာ စတည်ထောင်ပြီး ဒီနှစ်ဆန်းပိုင်းမှာ စင်ကာပူကို ပြောင်းရွှေ့တာပါ။ ဒီကုမ္ပဏီကို Meta က ဘယ်လောက်ပေးဝယ်လိုက်သလဲဆိုတာ မသိရသေးပါဘူး။ Wall Street Journal က တွက်ထားတာတော့ အရောင်းအဝယ်တန်ဖိုး ဒေါ်လာ ၂ ဘီလျံကျော်မယ်လို့ ဆိုပါတယ်။ Manus ရဲ့ AI agents တွေကို ကုမ္ပဏီကြီးတွေက စိတ်ဝင်စားခဲ့ပါတယ်။ Microsoft တောင် သူ့ Windows 11 PC တွေမှာ Manus ကို စမ်းသုံးခဲ့တာ ရှိပါတယ်။ Meta အနေနဲ့ Manus ကို ဝယ်လိုက်တာက AI agent ပညာရှင်တွေလည်း ရ ၊ Llama မော်ဒယ်ကို အဆင့်မြှင့်တင်တဲ့အပိုင်းပါ အသုံးချနိုင်တော့မှာပါ။ #DuwunTech

ပို.က်ဆံကု.န်ပီး ရောဂါအတိအကျ မပြောနိုင်တဲ့ဆရာဝန်တွေကြောင့် ဒုတ္ခရောက်နေရတဲ့သမီးလေး 😢 သမီးလေးကတော့မွေးကတည်းက အချင်းကပ်နေလို့ အမေဘဲtay မလား ကလေးဘဲtay မလား မွေးခဲ့ရတဲ့ကလေးပါ မွေးပြီး အသက်ရှစ်လ ရောက်တော့ အဖျားပိုးဝင်လို့ ပြင်ဦးလွင် ပုဂ္ဂလိကဆေးရုံမှာ ဆေးရုံတတ်ရ ပိုးသ.တ်ဆေးတွေသွင်းရ အဲ့နေစပြီး ခဏခဏဖျားပါတယ် နှစ်နှစ်ကျော်လောက်ကြတော့ ပိတုန်းမြင်ပြီးလန့်ပြီး မေ့လဲသွားလို့ ေဆ:ရုံပြေးရပြန်ပါတယ် ဆရာဝန်ပါရဂူတွေနဲ့ ဆက်တိုက်ပြခဲ့ပေမယ့် ဆေ:တွေစ.စ်ခဲ့ပေမယ့် ရောဂါကြီးကြီးမားမားရယ်လို့ မရှိပါဘူး နှလုံး Echo ရိုက်ကြည့်ချင်ပါတယ်ဆိုတာတောင် မလိုပါဘူး ဘာမှမဖြစ်ဖူးဆိုလို့ ဒီတိုင်းထားလိုက်ကြပါတယ် နောက်ကြ ခဏခဏဖြစ်နေတာ ဖြစ်ရင်လဲအကောင်းကြီးကနေ မေ့လဲလဲသွားတယ် ဘာဖစ်မှန်းလဲမသိ ခုအကောင်း ခဏနေ ဖြူဖွေးပြီးမေ့လဲ ငါးမိနစ်လောက်ပြီးရင် ပြန်ကောင်းသွားပြန်ပါတယ် ခဏခဏဖြစ်နေတော့ မန္တလေးဆင်းပြကြမယ်ဆိုပြီး ပြတော့ ဦးနှောက်အာရုံကြော က. တက်.တာနဲ့တော့သိပ်မတူဘူး ဒါမယ့်ဆေ:ပေးထားမယ် အဲဆေးက side effectမရှိဘူးဆိုလို့ ခုတိုက်တာနှစ်နှစ်ကျော်ပြီ အဲ့ကနေထပ်ညွှန်းလို့ နှလုံးဆိုလို့ နှလုံးပြတော့ နှလုံးအ.ပေါ.က်ပါတယ် အပေါ.က်ကလေးကသေးသေးလေး စိုးရိမ်စရာမရှိဘူး သူ့သူတောင်ပိတ်နိုင်တယ်လို့ဆိုပါတယ်။ ပြီးကျကလေးကအဲ့အချိန်တုန်းက ခြောက်နှစ်လောက်ဆိုတော့ ငယ်သေးတာဖစ်လို့ဆေးလဲတိုက်စရာမလိုဘူးလို့ပြေားပါတယ် ဒါပေမယ့် ခုချိန်ထိ ဆက်တိုက် ေစျးထဲမေ့လဲလိုက် ကစားရင်းမေ့လဲလိုက် အပြင်သွားမေ့လဲလိုက်နဲ့ ဆေးခန်းဆိုတာ အခါပေါင်းမရေနိုင်တော့ပါဘူး ဦးနှောက်ပြရင်နှလုံးထပ်ပြခိုင်း နှလုံးဆရာဝန်ပြရင် ဦးနှောက်ထပ်ပြခိုင်းတယ် ဘာလို့ ဒီလိုဖြစ်တယ်ဆိုတဲ့ အကြောင်းရင်းကမသိရပါဘူး တစ်ခါ ပြဆေးစစ်ရင် ငါးသိန်းအထက် ဟိုတလောကဆိုလေးရက်ဆက်တိုက် ဆင်းလိုက်တတ်လိုက် သိန်းနှစ်ဆယ်လောက်ကုန် ကိုယ်တွေတစ်လလုံးဝင်ငွေတောင် သိန်း20မရဘူး ကုရလို့လဲ ကုန်နေပြီ ကုန်ရကျို: ကမနပ်ဖူး ကလေးကလဲ သွေ:စ.စ်မယ်ဆိုရင်ကို အော်.ငိုနေပြီ ကုရင်းကုရင်း.ကုန်.ကုန်.ကုန်.နေပြီမို့ ဘာမှန်းလဲမသိလို့ လမ်းတွေပျောက်ရင်း.... စဥ်းစားမရ စုံနေပြီ ဆေးခန်းတွေလဲ အခုတော့ခလေးကို ကုစရာမရှိတော့လို့နောက်ဆုံးအနေနဲ့ခြံရောင်းပီးကုရမှာဖစ်ပါတယ်။ ဒါကြောင့်နည်းလမ်းကောင်းလေးနဲ့ ဆရာသမားကောင်းကောင်းလေးရှိရင်လမ်းညွှန်ပေးကြဖို့အကူညီတောင်းလာတာဘဲဖစ်ပါတယ်သမီးလေးလည်း ဆရာကောင်းသမားကောင်းနဲ့တွေ့ပီးအမြန်း‌ဆုံးနေကောင်းကျန်းမာပါစေ.. သိနားလည်သူတွေလဲ ပြောပြကူညီပေးကြပါအုံးနော် #celebritynews #newyear #health

အွန်လိုင်း.စ.လော့ ဂိမ်းတွေ ဆော့တာကြောင့် အိမ်ပိုင်ခြံပိုင်ဘဝကနေ လမ်းဘေးနေထိုင်ရတဲ့ဘဝကို သွားရတဲ့ မိန်းကလေး 😢 လော..င်းးကစား ဂိမ်းကြောင့် ဘဝ ပျ..က်သွားခဲ့တဲ့ ဒီမိန်းခလေးလို သူတွေ ဘလောက်တောင်ရှိနေပီလဲ #trendnews #celebritynews #UpdateNews